牧羊少年咖啡館 (白楊街)

營業中

休息中

我係牧羊少年餐廳嘅粉絲，成為佢嘅粉絲係因為實在每一間我食親都會食沙律，而每一次都會食同一份沙律，食咗好多次水準都係保持高質量。另外今次同我個仔一齊食咁就叫咗少少甜品啦叫咗杯特飲啦！都係好開心嘅最重要係啲嘢新鮮，款式多好多，而且見到好多年青人好努力工作，值得嘉許！同大家推介是拉差雞翼！黃金蝦球！都係超好食㗎 ！唔怪得知有陣時真係排隊排到咩咁大家最緊要book位啊！同埋多多支持有心嘅食店啦！仲有每一次食唔晒我拎走攞返屋企，第二日都仲係好好食！呢啲真係真材實料呀嘛！係咪先？ ！

Lunch setSoup - 甘筍湯Main - 伊雲士雞藜麥香米飯配炒鬼佬雜菜 / 82雞肉嫩滑得嚟非常入味伊雲士忌廉汁滑以不膩 調味適中餸飯一流仲要係藜麥飯 感覺好健康炒雜菜煮得軟硬適中 唔鍾意食甘筍嘅小編我都覺得幾好食Lunch set有埋湯同飲品 性價比幾高——————————————————推介度: 8/10——————————————————深水埗白楊街 27-29 號嘉安大廈地下1號舖——————————————————

牧羊少年咖啡館 (白楊街) (太子)💛💛💛有多間分店尖沙咀、銅鑼灣、太子、將軍澳、屯門、沙田同旺角。午市套餐會抵食啲，價錢平啲仲包飲品，晚市並冇dinner set 。用餐時間係105分鐘入座起計。7:30左右接近滿座。。🌟冬蔭公海鮮長通粉🍢🍝 $98我食既話都幾辣，長通粉可以淋多少少，不過味道唔錯。.🌟千島香芒牛油果雞肉pizza🥭🥑🐔🍕 $110材料配搭都幾新鮮，芒果好甜，醬汁同雞肉就咸既。 偏向厚批，食落批邊唔脆，都幾好食。.🌟慢煮BBQ醬美國豬仔骨配酸忌廉蕃薯條🐷🍠🍟 $142個蕃薯條好香脆，帶甜味仲可以點酸忌廉。豬仔骨唔會好鞋，個醬汁好重黑椒味，少少辣。不過份量唔多.🌟抺茶可可朱古力🍫🍵 $50有少少太甜，朱古力味都幾濃.📍太子白楊街27-29號嘉安大廈地下1號舖

🏡屋企附近有牧羊少年🐑☺️每個月總會食一兩次🍽佢既薄餅🍕同沙律🥗幾好食😋今次嗌左晚市二人套餐（外賣自取8折$294），拎返屋企慢慢食🐷🐽千島香芒牛油果雞肉pizza🍕好fresh，牛油果同芒果好正，餅底厚度岩岩好，唔會太厚但又唔係餅乾果種，唔會好油膩，兩個人都食得曬成個pizza🙈🐽俄式牛仔柳意大利粉🍝個名係俄式，但食落好中式既意粉😆意粉屬乾身，呢款意粉味道偏淡既。🐽飲品方面，藍莓奶酪清清地，感覺無落太多糖🫐玫瑰可可朱古力既玫瑰味🌹好出，都幾特別😌🐽是日蛋糕係朱古力底既海棉蛋糕，食埋甜品🍰好滿足❤️

食過2次牧羊cafe既我 對哩間餐廳滿意程度都幾好( ˶˙ᵕ˙˶ ) 遲啲會出番一個post講佢地既野食😗今日就講下佢地個蘋果批! 首先黎到我已經哇一聲🤤焗得好靚啊! 面層鋪滿蘋果片 佢地既蘋果片都幾薄 我自己都幾鐘意 係另一種口感🤤個餅底脆脆的 熱辣辣既蘋果批加埋凍冰冰既雪糕一齊食 好滿足啊✨

同朋友約咗喺葵芳行街就喺附近劇院嘅牧羊少年Cafe食個午餐先餐廳外邊有戶外座位但係由於天氣太熱我哋都係等一等入面嘅座位今日係星期六都唔算等咗好耐 大概15分鐘到入邊都比想像中多位但係由於佢地後門開左門 有對流嘅影響我哋坐嗰個位就比較大風好彩應該係經理嘅男士就幫我哋換咗個近門口嘅位咁樣就可以坐得舒服啲我哋叫咗一個紅酒燴牛肋條藜麥飯同埋一個三文魚蘑菇忌廉長通粉紅酒燴牛肋條藜麥飯：賣相幾好，有唔少雜菜都有三四舊牛肋條同少少紅蘿蔔🥕個蕃茄紅酒燉汁都幾開胃藜麥飯就其實得幾粒藜麥😂真心少三文魚蘑菇忌廉長通粉睇落去好似好少汁但係其實食落去係好足夠嘅忌廉味～掛晒喺個通粉到 通粉都煮得好好，比較有咬口係我鍾意食嘅口感配料蘑菇同埋三文魚就正正常常啦整體黎講食物OK嘢飲OK都坐得幾舒服埋單嘅時候仲有超級大驚喜我哋兩個人只不過係食咗兩個午餐大概二百零蚊找錢嘅時候竟然送咗兩個月餅俾我哋仲要係望月招牌月餅 一個抹茶一個奶黃究竟佢會唔會蝕錢😂唯有下次再嚟幫襯過啦Happy Mid Autumn Festival 🥰

