127
87
17
港鐵上環站 A2 出口, 步行約8分鐘
電話號碼
2854 9969
開飯介紹
筷子記主要做的是撈麵,像車仔麵般有十二種配搭,該餐店第二個賣點就是打平民牌,在中環區以廉價作招來。 繼續閱讀
營業時間
星期一至日: 09:00-22:00
付款方式
現金
座位數目
30
其他資料
電話訂座
外賣服務
招牌菜
無花果蜜 澳門撈麵 檸檬以羅
食評 (247)
新晉食家 2016-09-08
506 瀏覽
叫左瑞士雞翼 沙爹魷魚 香菇魚扒 全部都聽講話係呢到既招牌!瑞士雞翼的確係幾入味 肉都已經煮到唔痴骨;香菇魚扒就比較有特色 平時都難見d 味道亦不錯 真係有陣陣既菇味 質感有d似潮州魚餅;而沙爹魷魚就一般咁 冇乜味比起車仔麵 呢個包反而係我既大愛!佢地既麵包好軟熟 上枱既時候仲係熱辣辣 入面夾左兩大條既沙甸魚 醬汁帶點微微香辣 冇左平時我地食既茄汁沙甸魚罐頭既單調 係每次必嗌~整體黎講 佢既價錢同質素都屬一般 不過呢間舖可以屹立得住咁多年當然有佢既特色啦 係香港你仲有邊到可以食到舊澳門既車仔麵呀? 繼續閱讀
(以上食評乃用戶個人意見 , 並不代表OpenRice之觀點。)
下午茶時段去到晚上,三餸車仔面連飲品$33,特飲加$3。食過湯面同撈面,比較喜歡鼓油撈粗。餸方面推介麻辣豬頸肉、沙茶醬魷魚、咖哩魚蛋。豬扒飽$18,唔錯。性價比高!但員工態度足以令我唔會再光顧!一入舖坐高枱要小心,阿姐好鍾意喺客人耳邊大嗌。好啦,今次唔坐高枱。有位著住濕嘅透明圍裙嘅阿姐行過hi濕我隻腳,同佢講話佢整濕我,阿姐竟然答:哦!好喇,我抺腳時另一阿姐想收我碗面!我未食完架!整濕客人唔道歉仲要趕客走。當時仲有好多位,我又未食完,杯嘢飲仲有2/3!兩星期前在該店有名洋妞同竹昇妹坐我對面,尐阿姐不斷催促兩位少女落單。見兩位小姐聽唔明,阿姐就講國語... 我嘗試幫吓佢哋,竹昇妹成功圈好自己張柯打紙,咁洋妞就跟佢照圈,點知阿姐收起人哋張柯打紙... 大佬,人哋唔識中文... 事後,兩位少女話:So stressful! 阿姐簡直趕客!幾好食都唔想再幫襯,食完一肚氣!該店要好好檢討員工態度,態度惡劣足以令到客人唔想再光顧。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-07-26
1573 瀏覽
每次經過中環工作,如果只得自己一個,大多會在筷子記午餐,原因好簡單:一來平,二來有效率。筷子記並非普通車仔麵,它獨有澳門小食配料,例如:馬交魚羹、包心卷、路環香腐角、香菇魚片扒...另外亦有特色澳門特飲。今次點了路環香腐角, 豬大腸, 及麻辣豬頸肉,中辣湯米,都幾多蒜粒,香口惹味。主角路環香腐角是首次嘗試,有點像乾身的豆卜;豬大腸很滑;麻辣豬頸肉雖有少少乾,但不影響美味道,麻辣重,連帶湯底也帶有麻辣味,且見到有粒粒花椒每次也會點凍羅漢果茶下下火,清涼又美味。中午時段人多,一張枱可坐8人,其實頗迫。建議慕名而來的食客可等午市過後,或假日到來會坐得比較舒服。 繼續閱讀
(以上食評乃用戶個人意見 , 並不代表OpenRice之觀點。)