漁民樂 (已易手) 新餐廳

女人唔補好易老，作為一個愛錫自己既人，當然要揾d滋陰養顏食品補補佢最近同事都好興高采烈話要試現時最興的花膠雞煲， 適逢天氣驟降就當然要揾好野食向朋友打聽到漁民樂有花膠雞煲而之前有食過佢地既辣雞煲而用料質數都係十分好，就選定了呢家之前曾經黎過所以好快就揾到，而由澳運站行過去也十多分鐘就到，對於我港島區返工其實也蠻方便先叫了個花膠雞煲呢煲膠質大量提昇，識食當然飲番夠本個湯先開始打邊爐，每人最少也喝上兩碗以上 而其他配料也絕不馬虎手打墨魚滑，相信用料十足，十分彈牙手切肥牛是另一推介牛味十足，而油脂分佈均勻，十分有咬口響鈴是我重點其中一款，但唯一做得不夠細心是第二around來配料時把響鈴跟蔬菜一起上，而菜附有的水份把響鈴也弄濕了，提意脆口的配料還是單獨上碟比較好其他配料雲吞，菇類等等也十分新鮮其待下一次再來補一補

滋補魚湯🐠花膠雞煲🐔朋友介紹大角咀有魚湯花膠雞煲火鍋放題, 聽落好似好補咁wor!等左大約15分鐘..."雞煲"出現喇! 湯底本身已經好鮮甜, 仲"膠膠地" - 花膠的威力, 忍唔住飲多幾啖先將雞煲開動, 除左雞件, 花膠外, 仲有超索味的豆卜 + 菇菇雞件嫩滑度尚可, 而且唔係超肥雞 (好彩), 試過食雞煲, 啲雞好肥好肥, 成個雞煲好油膩...有啲難搞花膠大約有6~7隻, 個size都算係咁, 仲有係花膠筒, 唔係花膠碎 - 煮完唔知去咗邊本身個雞煲材料都已經幾豐富, 所以都無再叫太多其他配料,都係叫咗啲"索湯"材料 ~ 炸響鈴, 生根, 芋絲, 野菌籃....仲有手作雙拼滑(蝦滑 ➕ 墨魚滑)會根據人數嚟分配食物份量, 就算獨食都可以試多幾樣特別推介手作雙拼滑(蝦滑 ➕ 墨魚滑)...唔hea爆之餘, "滑"仲幾彈牙, 蝦滑尤其出色, 好似食緊成隻蝦咁

今晚又走左落大角咀搵食 本來諗住食嘅餐廳竟然無開-__- 於是去左附近嘅漁民樂叫左佢地嘅主打嘅花膠雞煲 No.1喎等左一陣 滋補花膠雞煲上枱 勁多配菜係面推開少少 成隻肥雞出來了 重有豆卜菇類同埋重點嘅花膠 魚湯湯底超鮮甜加埋雞嘅鮮味 淨係湯底已經無得輸食火鍋又點少得炸魚皮同響鈴 份量雖然唔多 不過勝在夠脆 反正可以encore 重有雜菜 顏色已經好吸睛 而且好乾淨炸魚角好好食 手打墨魚滑更加係必食不過肥牛就略嫌肥左少少後尾再加錢要左質素較好嘅牛肉 即時心心眼 配埋咁靚嘅湯底 簡直係完美不過如果收錢ee嘅態度能夠好少少我諗大家食飯都會開心啲

