9
3
2
招牌菜
Weekend入左元朗紅磚屋行下同埋參觀下附近嘅壁畫，因為未食嘢去到即刻醫一醫肚先，揀咗一間紅磚屋入邊嘅小食店，因為係假日所以都要等咗一陣先有枱點左炒麵、腐皮卷、炸豆腐、炸鯪魚球、柑桔話梅七喜同埋附近有一檔檔仔(唔知叫咩名)嘅煎雞翼每樣小食味道都不過不失，炸物都炸得好香口反而想稱讚一下唔知叫咩名嘅檔仔煎嘅雞翼，雞皮煎得好香，入面仲保持嫩滑多汁，雞翼都醃得好入味服務：因為係自己俾錢後攞住號碼牌坐低等店員拎食物俾你，所以冇乜點會同店員接觸環境：似美食廣場自己搵位坐，所以座位同裝修都係紅磚屋內原有嘅設施，都係以紅磚同埋木為主題總括：如果去開紅磚屋嘅朋友都不妨可以試吓呢間小食店
繼續閱讀
環境好特別，好似在歐洲嘅市集咁，桌椅都好有優閑味道。早上唔多人，我地係一張遠少少嘅臺坐下。食咗個車仔麵早餐，米粉同湯底都ok, 比較淡味。魚蛋又幾好喎，彈牙，蘿白都好，無渣，好健康。
繼續閱讀
好遊客區個d小食店價錢偏貴，但味道真係麻麻地魚蛋同翅。。。我個人覺得難食魚蛋唔好講彈唔彈，直頭唔似丸，好實細細粒個翅就係一個獻汁蘿蔔無乜技巧野，都唔期望會幾新鮮，得5舊仔炸豆腐無乜味，但反而炸鯪魚肉就幾好食結論係:應該有d拿手菜，我估可能係炒麵/甜品😌但小食個d就真係唔推薦大家食唯一我認為值得讚，係個到d伙記好好禮貌，雖然忙但都好有耐性，都會同你吹2句整體來講，口痕頂下肚係ok，但唔好特登留肚過去食
繼續閱讀
今次係喺網上面搵到呢度附近有影相位所以轉誠意你，但山長水遠入到去都係依左肚先，肚仔餓經過見到個個坐喺度都係食呢一檔。佢哋以港式小食為主，然後點燃落咗單之後就自己喺附近隨便搵位楚，到佢哋食物整好嘅時候餐廳職員就會拎埋過嚟俾我哋。今次點做餐廳職員推介嘅炸豆腐、鐵板炒面、凍鹹檸七。以上三樣嘢都係佢哋餐廳職員推介話係必食，先講炸豆腐，送到上枱面嘅時候即炸完所以咬落去嘅時候熱辣辣，一個唔小心仲辣親條利，好滾新鮮炸但係味道就普通，冇乜豆腐味。然後鐵板炒麵主要都係似平時出面食腸粉舖頭會有得配搭嘅$10炒麵嘅味道，但係我呢個炒麵價錢好似30幾蚊？性價比唔算高。
繼續閱讀
入元朗錦上路，體驗鄉郊慢生活，找到了仿似置身泰國曼谷翟道翟的紅磚屋，遊歷一下。慢一的缺點，就是蚊太多呢。言歸正傳，內裡吃的小食店有幾檔，其中相對熱鬧的就係呢間食港式小食腸粉的紅磚屋小食店。佢話佢招牌係腐皮卷同炸豆腐，好，我就點來試下，仲有點左個腸粉。腸粉不過不失，魚蛋不算好吃，略嫌腥味多左D。炸豆腐真的不錯，本身給的醬，係一D落了蔥的鹽汁，同炸豆腐都算幾夾。不過更加夾的還是佢地的自制辣醬，辣醬有蒜泥同辣椒子，點落去D炸豆腐度特別惹味。
繼續閱讀