200
58
32
港鐵上環站 E1 出口, 步行約8分鐘
電話號碼
2544 3795
營業時間
星期一至六:12:00-00:30
星期日視乎情怳營業
付款方式
現金
其他資料
酒精飲品
食評 (323)
見習食家 2016-08-27
420 瀏覽
我唔經常黎食,淨係食過幾次糖水,覺得環境又唔太清潔,糖水唔特別好味,但朋友幾次都黎所以跟埋黎。但今次受過個肥女人店員氣(唔知係咪老闆娘),唔會再幫襯。餐牌上有幾款糖水係寫住個熱字,但諗住多口問下睇下會唔會有凍,有就有冇就冇,但個肥女人態度差又勁寸咀而且不停寸。食碗好普通既糖水食到扯火。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-08-04
586 瀏覽
星期五人人都happy friday,但返左成日工未停過,做左成日打手都無停過,放工飯都無咩胃口食,所以叫fd陪我去食碗粥。但中環食粥真係一件難事,因為無粥鋪,所以只好退而求其次食麵。玉葉之前幾次經過都想食,但lunch time 往往好多人,又要排隊又要迫,仲要趕住食,所以最後都無食。難得今日經過竟然無咩人,當然入去食啦。總覺得綠色鐵皮檔口的小店,總帶著歷史的痕跡,比連鎖店更有人情味。餐牌上選擇不多,大家都點左個豬手麵,覺得抵食,而且水準應該唔錯。麵好快黎到,我地呢啲港青梗係要影相啦,但個老闆竟然好大聲咁話:快啲食,唔可以影相,我地要做生意,你地影相會阻住我地做生意,要影相宣傳的話揾廣告公司同我地約時間!我地聽到O左嘴,真心O左嘴!我地雖然唔係食家,只係一個普通食客,但影幾張相都唔過份呀?而且店入無寫明唔俾影相。其實如果鋪頭多人,人人等食的話,我地就一定唔會影相,阻住人做生意,但當時個檔只有一枱客,一個人食緊野,我地只不過係影下自已面前碗豬手麵,都俾人話,我覺得真係好掃興。不過咁,我又唔會因為掃興而浪費食物,但真係唔特別好食!豬手係大大隻,但一啲都唔稔,要好牙力先咬到,面係普通的鹼水麵,鹼水味去唔清,重點係好咸,因為俾人話完我地都無心機再叫其他野食,所以就算咸,我地都唔點野飲。 不過碗麵同間店一樣,都幾令人失望。 我知手機先食唔係間間餐廳都容許,但人地會寫明或食前會預先同食客講明,呢間店啲態度,我覺得不但唔客氣,而且無禮貌。我知道佢地唔憂做,好有自己性格,唔志在幾十蚊生意,但我估唔到咁唔講人情,手機影張相都要同廣告公司聯絡再同佢地約時間先得,我諗呢間鋪頭,雖然抵食,但待客之道完全無,令我好失望,應該都唔會再去。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-07-14
909 瀏覽
以前淨係寫過玉葉嘅甜品 未食過佢啲麵今晚想近近地食個快飯 一於嚟試吓啦呢類型嘅街邊檔係香港真係買少見少啦!今晚涼涼地 有啲風 所以都唔怕熱 (如果夏天其他日子呢都唔知點算)提提大家:呢度嘅老闆娘好有性格 好彩我今次乖乖地 無激嬲佢 冇俾佢鬧喺一個少少斜既斜路上面 放咗四五張枱牆上面呢幅壁畫 其實係佢上面間鋪頭架不過同呢度都幾夾喎⋯⋯牛腩米粉 好多牛腩 好入味 仲有好彈牙既牛筋 好夠飽!豬手麵 有四五舊豬手 好入味 夠腍其實已經食到好飽 不過都係好為食 哎多碗熱芝麻糊個人認為呢個芝麻糊略甜 整體都ok畢竟呢個價錢真係好平 繼續閱讀
(以上食評乃用戶個人意見 , 並不代表OpenRice之觀點。)