平時仔仔返學放學都搭校車 難得中秋節夜晚要去親戚屋企食飯 所以自己去接佢放學 順便係學校附近食個tea 知道牧羊少年咖啡館係有好多分店 但我未食過 我地叫左個三文魚凱撒沙律(Lunch set有湯同飲品)同Tiramisu(Tea set有飲品) 再另加左個薯角 個沙律同湯就無乜特別 都係正常既味道而個薯角好有驚喜 佢係咬落去好脆 佢個脆係有幾個層次 好好味Tiramisu呢 我就覺得層蛋糕可以再濕小小 但都幾好味

雖然身處不顯眼的舊區窄巷，但是餐廳的環境符合舒適嘆下午茶的資格，但不要與海邊餐廳或高級酒店餐廳相比。下午餐套餐點了提拉米蘇，算中上級數，在我的提拉米蘇排行榜中排名中游。送一杯餐飲，點了橙汁，普通正常操作。另外，點了Brunch餐牌的煙三文魚沙律，味道不錯，有小弟最愛吃的煙肉粒。本想加番薯條，缺貨原因換成薯角，炸薯角十分出色，外脆內軟。餐飲點了茶包沖的茶，沒有特別，不推介。味道：環境：服務：特色：泊車：（睇你好彩唔好彩，錶位响隔離街，巷仔違泊就幾方便，停門口👌🏼）評語：經常在附近遊走的我會再次光顧

久聞牧羊少年的始祖店在太子，只去過沙田而無幫襯過。今日剛好在太子，特意來試吓。如果識路，從花墟嚟其實好方便。因門口搭了棚架，要小心看才見到招牌。店舖裝修有特色，悠和燈光，很有情調。所用的餐具精緻，餐牌設計有特色。以前在文化博物館沒有套餐，這裡有很多選擇，由漢堡包到意大利飯或麵都有，而且價錢合理。今日餐湯是磨菇湯，上枱見佢賣相靚，面上加了少少忌廉。湯的濃稠度啱啱好，飲落滑溜兼好香菇味。👍🏻👍🏻👍🏻厚切芝士豬扒蕃茄沙律菜漢堡包（$88）上枱同樣吸引，大大個，芝士及豬扒在旁邊爆出，它伴有脆薯角及酸忌廉。先試薯角，新鮮炸起，熱辣辣兼脆卜卜，又香又惹味，點埋酸忌廉就更好味，食到唔停得口。😋😋😋厚切豬扒漢堡包完全真材實料，豬扒又厚又多肉汁，咬落肉質鬆軟，好有豬味。加埋芝士，變得更香，而沙律菜及蕃茄則平衡其油膩感，配搭完美。👍🏻👍🏻👍🏻黃金蕎麥茶清清地，帶有蕎麥香，亦唔錯。相比以前在沙田文化博物館內的分店，這間太子始祖店更好味同超值，值得繼續幫襯。

𝚃𝚑𝚎 𝙰𝚕𝚌𝚑𝚎𝚖𝚒𝚜𝚝 𝙲𝚊𝚏𝚎 🍕好多朋友都推介牧羊少年咖啡館，我之前都去過K11嗰間，不過座位比較少啲，所以要排隊。今次決定試吓佢哋間老店喺太子嗰度，座位都好多同埋坐得比較舒服啲👍👍 以大家上網book位，佢哋book位佔20%日式大阪燒風味煙三文魚薄餅 ($138)佢哋啲薄餅全部都係薄批🍕，可以分6塊。如果鍾意日本風味嘅一定要揀呢個薄餅，因為上邊係有啲Wasabi醬汁，再加上煙三文魚，配搭唔錯 🍣三文魚籽和風蜆肉意大利粉 ($108)佢哋個Pasta Menu有六款，呢個就比較creamy啲，都有好多蜆肉同埋蘑菇🍝金沙鹹蛋黃鳳尾蝦 ($98)因為比較肚餓所以決定揀一個小食，呢個超級推介，啲蝦係比鹹蛋黃包住，好好食🍤芝麻開門 ($68)飲品方面我就揀咗呢個特別啲嘅飲品，佢個名超特別叫做「芝麻開門」，其實就係芝麻同咖啡一齊，賣相好特別🧉自家調製鳳梨Lemonade ($48)Lemonade平時就係檸檬嘅飲品，但係唔知你有冇試過鳳梨加檸檬一齊呢？飲落好refreshing，啱晒而家天氣咁熱飲🍹呢間Cafe啲食物份量超大，開頭諗住叫個甜品，不過食完已經超飽😂😂😂 食唔落甜品😆 留返

