15
4
0
港鐵柯士甸站 A 出口, 步行約3分鐘
電話號碼
8103 9882
營業時間
星期一至日:17:30-03:00
付款方式
Visa Master 現金 銀聯
座位數目
100
其他資料
深夜營業
酒精飲品
VIP房
泊車
電話訂座
室外座位
電視播放
招牌菜
手打蝦丸 冰鎮鮑魚 肥牛粒 花膠雞煲翅 淘園雞煲 豬翅羹鍋
食評 (19)
足料花膠雞煲翅 焦點食評
新晉食家 2016-09-23
62 瀏覽
雖然冬天未到, 但踏入九月已開始有入秋feel, 加上多雨水, 氣溫的確降低了. 之前天氣熱,  己有一段時間無打邊爐, 上openrice搜尋下, 見到淘園個花膠雞煲鍋翅幾吸引, 於是就來了. 一心一意來食花膠雞煲鍋翅, 坐底見到張菜單, 實在太多選擇了, 真會令人三心兩意的, 不過最後都下定決心要花膠雞煲鍋翅, 其他煲唯有下次再來食啦!店雖然不大, 但四面都有電視, 要追劇都無問題. 另見到水吧頂有好多美酒收藏, 相信老闆都係愛酒之人, 愛酒之人通常都好熱性好客. 花膠雞煲翅鍋 $218: 用料足, 湯底是真材實料熬出來, 配料唔點醬料都夠味. 花膠同魚翅都大大塊, 而且好多, 雞件大大舊有肉, 唔係得骨頭.蝦滑拼墨魚滑 $68: 新鮮, 結實有彈性, 份量足, 唔會介得幾舊就無. 而且可以兩種滑溝埋一齊食, 一啖食到兩種口味 美國肥牛 $78: 帶有牛肉羶香, 肉質有嚼勁而不鞋不韌 冬瓜 $28: 最後食幾件冬瓜件, 冬瓜盡吸湯底及配料精華, 而且係厚切大舊, 滾一段都不會過諗及溶甩 竹庶茅根水 $32: 微甜剛剛好, 沒有過份添加糖, 潤喉清熱之餘亦可清清味蕾 埋單二人$499 連加一, 足料抵食, 過一排要再來!! 走時見到有一班人訂左枱來食, 上左閣樓, 睇來閣樓可以坐唔少人 繼續閱讀
(以上食評乃用戶個人意見 , 並不代表OpenRice之觀點。)
入秋之選邊爐夜 焦點食評
卓越食家 2016-09-08
169 瀏覽
現在很多地方都有得打邊爐,打邊爐不只是湯鍋,還會用上雞鍋或海鮮鍋。聽說佐敦有間火鍋店,除了打邊爐湯底、雞鍋、海鮮鍋,還有咸菜豬什鍋、泰式海鮮冬陰功鍋和花膠雞湯鍋,還有魚生刺身供應,鍋底選擇都幾特別,便相約朋友一眾前來享受一番。餐廳環境以茶餐廳格局裝修,也算坐的舒適。單看食材提供,不論海鮮魚生刺身,牛的種類也不少,還有肉丸餃子,食材新鮮,份量也不算細份,價錢也算合理。******************************淘園火鍋館在佐敦偉晴街,偉晴街相對都比較少人來人往,但門外也泊了很多車在。走進淘園火鍋館,內裏環境和茶餐廳差不多,但相對也很乾淨舒適。吃火鍋都提供調味料,這裏便提供4款的調味。除了自己調配的醬汁之外,如果食魚生刺身,還有芥末提供。淘園火鍋館的鍋底選擇一點都不少,除了一般湯底鍋,還有雞鍋、咸菜豬什鍋、泰式海鮮冬陰功鍋、海鮮鍋和花膠雞湯鍋,選擇也不少。此外,還有魚生刺身供應,確實很吸引。火鍋食材包括肉類,海鮮、自家手打和餐前小食。配料也提供不少選擇。還有海鮮推介選擇。飲品選擇除了汽水、啤酒,還有自製飲品。青島啤酒 HKD22.8/枝,吃火鍋也必定要枝啤酒,才感覺滿意。