澳門荷蘭園 (已搬遷) 新店位置

今日上最後一堂~同左亞sir同幾位同學仔一行8個人去左一間叫住荷蘭園唔太起眼既餐廳食飯丫~意想不到佢既小炒幾香幾好味丫~同學仔特登同佢講要少salt~雖然唔至於食完真的唔口渴~但比一般出面食既算無咁鹹喲~每人有湯有飯8碟餸都係$60~好抵丫..!

屯門荷蘭園我以經黎過好幾次食早餐了.每次都同老婆黎.同每次都係食那個早餐的(羅宋湯螺絲粉)+豬扒包我就+豬扒包凍飲+3元.....OK底食呀!!!!羅宋湯螺絲粉啲羅宋湯ok夠味應有的雜菜味和酸甜味都夠同時也有幾粒牛腩粒都幾足料.至於白汁雞絲就差小小啦味道淡左小小味道唔係好夠了.........但都不重要.其實咁次主角係呢個豬扒包呀....第一口吃落去時...包面烘到脆卜卜..包內環是鬆軟......正...豬扒的肉質就岩岩好唔會好似豬肉干那樣....但小弟嚴沙律醬多左小小.....下次要叫小醬先得.....呢個豬扒包真的是成意推界.......埋單每個餐就28元凍飲+3元.....抵唔抵食吃就見人見志...我本人就覺得抵食呀.....有機會大家一齊去試下丫~~~~~~~~.

前幾日去左荷蘭園食野, 真係麻麻叫左個龍利魚柳+通粉, 有埋個奄列龍利魚柳陣味好怪, 無新鮮既味奄列入面d 火腿又少, 搞到差左叫埋杯杏仁霜, 陣味勁怪最緊要係價錢又貴 , 成30幾蚊個餐又貴又唔好食唔會再去

今次去左呢間野,結果衛生真係好差,地下垃圾多多,呢一個真係完全令我接受唔到.今次冇影相,唔好意思.........今次食左豉椒蒸倉魚,嗜嗜雞同埋一個海味雜菜煲,有兩個白飯同三碗例湯(因為有三個人)先講下豉椒蒸倉魚,嗯,唔錯,嗜嗜雞,D雞唔錯.海味雜菜煲,最差!冇海味的.想搵都係得一兩粒..........菜唔多.........不過價錢都幾合理,,,,,,,,,,,,

返工地方係附近,,好多時都係未返到公司就打定電話叫外賣,,尋日食左個沙嘜牛肉飽+凍奶茶,,沙嘜牛肉飽 - 好味~~尤其係個汁,沙嘜味岩岩好,唔會好油同好辣,,d牛肉完全冇梳打味,最鐘意個飽,,,因為個飽佢地係整到外脆內林,,正~我同d同事都超愛依間既凍奶茶,,,最主要既原因係因為,就算溶左d凍都好,,d奶茶都唔會好似水咁,,仲係好味架!!所以每個星期都至少飲2-3次

屯門大興邨食肆方面的選擇可算是少之又少，鄰近的過氣工業區 - 石排頭路仗著過往的歷史因素成為食肆林立之地，當中不乏不俗的選擇，荷蘭園就是其中之一。與同事又為午飯而煩惱，最後決定到荷蘭園。只求果腹的同事選了快餐，想要慰勞自己一下的同事則選了豬排飽餐。食物送上來，麵包一貫地烤得又熱又脆，配一杯具備葡式餐廳水準的凍咖啡，教你帶著靈魂回到公司。

今早不飲早茶就轉去澳門荷蘭園食大早餐!目標已在前排經過時鎖定!只不過極少在晨早時候到這裡吧了,所以趁有機會就食左心水之選先.其實經常到此吃午飯,午餐跟湯又跟飲品,碟頭大款式多,所以中午時候例必高朋滿座!由於近期天熱,行過來都幾辛苦架,所以都少來左.說回早餐吧,專登來吃的原因就為了我最鐘意的羅宋湯湯粉!雖然附近間喜悅餐廳都有此味,但配套都是煎蛋多士.而這裡就配豬扒包呢!吸引度大好多啊.這個牛腩餐肉羅宋湯螺絲粉,落單後等一分鐘即有得食!滿滿雜菜已令我高興萬分,連搭枱的阿姨都說'咁多料既?'.有西芹,紅蘿蔔和蕃茄,每樣都好淋好入味,湯味道偏辣但又不失該有的酸甜,最後飲到見碗底以示我對此的鐘愛度!牛腩望落肉質軟淋,還附帶塊隔膜,份量都有成十粒八粒,不過和餐肉的下場一樣,我都無吃到(唔想食咁多肉但又無得走餸)食完碗粉都已經飽了八成豬扒包如餐牌所示確實要等十分鐘,更有多添.我點走醬版,無沙律醬連牛油都無.習慣了食慣了.豬扒細塊,軟劈劈無黎味道,相反個包就好正斗.大大個的,烘到脆卜卜,邊食邊爆脆皮,包芯則既香又軟.看著隔離位太太吃著爆脆牛油豬,同樣吸引喔!食到勁飽之下成為25蚊,比飲早茶貴了少少啦,

