7
4
4
港鐵上水站 D1 出口, 步行約7分鐘
電話號碼
2668-3409
營業時間
星期一至日:11:00-03:30
付款方式
現金
座位數目
60
其他資料
深夜營業
電話訂座
電視播放
招牌菜
泥鰻粥 清湯腩 酸辣粉麵
食評 (17)
卓越食家 2016-06-13
313 瀏覽
潮興旺係附近唯一係夜晚十一點仲開門既潮州粉麵乍,獨市無選擇。炸兩,味道硬係怪怪地既?應該係甜醬味道怪。腸粉皮唔夠滑,仲有點粉口帶黏,認真麻麻地,我頂硬上都只係食到 3 份 1 就要放棄喇 ﹗又要掉左去,好浪費呢 ﹗腐乳通菜走油,係我最愛既水通呀,每年都夏天幾個月有得食。翠綠有光澤,鮮甜爽嫩,烚得剛好勁多水份,沾上大量腐乳醬大注大注食,好味道 ﹗蠔油生菜走油,十幾蚊碟生菜既份量係咪細左少少呢?趙到索索聲,聽得到的爽嫩。非常水潤,但菜甜味欠棒,唔難食。蠔油偏甜而嗆,什麼牌子來的?蠔油芥蘭,質地粗糙,雖然有大量水份,但沒半點菜甜味,失望。淨瘦腩雜走蔥,滷水汁偏甜,味道一般啦,沒有驚喜。牛雜均香甜味美,有質數。牛膀棉棉、金錢肚彈彈、牛腸滑滑,滿意。瘦牛腩雖鬆化,不過有點乾鞋,味道合格的。本來諗住淨係食瘦腩,但見到有食客食緊牛雜,個樣仲好似食得好好滋味,忍唔住併多樣試試。嘩 ﹗師傅真有心又客氣呢,加料炮製 ﹗腩雜加膠套炆好味一點嗎?我食之前已兜過一輪望清楚先食,都睇漏眼發現唔到。食到最尾先見到,太遲了 ﹗心理上硬係有點唔多舒服,陰功。淨水餃雲吞走蔥,吞雲餡好多肥豬肉喎,味道略咸又濃,而且一咬即散,不夠實淨。食左咁多次都係菜芯底,依次係生菜底,不過又係得幾條囉。淨水餃牛肉走蔥,水餃,足料結實,包得外形飽滿美觀脹卜卜,有木耳、豬肉、蝦仁,混在一起好味道。牛肉,我一直諗住會係鮮牛架喎,依家變左沙嗲牛肉,搞到成個湯底都好甜啊,味道怪怪的,牛肉又乸到腍劈劈。淨魚蛋牛丸走蔥,有幾條菜心底喎,真慷慨。大埔富園買外賣有勁多菜底架,最少有半份。牛丸,估您唔到優質貨喎,大大粒爽滑又富彈性,牛味特濃,每趙一咬都充滿肉汁,唔錯唔錯。淨蛋片走蔥,意料之外難得有水準,微彈而泛著咸香,少許鮮魚味,食得過。不過最好食既魚蛋都係大埔,正呀。紫菜魚蛋牛丸走蔥,幸好無淨紫菜湯那麼甜,今次正常咸香又有海藻味道。淨魚蛋鯪魚球走蔥,真係冥頑不靈,都話走蔥咯,係都要洒蔥呢。好鍾意潮興旺鯪魚球質感實淨結實,鯪魚味特濃,最衰間中有點細骨呢,要食得小心一點。魚蛋,意料之外難得有水準,微彈而泛著咸香,少許鮮魚味,食得過。牛腩撈麵走蔥,牛腩結實有咬口,無渣而質感滑,炆得入味,不過不失,肥膏又唔係話真係過份地多,合格。牛雜撈麵走蔥,幼麵份量勁多呢,可以撈好多好多辣椒油食,好開心啊 ﹗堅多麵底一定飽 ﹗麵質烚得還可以,略彈無鹼水味。但係個蠔油真係調得太甜喇,有種好膩既感覺。想搵辣椒油平衡一下,但辣油不香不辣,完全幫唔到手。炸魚皮,普通中的普通炸魚皮,脆卜卜但咸味陰沉,香口不足,外購的嗎?炸雞中翼,天堂的味道,那有這麼可口的炸雞中翼呢 ﹗炸得皮脆肉嫩,外皮金黃香脆,裡面肉質保持嫩滑水潤。炸得肥嘟嘟非常吸引,一咬爆汁,味道還帶點點南乳味啊,轉眼 5 隻消滅。鹽焗雞麵走蔥,好耐之前見到鹽焗雞麵已經覺得好奇、有趣,好想食。依幾舊咸雞真係幾咸下,嗆喉又霸道,浸湯都只能免強吞下,奇怪地肉質十分滑溜啊。