今天到友人家中作客，踏足平時唔會到嘅奧運站同大角咀。晚上在商量晚餐的時候，本來提意走到旺角，因為選擇多一點。旺角平時行街都會去，而且冇預早訂位，怕人多。所以叫友人介紹附近有什麼特色小店。既然大家都喜歡雞煲火鍋，友人提意吃魚鍋，因之前吃過價錢實惠，用料新鮮。因為是主打米線，所以隔局不是一般火鍋店，有卡位沒有圓檯。「漁民樂」原來是代表漁獲豐收，漁民樂也。因為主打魚湯米線，所以呢度嘅魚煲、龍躉煲都好出名。我哋山長水遠來到大角咀，當然想會一會麻辣龍躉鍋。可惜是日龍躉售罄，服務員推介魚湯花膠雞窩，放題每位加＄58就可以享用，但單點暫時未提供花膠雞鍋，所以我們選了放題2小時168（另有1小時98，1.5小時128）。我們點了花膠雞鍋半隻，四川麻辣雞煲半隻。四川麻辣雞煲絕對值⭐️⭐️⭐️⭐️⭐️，我們點了小辣，未到已經充足，麻和辣各有層次，煲蓋一開香氣經已四散，雞件吸收了濃郁的麻辣醬汁，即使連雞背骨都充滿味道！魚湯花膠雞鍋⭐️⭐️⭐️⭐️⭐️，未放其他餸之前，我們各喝了幾口湯，不知是魚還是雞的鮮味，加上滿滿的花膠，這個湯令人喝不停口。最後必吃的將稻庭烏冬放到湯入面，烏冬上沾滿濃濃的雞魚湯，超讚！另外我們單點了手切肥牛（

經過見到話頭10位客人$68一位 仲要系火鍋放題 即刻入去碰下運 點知真系得左任飲任食一個中。平過吉野家邊爐呀朋友唔食辣 見到有花膠雞鍋 叫左來試下二人份量有半只雞 其實已經好夠 食唔哂個湯真系有花膠嫁 ！湯底有7分 有花膠味 雞味反而無乜 雞肉不算好滑 但咁既價錢都差不多了煲煲下有好多雞油出現 我地都叫左其他野食 食材新鮮度ok 但選擇不算多 至於肉類 有美國肥牛 魚蛋 貢丸個d 墨魚滑都值得食 爽口彈牙 唔系用粉做食左一個中 飽到傻左 下次要食下呢間既魚湯米線先

以前這店的米線真的好好味，魚湯夠濃，麻辣超正。但從幾個月前，唔知點解水準每況愈下，有時成碗面唔熱，配料未熟，分量越黎越少，落錯單，打左價錢，加價等等，最大問題係魚湯勁稀，沒有魚味，我最後一次中伏，唔會再幫襯。

食食食食食食食食食食，今日光顧左位於大角咀中匯街既漁民樂 ， 門口賣相鮮明，以綠色做主意，應該係希望以健康新鮮為主，我亦好贊成健康既主題，因為本人係好唔中意食味精…咁贊下先，首先佢地有幾樣野做得唔錯既，就係火鍋配料既分量有少為大，中，小，三個級別，一問之下發現原來老闆希望客人可以一個人食火鍋唔洗一碟碟叫，食得幾樣就飽哂，特別安排火鍋配料分量為大，中，小，令一眾餓底都可以一個人食好多種配料，享受同慢慢食(>﹏<)一聽完，嘩，頂你個肺勁感動 。完全唔似其他火鍋店咁，呢到令我感覺到佢地真係，以人為本，以客為尊 。好啦，咁講下我試完之後最值得推介既美食啦推介1：大澳海山雞翼，用大澳傳統古法蝦膏和蝦醬醃製半日，沾上些許炸粉，落油炸，先用慢火炸至半熟，再推大火將油迫出雞和炸粉之外，令雞翼食起上來香脆嫩滑到一個點，所以外脆內軟，我比推介2:：手切肥牛(厚切)，中意牛味香濃既人一定中意，因為厚切既關係肉汁係表層完全熟透之後都依然鎖係肉既入面，一塊牛肉，Juice到咁，真係太好味 。推介3：又講下墨魚丸丫，墨魚丸講求既係，墨魚味濃，彈牙，比例均勻，有墨魚肉，係香港想食一粒靚既墨魚丸真係太