屯門澳門荷蘭園大排檔 潮式煎蠔餅XO醬豬扒炒河粉 上星期去屯門行下，千揀萬揀之下去左呢間茶餐廳。無揀錯！！！勁抵食！！！個蠔餅麻麻地～～但係個炒河粉好好食！！！好多豬扒～！好好食～！住個頭既記住試下啦！～

大人大壽正日繼續外出吃飯,臨時改了到這間喬遷後的荷蘭園。以前還是小小店時主打澳門葡國菜, 搬大後除了葡式菜外更有中西套餐, 大時大節還有應節套餐,菜式跟酒席沒兩樣。裝修後比上手茶餐廳企理得多, 可容納客人也多很多, 一般客人通常坐在入口附近, 裡面較隱蔽位置通常是粗豪一點的男人,談得興起真的有點嘈吵。門口黑板寫著豪華二人餐一早鎖定,內容包括燉湯兩盅、豉椒炒蟹、蒜茸蒸斑頭腩、菜膽上湯雞、瑤柱蛋白炒飯($148)是日四款燉湯分別是川芎白芷燉魚頭、牛大力土伏苓竹絲雞燉龜、姬松茸響螺燉竹絲雞和淮山杞子花膠燉螺頭雞腳。由於沒有頭風也不想飲龜湯, 後兩者就是我們選擇。 大人的姬松茸湯很有菇香, 湯頭深色鮮味, 除姬松茸還有圓肉、杞子,用上烏雞來燉,比較合適我家大人; 自己那盅湯也很鮮甜, 那片煲完湯的花膠軟滑得很,軟趴趴像塊吸滿水的海綿,基本它是點心綿花雞那片魚肚,分別只在味道而已;兩隻雞腳雪白滑溜又有肉,真好吃!配料還有圓肉、淮山及瘦肉粒, 兩者鹽味不重,都是原湯味道,味道不俗!豉椒炒蟹用上三隻小蟹炒成, 二人應該勉強足夠, 大人獨吃就很豐富。豉椒味很濃味, 小蟹蟹殼很薄,除了蟹鉗外都很容易咬開

Jun 21 , 2009 (Sun)幾個星期無黎 , 另我改觀了許多 !以往一直覺得蠻底食 , 幾好味 , 服務又幾好 !不過經過今餐 , 令我完全改觀 , 太差勁 !本來今日有個父親節中菜套餐好底食，不過大家都話西餐廳食中菜怪怪地，所以都係食西餐吧！北海渡炭燒魷魚筒拼牛扖餐忌簾湯 ~ 真正的純忌簾湯，湯裡什麼都沒有。半隻手掌大的魷魚筒燒的香香的用鐵板上，配上醬汁頗野味。可能父親節嘅關係，平日配上厚厚的牛扖變成為薄切，像是食早餐薄薄的牛 扖似的，味道大家試想想早餐牛 扖就了解了，不用多提。鑊仔牛柳餐鐵板上的牛柳厚厚的，且有兩大塊，汁味濃多多的，節日嚟講味道還不瀨。海鮮串燒拼魚扖跟天使麵 (有跟 糖水)大大隻的串燒帶子兩大串，帶子有炭燒的味道肉還嫩 ，魚扖細細件沒什麼睇頭。蘑菇牛扖拼炸蟹柳配天使麵罐頭蘑菇幾片放在碟的一角，早餐牛扖一件，汁都唔多滴，這便是蘑菇牛扖啦！精彩唔精彩！炸蟹柳火喉剛剛好，外脆內軟，不過個天使麵好似煮咗幾日咁，似BB啲糊仔多過麵，加上 D汁好似漿糊，認真難食！餐跟木瓜西米露，凍凍的街邊糖水一個，木瓜生到硬實實，可怕！4人餐湯選 羅宋湯 ~ 香葉味太濃，似乎 太