日式刺身拼盤(大) HKD488,拼盤包括了海膽、帶子、吞拿魚、希靈魚、牡丹蝦、活赤貝、八爪魚和包公魚。海膽鮮味十足,好食。帶子,雖然切開細件,但鮮甜好食。三文魚不算薄身,口感不錯新鮮美味。包公魚,第一次聽這名字,原來是因為條魚的魚頭是黑色像包公一樣。魚肉口感韌韌地都幾特別,少少鮮味在其中,都幾好食。龍蝦大蜆鍋 HKD228,鍋底不算很大個,龍蝦比較也不多,大蜆也不少。除了龍蝦和大蜆,還有南瓜和粟米在湯鍋中。大蜆都幾大隻,不會韌口,都很鮮甜。龍蝦切件放在湯鍋之內,龍蝦肉都幾彈口,也很新鮮。湯底,還沒有加入任何肉類或其他食材,湯底入口清甜好飲。白鱔片 HKD88,白鱔片肉色通透光亮。白鱔片切的有點薄,所以不算很彈牙的口感,但還是新鮮的。脆脘片 HKD38,看上魚肉也是通透,感覺不錯。脆脘片沒有脆口的感,魚肉尚算新鮮。澳洲珊瑚蚌 HKD98,珊瑚蚌份量一點都不少,看賣相也不錯。澳洲珊瑚蚌很爽口,鮮甜好食。蝦滑拼墨魚滑 HKD68,加了點蟹子在蝦滑和墨魚滑之上,可以增加賣相和口感。墨魚滑都幾彈牙,味道和口感不錯。蝦滑和蝦丸不同,沒蝦丸彈牙,但蝦味十足一樣好食。自家鳯城水餃 HKD48,一客水餃有8隻。鳯城水餃除了有蝦還有木耳在內,所以都幾爽口,味道也剛好,好味。魚皮餃 HKD38,一份魚皮餃有8隻,魚皮餃不算細隻。魚皮餃口感不算很彈牙,魚味也不錯。唐生菜 HKD28,份量不算多,但菜還是新鮮。唐生菜入脆口鮮甜,新鮮好食。 繼續閱讀
(以上食評乃用戶個人意見 , 並不代表OpenRice之觀點。)
巧多明星幫襯喎 焦點食評
卓越食家 2016-09-03
257 瀏覽
之前行過門前, 貼左好多明星黎幫襯時拍下的相片, 心諗….老闆一係娛樂圈中人, 一係呢間野好食, 今晚特登黎求証一下。大青島 $19.8 二大枝, 真抵飲。花膠雞煲與龍蝦大蜆湯底之爭, 由於火鍋配料己經好多肉, 最後決定叫龍蝦大蜆鍋。啤酒係火鍋指定飲品, $19.8 二大枝裝, 隊幾多都唔會肉赤。 招牌龍蝦大蜆鍋 ($228)放足材料煲, 內有龍蝦、大蜆、粟米、菇菌類、香芹等等, 放肉前先入一碗海鮮湯, 湯頭清甜, 大蜆/花甲真係點煲點食都咁正, 咁鮮甜, 無得輸。極級牛肉金字塔 ($588)以high tea三層盤高貴上檯, 牛肉拼盤包羅萬有; 皇牌手切牛頸脊、頂級本地手切牛、牛骨髓、牛胸尖、牛柏葉及和牛粒。手切牛頸脊 ~ 油花分佈平均, 油脂重, 肉質香嫩軟滑。 頂級本地手切 ~ 肉質結實, 偏向有咬口, 牛味濃, 但不起根也嚡口, 識食……梗係食佢啦, 不過我 d 朋友鐘意食肥牛, 貪它夠肥夠滑, 各有所好, 沒問題的。牛骨髓 ~ 白色那條便是牛骨髓, 入口滑溜, 本身無咩特別味道, 靠吸海鮮湯的味道, 個人唔鐘意食。牛胸尖 ~ 爽口油香。牛柏葉 ~ 不經加工的原色牛柏葉, 口感爽脆, 嗦嗦聲。手打四寶丸 ($88)墨魚丸  ~ 彈牙有粒粒墨魚粒牛肉丸 ~ 用新鮮牛肉打成, 有肉味, 仲好爽彈吓。 蝦丸 ~ 亦係用新鮮蝦肉打成, 唔錯。鯪魚丸 ~ 掛住食牛, 到我想食時己比人 kill 晒。 繼續閱讀
(以上食評乃用戶個人意見 , 並不代表OpenRice之觀點。)