3
4
1
電話號碼
25001950
29877381
附加資料
愉景灣唯一中餐廳！午市以點心為主，不僅提供傳統點心，更每月推出極富創意的新式點心；這裡有各款粵菜菜餚，更有不可錯過這裡的燒味。牡丹軒還不定期推出超值優惠套餐和時令美饌。
營業時間
星期一至五
11:30 - 15:00
18:00 - 22:00
星期六至日
10:00 - 15:00
18:00 - 22:00
公眾假期
10:00 - 15:00
18:00 - 22:00
以上資料只供參考, 請與餐廳確認詳情
呢日黎到愉景灣staycation，係商場盡頭俾我發現呢間隱世酒樓 (終於唔係西餐~)一黎先上左個金蒜豆腐粒, 都幾脆口入面熱辣辣 不過佢唔係椒鹽，味道淡口左少少，適合輕食人士!!飽汁鳳爪，十分入味，相對多左少少油姐波菜含有豐富既鐵質同纖維，係我既最愛!! 但平時成日中伏，唔係多沙就好老...但呢個一d都唔伏!!又嫰滑又大碟 令我喜出望外~~飲茶喊點心"必須的"蝦餃好大粒喎，隻隻入面都有3-4粒蝦肉 (係良心...)整體黎講唔錯，偏少鹽，份量都正常甚至有d幾大份添。最後，叫左個出面好少有既 - 蓮蓉西米焗布甸 黎試下中式甜品黎講幾creamy又唔太甜，少少膩姐都okay，值得一試!!P.S. 相對其他酒樓，佢都比較乾淨，仲幾好服務
繼續閱讀
秋高氣爽，出外走走，無論去到那兒都係想去酒樓飲茶食點心，友人話呢間係愉景灣唯一一間中菜飲茶嘅好地方，入到來就一於試吓。由於是平日的關係, 當然較易有位, 酒樓地方不算好大，但都算寬躺舒適，檯與檯之間都有一定距離, 食得安心我哋叫了幾款點和小菜, 都很有水準其中燒腩肉和燒鵝都很出色, 皮夠香脆,肉又夠淋身而點心我就喜歡蝦餃和小龍飽，皮夠薄兼真材實料，此處確係飲茶食飯聚腳好選擇
繼續閱讀
愉景灣郊遊，一向都選擇食西餐。今次試吓愉景灣唯一的酒樓牡丹軒。 店員的服務態度很好，會告訴我們點了好幾樣點心要11點後，師傅才可以處理提供。算夠貼心，而且態度親切👍🏻Menu選擇雖然不多，但食物做得不錯。特別推介 蝦餃。松露冰鎮芥蘭夠特別，因為本身喜歡吃松露，所以我覺得不錯👍🏻，但朋友對黑松露麻麻他就覺得一般。皮蛋炸蝦筒，都係第一次嘗試。豉油王炒麵，在出面吃都沒有鮮魷魚的，上菜的時候還以為來錯了😅。味道還可以。
繼續閱讀
離開愉景灣之前嘅最後一晚，仍然都係想食中餐。可惜絕無僅有嘅中餐廳裏面，剩返呢間牡丹樓未試，所以就入咗去。佢嘅餸菜款式同一般廣東飯店冇乜分別，不過就有一個好抵食嘅套餐，包主菜、油菜、例湯、同埋甜品，都只不過係百零蚊，同叫一個主菜都係差唔多價錢，所以雖然可以選擇嘅款式都唔算係我好想食嘅嘢，都係因為比較底嘅關係我叫咗套餐。例湯其實唔知係乜嘢湯嚟嘅，不過冇乜味精，飲落去都覺得真係老火湯，都算唔錯。主菜叫咗咕嚕肉，不過不失，都係冇乜特別。有菜係焯菜心，都係正常嘢。甜品係腐竹薏米糖水，食完飯有個糖水潤下喉都幾唔錯，但同全晚嘅其他食物一樣，都係完全冇特別之處。總括來講，唔會覺得難食，但係都唔會再試。
繼續閱讀
這間中餐廳位於愉景灣，是愉景灣暫時唯一的一間茶樓。這次我們叫了XO醬炒腸粉、乾蔥牛肉餃、順德煎魚餅及揚州炒飯。最好食的是順德煎魚餅，外面有脆脆的外皮，魚餅也很鮮甜。揚州炒飯的味道亦不錯，但不夠乾身，未能做到粒粒分明。XO醬炒腸粉的味道很香，配上了芽菜增強了層次感，但若是腸粉可再滑一點則更好。薑蔥牛肉餃食其他餐廳不能吃到的，感覺很是特別，於是便點了來吃。但有點兒失望，因為像牛肉球外加了一層餃子皮，已能將牛肉的香味凸顯出來。本人還是喜歡吃山竹牛肉加喼汁。
繼續閱讀