近年好的魚湯產品已經買少見少，今日經過大角嘴一家叫漁民樂既餐廳，一望餐牌完來係我尋找左好耐既魚湯產物，入到去叫左個set lunch五香豬扒白蘿蔔麻辣魚湯米線。豬扒夠淋，夠五香汁，軟硬適中白蘿蔔，無渣，夠淋麻辣，唔夠辣，但正因為咁無阻擋魚原有既鮮味，我分唔到佢係唔係特登咁整魚湯，鮮，甜，唔腥，滑米線，正常

自己好鐘意食魚湯米線，魚米家、鱻以前成日食，初期鱻既魚餅好好食，魚湯米線都做得唔錯，而家唔使講喇，魚湯底已經無曬味，唔再係果回事，就係因為咁開始極力尋找一間真正既魚湯。大約係5-6年前睇到某本雜誌專題報導魚湯既餐廳，一睇介紹見到原條魚既魚湯米線咁吸引既！即刻仆去試下，訪問話老闆每日清晨都會捉最新鮮既魚返黎，又係大澳居民，一試之下個魚湯非常濃郁，奶白色既魚湯配上米線簡直係味蕾既享受！好似阿媽煲既湯咁，超級足料去煲又無味精味，一啲都唔腥，果時應該剛營業初期，無而家咁多小食，只係專注鮮魚，有唔同部位揀，每日賣曬啲特別部位就無。之後見佢出左火鍋套餐又再去食，果時2人食都係$130左右，有好多配料又有原條鮮魚，加湯又會加番濃濃既魚湯，食到lam lam脷。其後已經好耐無食，呢一兩年食番，雖然魚湯明顯比以前稀左好多，不過總算好食過街外既。而家款式多左，湯底選擇多啲，有時見到仲出埋剁椒活魚煲，好想試下。下午茶性價比極高，$17至$33已經有交易仲有埋野飲。試過下午茶+$4有一份椒鹽雞軟骨，有十幾粒，香口抵食！不過下午茶米線既份量唔算多，男仔未必夠飽。每碗米線都有芽菜，粟米同昆布，就算病左無胃口想食清

連續兩日又燒肉又邊爐, 今晚想食返清少少, 就諗起魚民樂既魚湯米線.諗起第一次食魚民樂, 都係因為余文樂, 不經不覺都食左幾年, 次次都係食魚湯米線.由於想食清D, 所以配菜只叫幾粒丸.鮮茄魚湯米線都大碗湯底有鮮甜魚味, 配合蕃茄味清淡得來開胃，還有茄粒，海帶及粒粒飽滿的粟米粒. 米線夠滑, 軟彈煙韌，完全吸收湯味，一匙湯加上米線，已經非常美味魚蛋彈牙，放入口每咬一啖，都是彈彈下的感覺墨魚丸及芝心丸都不錯食完米線飲左半碗湯，十分滿足，而且完全無口渴之感，相信味精份量不多

之前成日去荔枝角分店食烤魚但無左成大半年無食想食番所以專登過黎大角咀光臨一入門口就見番之前荔枝角個經理招呼我地一坐低就叫左個麻辣雞煲同香辣烤魚因為有朋友食唔到太辣所以全部叫小辣個人建議食得辣既可以試下中辣同大辣會更加惹味一放上枱聞到陣味已經好吸引啲雞啖啖肉 滾到好入味 啲肉滑嫩唔老條魚無記錯既話係鲩魚烤魚湯底係佢地既招牌魚湯魚皮上面搽晒辣椒香料所以好入味條魚都幾滑啖啖肉不過食果陣小心因為都有啲骨唔好唔記得飲幾啖湯都幾甜下食到咁上下就緊係加湯繼續打邊爐火鍋配料有分大中小適合唔同人數選擇經理介紹有新鮮海鮮就順佢意試下啦啲配料份量同味道都唔錯厚切午餐肉雲吞大大粒粟米夠晒甜海鮮果然如經理所講幾新鮮下用魚湯恰啲蝦同蟹好鮮甜膏蟹再多啲膏就更加正啦整體黎講係正既最後用呢個海鮮湯底煮烏冬去完結呢一餐啲朋友好滿足話會有下次經理仲好好人咁free左幾罐啤酒其他飲品有汽水涼茶同蜂蜜蘆薈咁耐無黎食依然保持到水準抵讚

