52
6
1
港鐵筲箕灣站 A3 出口, 步行約8分鐘
電話號碼
2761 3001
營業時間
星期一至日: 11:00-23:30
付款方式
現金
座位數目
110
其他資料
酒精飲品
自帶酒水 詳細介紹
電話訂座 詳細介紹
外賣服務
加一服務費
電視播放
招牌菜
古法生煏煲 蜜椒吊燒骨 潮式爆花蠔餅 醬燒野菌牛仔柳 爆牙肉餅 籠仔荷香蒸
提及此餐廳的食評 (64)
煮打 主打💁 (焦點食評)
新晉食家 2016-07-11
419 瀏覽
今日帶公公婆婆一齊去出街食飯 佢哋一向都比較傳統 鍾意食煮家飯 所以我哋就揀咗呢一間黎食啦 因為有近我哋屋企 又容易揾 唔使老人架行嚟行去入面價錢一般 唔會話好貴 同普通茶餐廳差唔多 而我地一入到去服務態度好好 會主動同我地介紹食物 所以比我既印象都吾錯😆😆而且坐又坐得幾好 吾會話好逼👍👍先講食物1.爆牙肉餅配銀魚我哋叫咗一個好出名嘅肉餅 果然係名不虛傳 呢個肉餅非常彈牙 完全冇諗過會系甘 因為以前細個阿媽住得太難食就吾中意食 但係現在我重拾返信心對肉餅 而且銀魚喺上邊係一個非常好嘅配搭2.福建炒飯基於我地係福建人 所以我哋就叫左呢個炒飯呀 入面嘅味道同我哋鄉下食嘅一模一樣 而且啲汁又夠多撈埋一齊食就一流 啲蝦又夠大粒同夠多 份量足夠使我同公公婆婆食到飽3.粉葛煲唐排因為叫左呢個湯 所以我地冇叫其他野飲 我哋叫咗好健康嘅湯飲添 啱晒我哋呢啲年輕人成日返工、通宵 同埋老人家保身拉 入面好多料 唔係淨係得個「咸」字 亦都唔係味精湯 所以值得一試總括而言,所有嘅食物都啱晒我哋嘅口味若果普通想食家常便飯就啱晒你地拉!所以我有機會一定會再去呀! 繼續閱讀
家常便飯😊 (焦點食評)
入門食家 2016-07-11
381 瀏覽
收完工同左屋企人食煮打,因為天氣太熱唔想阿婆煮得咁辛苦,而呢間之前一直都有同同學食開,就帶屋企人黎食。我地四個人叫左三餸一湯一炒飯。先講下個炒飯,食左個褔建炒飯,因為公公中意食,其實呢個飯同其他茶餐廳的味道差唔多,都係蛋炒飯㡳加d雞肉三色豆加幾隻蝦煮成的汁,蝦唔算多,係個炒飯份量多,同d汁唔會咸,都ok。再黎整左個上湯海鮮勝瓜,個湯幾香魚味,但就有少少咸,不過加埋勝瓜都ok,勝瓜少有地會剝皮同煮得幾軟,唔會硬都幾好,同都幾新鮮食落口感幾好,不過瓜上的魚仔有d硬,所以無咩點食過。跟住再叫左個紅燒野菌豆腐,上面果d擺滿冬菇同一d乾的菇,再煮成芡,咸咸地又唔會好咸,下面的豆腐外面的皮少許硬,但咬入入面好滑,又唔會有cheap豆腐果陣味,同上枱夠曬熱,唔錯。跟住就叫左個個人認為係最好食的爆牙肉餅,距係用d荷葉包住,開籠果時好香荷葉同肉味,肉係豬肉加魷魚肉,食下食下會有d口咬口,同唔似出面果d蒸到老曬,好軟d肉,加埋甜豉勁好食,用呢個加炒飯一流。最後就係個湯,係粉葛唐排,一煲可以分到四個人飲一碗半大大碗,同飲落一定唔係味精湯,湯好香粉葛味清清地番屋企都唔會口渴,同個煲入面有d豬肉,我都會食埋,呢個湯飲到屋企老火湯的味道,正啊!最後埋單四百有找,又唔洗婆婆煮得咁辛苦,最重要係兩老收貨,幾難得😂 繼續閱讀
東區小炒首選 (焦點食評)
入門食家 2016-07-01
530 瀏覽
煮打菜呢間菜館我之前和同事食過兩次,覺得呢度D野食好好食同好地道,所以今次就特意帶男朋友的家人前來試試。我地總共點了5個菜及2個炒粉麵。滷水拼盤拼盤食物種類很多,而且排得整整齊齊,有豬耳、八爪魚,雞腎,大腸,豬腩肉等等。整體味道不錯,但略嫌鵝肉太肥。蜜椒吊燒骨佢個蜜糖醬汁調配得好好,甜甜地,幾開胃,而肉質都好鮮嫩,唔會話太肥或者太瘦。豉油皇大蝦豉油皇大蝦最緊要一定係個豉油啦,而佢的確整得好好,醬汁惹味,有少少甜甜地,但略嫌上菜時不夠熱。潮式爆花蠔餅蠔餅炸得非常香口而且鬆脆,而裡面亦有好多隻蠔,隻隻都好飽滿,十分足料。籠仔荷香蒸爆牙肉餅今晚既主角終於黎啦,呢個肉餅佢有好多配料俾你簡,包括鹹魚,鹹蛋,土魷等等。而我地就簡左銀魚仔。佢地既肉餅比一般餐廳整既肉餅彈牙好多,肉餅之間亦都加入豬耳,令彈牙之餘亦會有爽口既口感,高度推薦 雪菜肉絲炆米及揚州炒飯份量十足,鑊氣十足,我地一行六人叫左兩碟粉麵都好夠飽。食完晚飯之後,最驚喜既就係竟然仲有糖水送,成個"家的感覺"即刻出哂黎。而我男朋友的家人對呢間餐廳都有讚無彈,所以下次我一定要再帶他們來吃。 繼續閱讀