225
105
58
港鐵佐敦站 E 出口
電話號碼
2732 4611
開飯介紹
紅煙窗餐廳裝修雅致,可俯瞰繁忙熱鬧的尖沙咀彌敦道。行政總廚更為每位客人精心炮製各種主題式自助餐及套餐,美食精粹盡在於此 繼續閱讀
特色
適合大夥人
家庭親子
營業時間
星期一至日: 06:30-00:00
付款方式
Visa Master AE 現金
座位數目
180
其他資料
酒精飲品
自帶酒水 詳細介紹
切餅費 詳細介紹
電話訂座
加一服務費
優惠
自助晚餐精彩優惠
有效期至:
自助午餐精彩優惠
有效期至:
下午茶自助餐8折
有效期至:
招牌菜
巴馬火腿配蜜瓜加拿大雪場蟹腳 即煎法式鵝肝 法國睡蟹 酥皮焗龍蝦湯 新鮮生蠔 燒法國春雞卡巴
食評 (410)
平價自助餐之2 焦點食評
新晉食家 2016-06-19
9818 瀏覽
第一次黎食,原價唔記得幾錢,但用任何信用卡都有75折,折後390幾1個,係一般要500幾以上既酒店自助餐黎講算係平,亦抵食有橙汁,朱古力,咖啡,熱檸水,檸茶任飲海鮮有紐西蘭蠔,蟹腳,面包蟹,青口,蝦,小龍蝦d蠔個頭少少但新鮮爽甜,面包蟹唔使講都超多膏,蟹腳亦鮮甜唔過咸,小龍蝦有陣怪味魚生都有幾款,三文魚,帶子,立魚,希靈魚,蟹柳。 三文魚都夠肥美,帶子就唔夠新鮮冷盤有煙三文魚,鵝肝醬,salami,󰀃芒果蝦沙律,芝士都有5款 有 Gouda Cheese, Emmental Cheese,Camembert Cheese , Gorgonzola cheese, Blue Cheese.Gouda 較淡,我都係鍾意濃味之選Gorgonzola 同Blue Cheese煙三文魚配埋紫洋蔥同水瓜柳一齊食,油潤唔過咸生牛肉沙律,燒南瓜沙律唔夠林亦唔夠甜仲有即切意大利火腿配哈蜜瓜,我食左好多,肉質柔軟唔會好咸熱盤都好豐富有煎鵝肝,無睇錯係有煎鵝肝,雖然薄薄地但我已好滿足了仲有清蒸比目魚,西班牙腸,西班牙蛋餅,煙三文魚薄餅,法式焗田螺,黑松露西班牙火腿多士,西班牙乳豬,西班牙海鮮飯,炸意大利蟹肉腸薯波,欖油蒜片蝦等...勁多西班牙😂😂因為做緊西班牙,意大利美食黑松露西班牙火腿多士,雖然已經林左但2種材料夾埋一齊食,好香好香口乳豬皮已林了,麻麻地海鮮飯好多新鮮海鮮,唔係用急凍海鮮,仲有飯焦,好味燒牛肉,串燒,即製意粉,熟食款式有好多選擇甜品種類都幾多,有葡撻,芝士撻,豆腐花,Churros見到Churros即攞,但已經林晒唔好味了,一路都好想食外脆內軟又唔油膩既 Churros,但都未食到。芝士撻,焦糖燉蛋都ok自製斑㦸雪糕有Movenpick朱古力,士多啤梨,雲尼拿,Haagen-Dazs有雲尼拿朱古力脆皮雪條,仲有雪糕杯但唔記得有咩味我都食左2杯Movenpick同1條H牌雪條,正另外仲有櫃不同款式既奶凍,者喱但太飽食唔落了 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-08-17
821 瀏覽
趁星期日放假,就走左去位於恆豐酒店既紅煙窗歎左個下午茶Buffet。食物大致分為幾類,有冷盤、熱食、湯、飲品、甜品等,款式都算多元化。冷盤除左有沙律,仲有小龍蝦、青口、蝦及大大粒田螺,值回票價,而且凍得黎又唔會有冰鮮味,但小龍蝦同青口既海水味略嫌過重,鍾意清淡既我就只可以淺嘗。而熱葷既種類亦多10幾種:港式魚蛋、中式蘿蔔糕、啖啖肉既蟹粥、芝士扇貝、焗法國田螺,煙三文魚蒸蛋等等。當中既煙三文魚雖然美味,但佢只能作點綴,主角就非蒸蛋莫屬,蛋白蒸到啱啱熟,而蛋黃則呈流心狀態,異常美味!鍾意食流心蛋既你就一定唔可以錯過啦!而湯同飲品亦有不少選擇──碗仔翅、鮮榨橙汁、西柚汁、自製檸檬茶,鮮奶等等。當中碗仔翅非常足料,加有大量肉絲、香菇及竹筍,但翅既份量較少及較咸,令碗仔翅愛好者既我大失所望!如果嫌種類唔夠,又鍾意飲下cocktail既朋友仔,就可以係自助餐時段加錢嘗試啦。甜品方面,中式的蕃薯糖水薑味夠重,適合係今日咁綿綿細雨下驅寒;而西式糕點及蛋糕種類十分多,除左芝士蛋糕,芒果布甸及焦糖燉蛋外,仲有馬卡龍及多種口味既Dreyer's,女仕們記得留肚食甜品啦!如果鍾意食pancake既朋友仔,就可以試下用餐廳既自製pancake機,禁個“OK”製等唔使一分鐘就有得食,但配料方面就只有朱古力醬、士多啤梨醬同焦糖,如果能夠多加配料既話一定大大加分!至於服務方面,侍應態度友善,值得一讚!但當時人客唔算太多,但侍應收碟速度唔算太快,好多時拎完野食反位D"吉"碟仲係枱面! 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-08-10
1261 瀏覽
今日同朋友去食中午自助餐,本來$248/位,但在開飯喇攞咗電子優惠券八折。 朋友先試食生蚝,果然閒日去著數在少人搶食,但生蚝無令人失望,Size雖細,食多D補番数…原來仲有隻火腿伴哈密瓜,火腿好食,亦算係貴價嘢,所以就憑上列兩樣,點都唔會抵番本啦。 其他食物,都與一般自助餐無乜两樣,但嫌蛋糕款式不多,件件係細Size,與一般酒店比下去,但有折仍會再去. 繼續閱讀
(以上食評乃用戶個人意見 , 並不代表OpenRice之觀點。)