２００８／６／１１午餐只不過是兩個月沒有來幫襯，咦﹖餐牌是新的，連套餐配搭也轉哂，自由度高很多呀：材料﹑醬汁﹑煮法任由你自己選擇，價錢也是$28-30不等。很喜歡這樣，起碼比以前SET死的每星期也是那批午餐款多野食得多。本來我點的是石斑中翼咖哩汁飯，等了成十分鐘仍未有得吃，就問問店員，店員話”焗飯梗係耐D啦”，我R哂頭，說”我不是叫焗飯啊!”，查清楚後當然是店員自己落錯單，但也有唔好意思前唔好意思後的，飯來前就對著我猛話”焗飯比汁飯好吃得多,呵”，飯都焗緊了，我應該答你什麼好﹖餐湯加入了中湯款，不過我還是選擇了紅湯，也是以往的淡味道。焗飯類中的魚是用上斑腩，是我最討厭的，這個斑腩中翼咖哩焗飯，咖哩味道好濃又好辣；斑腩已預先炸起，成舊粉團，又乾又細粒又無乜魚肉；反而迷你中翼外表乾爭爭，但裡面的肉好滑又有肉汁，算是幾好味；白飯本身都幾硬，可怕大部份更被焗到乾爭爭，難吃下。下次我要吃返汁飯呀~!

是日晚餐吉列魚扒拚沙爹申燒 $46*吉列魚扒, 外脆唔油, 加沙律醬都唔錯, 三申沙爹申燒是牛,豬,雞各一申, 沙爹好味好香~日式雞翼拼牛扒 $50*日式照燒雞中翼三隻, 味道唔錯, 不過, 煮得唔夠耐, 啲骨仲有少少血, 薄牛扒就一般~均配蕃茄天使麵*正名叫天使麵糊, 比較合襯, 啲麵糊又淋又軟, 賣相及口感都好差忌廉湯*一般貨式羅宋湯*第一次飲咁辣的羅宋湯, 又辣又熙甜品是蜜糖香芋*薄薄一片芋頭, 焗熟後加上蜜糖, 味道唔錯, 好似係薯片咁, 又健康餐飲-熱朱古力及熱兒童鴛鴦(即好立克+柯華田), 加水太多, 冇味冇道

昨晚和女友,表姐到此吃晚飯,女友和表姐分到叫了一個台式和日式晚餐,而我因肚餓叫了一個小菜(西蘭花炒牛肉)晚餐,先來三個湯,白湯看來不錯,中湯有少少味精但可以,但是紅湯則很差(無料,菜都無,色水很淡,好像加了很多水一樣),主菜台式和日式都不差....但個小菜則非常差,賣相都很正常,但食落口味道濃得很,超多味精,最後吃了一半便放棄.......

尋晚同女朋友落街食左個普通的小菜像晚餐！72元一個二人套餐有，都幾抵！有兩個小菜，一碟油菜，兩個飯，兩個湯！叫左個京蔥爆牛仔骨，xo醬秀珍菇豬頸肉，油通菜！三樣野都好好食，略嫌通菜老左D！期間果個老板服務好好，沙晒聲果個！我見佢係水吧到鬧緊d伙記，但出到黎都笑容滿面，唔錯唔錯！食野期間發現原來你間餐廳咩都有得食，普通既小菜有，高級既鵝肝都有，呢一點我幾驚訝！下次黎試下其他先！埋單78，幾抵食！

２００８／４／１０午餐門口企著一堆人，還以為有排等位，點知原來他們等人執檯，排到出門口…今日的紅湯十分之啖口，菜也得幾條，不合格；鐵板豬柳炒烏冬真的用鐵板上，吱吱喳喳了幾秒就安靜了，底底和邊邊的烏冬條和鐵板黏到實一實，如果用些菜蔬先墊底會不會好D﹖烏冬只用豉油撈兩撈似的，沒什麼味道；豬柳很白淨，沒煎過的，白烚麼﹖唯一可取是凍華田，不會淡喵喵，夠味道﹗但不要飲凍朱古力，他們只會落很少朱古力粉去沖，超級淡口。服務越來越不可以，每次我們來也是這樣，今次更離譜：落了單很久，連剛入來的客人全都在吃東西了，追問幾次也沒有店員理會過，要黑面問才有人跟下。查明後，店員才說自己剛才寫了單沒入單，再次入單後，食物就在五分鐘內到哂，真激氣﹗