5
3
1
電話號碼
2792 4990
特色
適合大夥人
付款方式
現金
其他資料
海景景觀
提及此餐廳的食評 (13)
見習食家 2014-10-02
772 瀏覽
國慶假日想到西貢嘆個悠閒早茶,點知食到咩放假mood 都冇晒添......本想坐出面睇海景, 未坐低就有個職員「行過」咁講: 「幾位呀? 出面d 檯最低消費450呀!」(其實又唔係帶位又唔係招呼, 純粹好似叫你唔好坐咁) 2個人點飲450蚊早茶......所以死死氣坐入面啦~食物同一般酒樓差唔多, 2個人叫左8碟, 食晒等左好耐都冇魚雲, 問之下職員先話:「今日冇魚雲呀。」咁落單嗰時又唔講......基本上全程冇招呼, 亦唔敢勞煩佢地招呼, 因為全程聽到職員同d 食客嘈, 又話唔俾轉位、又話d客揀位麻煩......食物黎到成棟放低就走左, 零招呼~外面環境係靚, 食物正常, 冇招呼都唔係問題, 但職員成日同食客嘈, 態度唔憂做, 講來講去都係:「假日多人, 叫你咁就咁, 唔好咁多要求, 一係唔好食。」好似俾左錢去睇人面色咁, 2個人埋單$270, 入去到埋單45分鐘, 唔想逗留~呢間冇下次。 繼續閱讀
殿堂食家 2014-05-13
1070 瀏覽
一班好友大清早來到高爾夫球場大顯身手,到接近中午,又是吃飯時間。不過球場附近的食肆不多,很不容易才找到海灣食坊。海灣食坊地方不算太就腳,不過面對沙灘,環境總算開揚,當然不怕沒有捧場客。是日正值週末,訂了座也要呆等差不多四十多分鐘,但最令朋友們谷氣的是其中一兩位員工的服務態度,倘若不是EQ高,相信已經一早拂袖而去。其實這𥚃的食物水準不錯,簡單的點心如排骨、鳳爪、春卷、馬拉糕等等味道不差,另外還有幾款特別值得一提的點心和菜式,就此簡略介紹一下。芫茜皮蛋湯煎米, 4/5聽說是這𥚃頗出名的菜式,芫茜皮蛋湯和煎米會分開上。芫茜皮蛋湯有很清香的芫茜味,另外還有皮蛋粒和肉碎,入口清甜。煎米則煎至金黃,遠看有少許像上海菜的窩巴,不過放湯之後,米粉變回軟稔,口感軟糯而有嚼勁,細嚼後還覺有點焦香,不錯。春風得意腸, 3.5/5腸粉加上春卷,味道入口初時有點似炸両,但口感更豐富,外軟內脆的感覺非常特別。蛋撻仔, 1/5單看偏橙的顏色,已經有點擔心,味道果然亦沒有什麼蛋香,只有香料和色素,失望!其實以食物和環境來說,海灣食坊都是個不錯的選擇,不過如果妳EQ高的話,相信享受程度會更高! 繼續閱讀
見習食家 2013-07-31
623 瀏覽
朋友生日book了三張枱,選這裡的原因是因為可帶狗,有狗仔沖涼區。去度坐底阿姐問要咩茶?因為朋友未到我就話要杯水先,阿姐話要另叫,表示要收錢,咁我就話俾個drink menu嚟睇下,佢就不耐煩地話可要支水先,但要收錢,我就再講要drink menu睇下先,佢企係度唔出聲,我問第三次有冇menu, 佢就勁惡咁話咪係枱囉小姐。我心諗,阿姐,係枱你又唔早講?我要order,係咪睇下價錢同選擇都唔得?差唔多人齊既時候就有個黑衣男走埋嚟問開幾多位茶,我地最初八人,但有兩個仲嚟緊,所以就話十人,到真係人齊既時候,因為啲椅有手柄而放唔落多兩張椅,咁就要求黑衣男換啲冇柄椅,佢叫等等後就問係咪加多兩位茶錢?我地報數話十位已加呢兩個朋友,朋友企係度又再要求加兩個位,即係餐具,佢就再話係咪依家十二人?唉,我地再講係十人,朋友就企得唔耐煩問黑衣人可唔可以拎兩張椅俾佢同個仔先,佢話等等就走咗,返嚟後話要再等,其實隔雜枱就有,就叫佢拎隔離枱個啲?佢就話要問一問,但隔離枱都係我地book既佢又唔知,搞咗成十分鐘先可安心坐底。我地叫了好多點心,枱上滿了再上新菜時就硬將新菜放上枱上,倒瀉曬啲喼汁同水。完全冇諗過要大碟轉細碟,或者執走啲嘢先,完全唔識serve.至於食物質素是不過不失, 一般茶樓水準, 食物份量亦夠, 建議從服務開始改善。去廁所重嚴緊過去保險庫,無論你係男女老幼,手上有嘢冇嘢,行到入室內用廁會俾所有待應用十級惡劣態度提醒你唔准換衫,廁所地下濕到似水浸之餘亦無廁紙。總體來說,天氣再好,心情再好,去度呢度都會一肚氣,想受氣,就去海灣食坊啦! 繼續閱讀