39
24
35
港鐵太古站 D2/ E1 出口
所有分店 (5)
電話號碼
2560 3668
開飯介紹
上海王家沙老店,早在1945年開店,在當地享負盛名,以上海點心而聞名,其中「四大名旦」—鮮嫩味美的蝦肉餛飩、滲滿肉汁的蟹粉生煎、酥香可口的豆沙酥餅和香脆鬆透的兩面黃—更是家喻戶曉。其他食品也多是用蟹粉炮製,招牌菜有蟹粉小籠飽,招牌青豆容湯丸和醉乳鴿等。 繼續閱讀
付款方式
Visa Master AE 現金 銀聯
其他資料
加一服務費
招牌菜
招牌青豆容湯丸 招牌蟹粉小籠飽 首創鮮拆蟹粉撈河 醉乳鴿 蟹粉金山勾翅
食評 (102)
對味的上海菜 焦點食評
入門食家 2016-07-18
1255 瀏覽
7月15日。家人是日忙碌,未有準備晚餐,往太古城覓食去。王家沙的餐房清雅大方。餐廳提供㸃餐紙以便客人自選菜餚。是夜享用了:豆腐馬蘭頭($48)。馬蘭頭是江南特產。很久前到蘇州旅行,吃過清炒的馬蘭頭,那陣帶腥的草青味,濃烈得難以嚥下。换一個烹調方式,涼拌令馬蘭頭現出天壤之别,不得不刮目相看。菜葉剁碎後加入小粒的豆腐,再拌和麻油、鹽、糖。簡單的調味神乎其技地將草腥味徹底中和,變得清鮮爽口,別具一格的美味,令我愛不釋口。上海話梅骨($98)。話梅骨外脆内嫩,話梅味濃郁,酸甜可口,生津、醒胃,下飯適合不過。上海粗炒($68)。味道香濃亦拌以恰量的菜、肉。可惜麵條未煮透,中間仍然有㸃硬,大概‪一時‬失手吧!高力豆沙球($42)。口感及味道都不俗,本身不太甜,洒上稍為少甜的糖霜,沒有丁点腻。不少上海館子為遷就本地人口味而酌量調味,使餸菜變得清淡。我家是上海人,對淡口的家鄉菜,難免若有所失。以味道為首要條件,王家沙符合濃油赤醬的要求,是切切實實的本幫上海菜。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-08-16
165 瀏覽
星期二去太古城,原本想食意粉,最後決定食湯麵,於是便走到王家沙。去到等咗一陣都冇人理我地,好似好忙咁。於是行入少少問有冇位,侍應畀咗大堂中間一張檯我地。其實個廳唔太多人。先上前菜酒糟豬手,碟豬手碎玻璃咁,多骨少肉,仲有毛未清晒。跟著上咗蘿蔔絲酥餅,食咗一啖,放棄了,一來唔熱又唔鬆,二來個味道真是唔得。然後來了酸辣湯麵,個樣算正常,料唔多,一般。嫩雞煨麵,D麵好亂,好淋,一般。之後來了東坡肉,見到已經唔想食,佢畀個匙我,我以為好軟稔,點知,唉,實到撕唔開,其實唔識煮真是好浪費食物。最最可怕係招牌蟹粉小籠包,一入口,腥到想嘔,唔知佢整咗幾耐。以前成日去王家沙都唔係咁嘅,真心說,若唔識煮不要煮,專注做好自己識嘅。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-02-17
2474 瀏覽
有屋企人住太古城,過年相約王家沙團拜。 環境好舒服,裝修得幾靚。 茶壺白雪乾淨,用點心紙點菜。 薰魚有好香的黑醋香,醃到非常入味,但有幼骨,食得要小心。 清炒蝦仁淡咗的,點醋食就得啦,幾爽口。 話梅骨又係有甜醋香,肉鬆軟,連骨都入唒味,鏡意吮骨就滋味喇! 竹筍豆苖的竹筍又爽又大條,而豆苖就嫩腍,口感有對比,近日食得過年糕點多,清清地中和好。 醃篤鮮,呢個奶白色的湯好香濃好和味,有半肥瘦豬肉丶白菜及豆腐。 豆沙鍋餅,煎得香脆。 團團圓圓,一定要食湯丸,係鴛鴦配,豆沙及芝麻,料夠多,好得。 繼續閱讀
(以上食評乃用戶個人意見 , 並不代表OpenRice之觀點。)