麵就正常的爽彈合格,沾上辣油帶上湯汁啜啜啜,還可以。酸辣肥牛米線走蔥,您地真係打算貫徹始終永不走蔥嗎?我都話走蔥咯,激鬼死 ﹗美女同事推介潮興旺米線,米線堅係嚥韌彈牙喎,有別於一般腍劈劈又粉口既米線,米香還非常突出添。湯底味道都還可以,沒什麼驚喜之處,對我黎講甜了一點點,我要更酸更辣更濃 ﹗肉醬香甜、平價薄薄肥牛味濃鞋而有嚼勁,過得去。本想要碟即拉叉燒腸粉食,誰知即拉腸要十點後,現時只有齋腸供應。又唔係即拉齋腸,唔要啦 ﹗ 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-03-14
566 瀏覽
搬左黎上水一個月左右,依然人生路不熟,連邊度有麵檔都未知,都唔知點搵食好﹗發現有間潮興旺,今次試依間,試第 3 間係上水既麵家,第 1 次幫襯,先由基本開始。蠔油菜芯走油,不過不失啦,無渣微爽,略厭未夠清甜囉。雖然未至於話有渣,但都幾老吓喎,粗糙又唔夠鮮甜,麻麻地。蠔油生菜走油,點解小得咁緊要架?得幾片菜葉,生菜非常清甜喎,真係好好味,比菜芯好,係我預計之外呢﹗偏甜蠔油配上多上生菜,味道剛好 balance,爽爽的大啖大啖地嘴饞。腐乳生菜走油,我明明係想食腐乳通菜架,唔知仲咩鬼叫錯左生菜。腐乳咸中帶微辣,特別得黎又好味。淨牛腩走蔥,雖然眼見肥膏一舊舊,食落唔算太肥,可以接受。滷水牛腩浸得夠入味,偏甜,炆得夠腍而鬆化,質量大份滿意,抵食!好過豐泰牛雜多倍,仲有生菜底呢。 紫菜湯走蔥,嘩 ﹗咁大碗既?我食開都只係飯碗咁大架喎。味道怪怪的,點解咁甜既?我要咸既紫菜湯喎,唔難食。淨牛丸魚蛋走蔥,仲有幾條菜芯送添。牛丸,估唔到爽彈多汁,牛味香濃,高質。魚蛋輕度富彈性而白滑,淡淡魚味,合格。淨水餃走蔥,真係勁大隻呀﹗連我個血盤大口都唔能夠成粒啪,要分兩啖食,Good ﹗蝦肉鮮爽、豬肉味香濃有嚼勁,整體質感實淨而外皮滑溜。淨雲吞墨魚丸走蔥,試過好多間麵店包括潮興旺,大家既墨魚丸都係非常粉口喎,質感同味道都好假。不鮮不甜不彈。雲呑就幾味,跟水餃不相伯仲,蝦爽而豬肉味香甜,肥豬肉不多不肥膩,結實有咬口。淨蛋片走蔥,有幾棵菜芯跟埋,真好﹗最初諗住淨魚蛋,老闆娘問一問,咁就轉蛋片試吓啦。落左小小辣椒油落湯度,忍唔住飲晒添,香辣湯底好味呀!蛋片均微彈有魚味,唔會腍劈劈,滿意。今晚抵受唔住魔鬼之橋既誘惑,走左去幫襯無牌小販。原諗住操左 3 粒鐘,食少少野就算架啦,點知被邪惡天橋吸住左﹗買完鹽焗雞髀同生菜魚肉,仲要食多串咖哩魚蛋,救命呀 ﹗我仲想食銀針粉、碗仔翅、滷水雞髀、炸三寶、炸豬大腸呀 ﹗忍忍忍。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-05-26
523 瀏覽
岩岩係附近行完街聽聞上水有幾間粉面幾好食依間就係其中一間我就慕名而來啦~~ 其實自己期望都幾高 畢竟d人話好好食入到去 見到個地下又黑又濕(個日冇落雨) 心諗算啦 是但搵左個位坐聞到一陣少少臭既味 係從冷氣度傳出黎 覺得唔係幾舒服之後拿拿琳叫左個牛肚河依下牛肚淡而無味 又硬 個湯唔知點解好甜 係甜得有d唔正常 好少食牛雜個湯係甜河粉都煮得太耐了 好琳 唯一好既地方係佢黎得好快 落單唔洗30秒個面就黎左 仲要夠平 只係26蚊 繼續閱讀
(以上食評乃用戶個人意見 , 並不代表OpenRice之觀點。)