以前既深水埗白楊街附近都係修車店、街坊小舖。八年多前開左間牧羊少年咖啡館，木系裝修，文青風，以旅遊為主題，並有旅遊書的漂書活動，當時呢講都算幾有話題性，可以話係深水埗大南街文青咖啡店/餐廳的先鋒。今日，牧少的風頭被大南街d更有風格、話題性的「後輩」趕過，長江後浪推前浪，此仍社會進步的動力，系好事嚟嘅。而牧少在飲食業亦站穩了腳，開完一間又一間，由深水埗殺出尖沙咀、銅鑼灣等旺區，又殺入沙田、屯門、將軍澳等新市鎮，開枝散葉。深水埗元祖店亦嚟一個大翻身，留一個corner做「未來的信」，繼續玩文藝風。今日光顧牧少，就當係去一個幾年無見的朋友家。大翻新過的牧少，同八年前比，少了當年的簡樸，純粹，多了一份刻意營造的氣氛。這位文青老大哥同大南街的小鮮肉比，是空間大，座位多，menu選擇多。我們點了白咖喱豬扒飯及豬扒包配薯條，份量足，味道雖無驚喜但絕對ok no complaint ,一百元有湯有飯有嘢飲環境靚坐得舒服係值嘅！我哋呢D老文青緊系撐返自己友啦！😂

每次放飯經過都好想試，但諗住一個人好似阻止人哋張枱，難得等個女放學，一家人就一齊入去試吓，難得有位，好開心😃。很chill的環境，啲嘢食個樣子都很吸引，只是3個人，都俾一張6人枱我哋，可能唔想大家撘枱。成個用餐過程都好舒適，食物其實冇咩特別。唔多人我都唔介意再食。

牧羊少年咖啡館越開越多間分店，以前幫襯開將軍澳單車館嗰間，有落地玻璃窗，環境開揚有日光。今次食白楊街呢間，明顯細間好多，而且環境昏暗，空間感差少少。星期六嘅下午，等位等咗大概15分鐘就可以入座。我哋叫咗份鮮忌廉黑松露醬雜菌長通粉、大嘅小食拼盤，同埋法式芥末雞肉pizza。首先上菜嘅係小食拼盤，一共有六款食物，包括炸墨丸、兩種腸、雞翼、薯角、炸春卷，每款食物都有四件，啱啱行分得勻。炸物都夠熱，食落都幾香脆。鮮忌廉黑松露醬雜菌長通粉好creamy，幾乎每條通粉都有忌廉汁包住，雜菌炒得好香，唯獨黑松露醬唔夠濃，可能唔想搶咗忌廉味。法式芥末雞肉pizza餡料好多，麵粉糰幾煙韌，口感唔會乾爭爭，有驚喜！整體質素唔錯，就算分店越開越多，都唔會降低食物品質，美中不足係好快要交枱，同朋友傾得唔夠盡興就要走，如果你想傾密計，可能就唔太適合啦。

平日午餐可以叫包或者叫飯，但是如果是週末去食午餐，就只有意粉。我們每次一定叫的是這個雞扒包配薯角。另外有陣時真係想食下啲甜野嘅時候，就會叫這個窩夫，提提你，記得在上午餐的時候就要落order，因為整這個窩夫都要幾耐時間，但一定很好吃因為是即刻整，每塊窩夫都有厚度。

𝒞𝒶𝒻𝑒 𝒾𝓃 𝒫𝓇𝒾𝓃𝒸𝑒 𝐸𝒹𝓌𝒶𝓇𝒹餐廳之前裝修過，而家用黑色做主調，擺設同傢俬都比人一種懷舊但高級既感覺，選用暗黃既燈更增添唔少情調。枱上既餐具🍴同紙巾擺設都好講究，個環境真係好加分，好適合黎放鬆下。🥣南瓜忌廉湯好大碗既湯，南瓜🎃味尚算濃，加左忌廉令個湯入口更滑🥰🌟 鮮忌廉黑松露醬雜菌長通粉佢既賣相比較平實，冇過多既修飾。長通粉上鋪左層芝士碎，內加入磨菇、洋蔥🧅同黑松露，香味非常濃厚。磨菇預先炒過，令佢唔會太多水份，亦令口感唔會過於單一。忌廉汁既濃度就剛好，非常掛汁而唔會太稀，每一啖都食到黑松露既香氣🤣𝘜𝘱𝘨𝘳𝘢𝘥𝘦左野飲做蜜桃🍑奶酪，埋單$110，過左一個好𝘤𝘰𝘻𝘺既下午😃📍 牧羊少年咖啡館𝐓𝐡𝐞 𝐀𝐥𝐜𝐡𝐞𝐦𝐢𝐬𝐭 𝐂𝐚𝐟é太子白楊街27-29號嘉安大廈地下1號舖