36
16
4
港鐵中環站 J3 出口, 港鐵金鐘站 B 出口, 港鐵香港站 A2 出口
繼續閱讀
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
尋晚終於去食，因為我地就係附近番學，但一直以黎都無機會＋無試過食，真係終於約到朋友黎食！服務幾好，佢地安排左我地坐卡位，幾舒服！叫左個套餐，有燒牛肋骨，燒豬肉同埋仲有石頭鍋飯，另外朋友見到隔離嗌左炒粉絲同燒蝦，賣相都唔錯，所以我地後期都嗌左，之後仲叫左雞絲湯麵添！好鬼多野食牛肋骨好好味，好多汁，配汁ＯＫ，唔會太濃，還可以。.豬肉都好入味，唔錯唔錯。蝦就得5隻相對黎講貴左少少，不過就幾大隻，好鮮甜。石頭飯就好好食，幾香幾唔錯，正！雞絲湯麵好清,食左好多油膩野之後食，其實好正，覺得特別清，當平衡下都好，唔好樣樣都係濃味既野食。服務好好WOR, 不時有人過來幫你燒,個燒碟都幫我地換左一次，又自動問我地要唔要REFILL泡菜！！不過泡菜得8碟,冇蘿蔔辣泡菜,冇特別同REFILL唔駛加錢.總之,值得一試，如果早Ｄ黎食咪好囉，好野原來遠左天邊近在眼前。
繼續閱讀
呢個商場一星期六、日就水靜河飛，鬼影都唔多隻，如果唔係爸爸喺中環做野，絕對唔會知有呢間鋪頭。店中全為韓國人居多，所以唔明中文、英文都唔太明。所以我明明話要西冷佢地俾左牛肩我，算啦費事換了。燒肉的水準幾好，啲肉都醃得好入味、但不會蓋過肉鮮。牛舌好好味，薄薄的一片但就有好多汁同有好香的牛味。唔洗點其他野，加少少鹽已經好好了。雞肉都唔錯，幾鮮嫩，份量剛剛好。但牛肩肉真係唔得，冇肉食得骨，而且仲燒好耐都好似唔熟、食落有渣。麻辣豆腐湯是包括在2人燒肉套餐內，三個人食、一人一細碗差唔多。湯的味道除了辣味、其他味都是淡淡的，可能不太適合香港人的口味。我本人就鐘意中式老火湯多啲，但不得不讚個豆腐真係好清好滑，幾開胃。小食蔥油餅平平無其，似加左少少蔥的煎蛋餅多啲。蔥味不濃不突出，好彩佢地控制油份控制得唔錯，冇煎到好油，如果好油我真係食唔到落去。個石頭窩飯睇落好靚，用料好足…個碗亦都好夠熱，一落醬有滋滋聲、出曬煙咁，好好氣氛。碗底有飯焦，呢樣係我意想不到的。美中不足之處係個醬冇咩味，如果個醬料可以香濃啲就滿足了。
繼續閱讀
好朋友難得相聚，當然想找個舒適的地方可以邊用餐邊談天。一行三人，2位在金鐘上班，另1位在中環，於是找個中間點，既要坐得舒服，又要可以訂枱。雖然訂了枱，到達餐廳仍然等候安排入座。午膳時間，餐廳坐無虛席，建議必須訂枱。餐廳有set lunch menu (價錢$160)，今天的set lunch 是石頭鍋飯，天氣悶熱潮濕，熱烘烘的石頭鍋飯就真的不太吸引 最後，我們三個人決定叫 a la carte, 再 share 食。上主菜前，餐廳送上傳統韓式前菜小碟。我本身吃不到辣，聽朋友說，kimchi 辣得很好味。我就喜歡那韓式粉絲 ，其他小碟都不過不失 (始終免費的，不能要求太多!)我們order 了3樣東西:1. 韓式什錦炒粉絲 ($150) 炒得很有鑊氣，我和朋友都十分喜歡。粉絲煙韌彈牙，有口，很讚!粉絲本身無味道，但那個醬汁可以炒到與粉絲溶為一體，此外肉片很薄，但沒有 overcooked, 整道菜認真一流! 2. 烤牛肉 ($170) 這裡烤功一讚，牛肉片很薄，但肉質仍然幼嫩，並且仍然鎖著肉汁，不會烤到乾乾的。此外，那個烤汁都是一流! 3. 人參雞湯 ($200)份量很大，雞肉已被煮到軟腍腍，連雞骨都被煮軟了。不過，這個湯稍為遜色，味道既沒有雞味，亦沒有人參味。但價錢上，他卻是3個中最貴的，所以價格與質素不太相稱 整體而言，這裡的環境的確是在煩囂的金鐘區域中難能可貴，的確很適合與朋友靜靜相聚用膳，再者餐廳的員工亦服務友善，至於食物質素與價錢相不相稱，則見仁見智，始終這裡是金鐘，在繁忙的午飯時間找到餐廳已是不簡單的事，要找到一間性價比高的餐廳更是談何容易。
繼續閱讀
今天三人行想食韓國菜,由於中環韓國菜option比較少,所以又一次黎左secret garden, 三個人點了抄年糕一個spicy, 一個non-spicy再加左個抄粉絲 一開始上左六小碟韓國淹菜,跟住黎左個海鮮 Tteokbokki 年糕軟硬適中,個汁即使不辣都好好味,滿足左大家想食韓國菜既渴求
繼續閱讀
平時好少食韓國野，食親都係港式"韓燒"，志在同朋友見下面，食物反為其次。秘苑系香港甚少有嘅正宗韓國餐廳，老闆娘系韓國人，用嘅餐具系韓國先常見嘅鐵碗、短筷子。同香港其他韓國野唔同，尼道嘅食客大部分都系韓國人，比較少香港人會黎尼道食。 因為我唔係太鍾意食辣，所以系道推薦兩款唔辣嘅韓國菜。1. 燒雞同平時系韓燒舖頭食道嘅唔同，尼道燒嘅系雞柳而唔系雞扒。食客可以揀系廚房燒或者系餐桌中間嘅燒烤爐燒。如果你技術唔系太好，我就建議你系廚房燒。我覺得尼個燒雞最傑出系佢嗰醬，少少甜但又唔系太濃。有少少近似日式燒汁，不過無咁甜同埋嗰味無咁搶。2. 蒸蛋聽落唔系一啲好特別嘅韓國野食，不過秘苑將佢做得幾好味。同中國蒸水蛋唔同，佢唔系以滑嫩為賣點，而系用佢濃郁嘅口感吸引顧客。一問之下，先知廚房加左蝦醬黎整個蒸蛋，令佢咁香除左以上兩樣，秘苑仲有好多野都好好味，例如燒牛肋骨、雞絲湯麵 etc. 大家有機會真系要黎試下！秘苑唯一缺點就係間鋪有啲隱秘，要花啲時間搵
繼續閱讀