大角咀一帶好多好野食 之前試過呢間漁民樂既魚湯米線已經覺得十分鮮味真材實料，今次經老闆推介下再來嘗試晚市烤魚+火鍋！選了麻辣湯底，小辣剛剛好，容易入口又有少許刺激，十分惹味！而且老闆服務態度親切，耐心為我地介紹呢款魚（黑草鯇？）果然無介紹錯，魚夠滑夠新鮮，而且十分抵食！另外雞煲都唔錯呢！食到勁飽每人只係百幾蚊，下次一定會再黎

已經第唔知幾多十次係漁民樂食野，蕃茄魚湯係最正既湯底，而且通常都會叫多份辣汁雞翼。湯底方面，蕃茄湯既味道好濃，好補蕃茄味，比較開胃，但有時可能會失手而淡左d，不過多數都夠濃，所以每次都係點蕃茄魚湯。餸既方面，雞肉亦係我必嗌既餸，$6有4-5舊雞肉，非常抵食，而且d雞肉好滑。小食方面，辣汁雞翼$8兩隻，甜中帶點辣，而且炸得非常香，真係平靚正。

我一直都係 漁民樂 “大角咀”店的忠實粉絲，親民店前幾月開始改革後，就大不如前，甚至令到我開Account 寫低依個食評! 真係太大打擊，風味不再！一年前開始每星期起碼3﹣4次黎幫襯，點解要來:1.湯底認真製作 <- 蕃茄湯底無以前咁濃郁2.有唔同魚既部分可供選擇3.價錢非常親民 <- 新的餐牌(點餐紙)亂七八糟!4.以前高CP值<- 現在一點都不高今次已經係最後一次食 漁民樂! 傷心退場!漁民樂本身給我的感覺是親民的食堂，食物有水準，蕃茄同喇沙湯底都係誠意之作！我經常點 “以前” 餐牌的自選二人面餐! 留意! 係以前餐牌! 兩碗兩餸面，一個小食，有魚肉既魚湯浸時蔬，仲加埋兩杯飲品當時覺得CP 值超高，所以因此每星期都來幫襯幾次! 即使之後加左價我都覺得係值得的.但!!! 幾個月前開始，漁民樂，不再樂！！！漁民樂之前 長沙灣是有間分店，環境有點亂，跟大角咀店有很大差距，早前結業了。我都有去食過，經歷好深刻，我要講：個位哥哥仔經理亂咁落單，最後來左個完全唔熟既豬潤既碗湯到，佢話換過俾我，最後都無換，食物質素好差完全與大角咀無得比，我去左一次就無再去!點知 依個話自

終於都等到可以有時間吃飯了~近近地又見佢既食評OK, 咁就揀呢間啦去到見到D下午茶都好似幾抵食喎, 米線+熱飲都唔洗30蚊咁我就叫左麻辣肥牛米線喇等左無耐就到喇, 個碗的確係大既, 但米線既份量就少左D...不過都唔緊要, 問題係佢既米線煮得太林喇, 如果以米線作為佢主食既一間食店黎講就未免差左D湯底係有麻辣既味道但係主要係鹹味多, 而且食落個米線係淡既, 完全都吸取唔到湯個味, 湯有湯鹹, 麵有麵淡, 好分離...肥牛就唔會有期望都係平時打邊爐個D料~反而同事叫個份類似All day breakfast既野又幾豐富幾靚有d沙律, 雞扒, 炒蛋, 多士等等~隔離枱既日式冷烏冬又ok wor, 或者真係一分錢一分貨啦~不過我都希望佢既主食米線可以煮得好d lor...