海港燒鵝海鮮酒家 (已結業)

這晚為Team Building活動的最後一站，下午整個部門也暫離崗位，數十人一起到城門水塘行山，其後便來到荃灣大鴻輝中心的海港酒樓吃頓Team Building Dinner。縱使有budget所限，但以海港的價位卻綽綽有餘，把原有的千多元晚餐，升級了數項包捨新增日本大元貝、把龍躉轉為星斑、亦點了花雕蛋白長腳蟹等，價錢方面......不用我去理會。以同事的標準，他們總會說每款也好吃，可是以本人的標準，愈吃愈高要求的標準，卻是稍有微言。簡單一說吧，如招牌的海港燒鵝王，以一般的標準來說，看似沒什麼挑剔。可是我認為既是招牌菜，必定要十分重視。鵝肉明顯不及鮮香，欠缺肉味，企圖以醬汁遮掩鵝肉不鮮的事實，在一般人的角度，很容易能夠暪天過海，但質素不佳亦是不爭的事實。上湯龍蝦伊麵同事紛紛讚好，一嚐也只是失望，上湯與伊麵問題不大，只是伊麵稍淋，沒有咬勁，扣分是必然。龍蝦肉雖爽口彈牙，但卻毫不鮮甜，真正的龍蝦鮮香並不是如此，質素遙不可及。長腳蟹以花雕蛋白伴蒸煮，看似有點睇頭，但只是嚐了一口蟹肉便能判斷蟹肉毫不鮮甜，難成大器。整體而言，若放下身段，此餐並沒不妥，普普通通還可接受。

一年一度母親節飯, 去了這間酒樓, 好多時也會來這裏的, 因份量大, 又抵食, 坐位唔算迫, 今年我們揀左正日, 都唔算好多人, 枱與枱之間還有好多空位的, 好舒服呀.乳豬全體, 隻豬感覺有點黑, 燶左呀, 不過味道都係好味的, 唔會好肥, 份量都足呀, 個皮都算脆皮的, 好味呀.蟹肉竹苼海皇大生翅, 這個翅都好大窩, 好足料呀. 好多蟹肉, 味道唔會過咸, 啱啱好的, 竹苼吸晒翅的味道, 好好味.上湯焗波士頓龍蝦伊麵底, 好吸引呀, 大大碟, 賣相已好討好, 試下味道先, 龍蝦肉都算多, 都新鮮爽口鮮甜的, 唔會腥, 唔會唔新鮮的感覺. 伊麵吸晒D龍蝦汁, 好好味, 又彈又爽口. 呢碟龍蝦夠晒份量海港醬燒雞, 隻雞燒到好靚, 顏色係啱啱好的, 個皮都好脆口, 又香口, 啖啖肉, 雞肉都唔會鞋的, 又唔算好肥. 法國鵝肝花姿丸, 這個花枝丸熱辣辣, 用張紙裝住, 好細心的, 賣相好靚, 入面原來係有鵝肝的, 立刻感覺好富貴呀, 不過鵝肝份量好少的, 一小粒, 食唔到甚麼味道的. 花枝丸好味, 我覺得唔加鵝肝, 成粒都係花枝丸仲好食.翡翠炒雙蚌, 西蘭花好青綠, 唔會好硬的, 好好味,

我自細就十分喜歡飲茶,一盅兩件好能吸引我,這天碰巧到荃灣整相機{係呀又整相機呀}放下*個仔*時間正好約車婆婆,公公嘆個下午茶~近近哋去海港燒鵝海鮮酒家啦!!{藥膳雞腳},略嫌藥材味較淡,可幸雞腳質感都煮得幾啱我口味,收貨啦!!車公公喜歡食粥所以叫碗{柴魚花生粥},粥底頗綿而且米粒不少,柴魚味亦很足,吃罷又冇口渴,很推介啊~坐坐吓見姐姐從廚房托了一盤{椒鹽蝦}落力哋推銷,看見隻隻光亮潤澤很不俗的樣子,即管要碟試試啦!原本以為D蝦不會太新鮮,怎料微辣的中蝦竟然異常彈牙而且鮮味十足呢!!大家有機會到來飲茶又有緣遇見的話記得要吃呀^0^而車婆婆就最喜歡吃{蘿蔔絲酥餅},這兒的出品酥脆不油,內餡富香濃甜美所蘿蔔味,味道與質感都十分討好呢~{潮州粉果}粉果皮較通透還以為會黏牙啦,但咬下又沒粉爛黏牙喎!!內餡有沙葛,花生及蝦米蠻足料呢,而且味道亦調較得宜可口非常喔~{布拉腸粉},坦白講米香就不奢求了,但腸粉質感頗滑溜,點上甜醬及麻醬來吃亦算不俗呢!!最後呢個&#

18-5-2016 (Wed)朝早,大嫂因要俾新買o既手機俾爸爸,就約我同爸爸三個一齊飲茶.由於我唔多舒服,所以遲啲落去,大嫂已經叫o左o野食,有:1. 點心拼盆有蝦餃,燒賣,潮州粉粿,奶黃包各兩件.我只食一個潮州粉粿.同好多酒樓一樣,味道唔係好夠,一般.2. 柴魚花生粥睇到個樣都知唔棉同稀,我o係唔知咩粥o既情況下撈吓撈吓,撈到舊黑色唔知咩o黎,搏命問係乜?大嫂答柴魚花生粥.我問咁呢舊係咩o黎?o岩o岩上菜o既亞姐答燒肉. 加舊燒肉落去?我舀一碗粥食,唔多覺柴魚花生o既存在,味道唔鹹.(後悔冇影低).3. 馬拉糕唔係黃色係淺啡色,味道有啲怪,我唔係咁鍾意食.4. 鳳爪排骨飯細細盅o既,我舀o左少少o黎食,排骨一樣夠味同腍,5. 齋腸粉呢o度有埋麻醬,咁我就食多o左,腸粉厚身不過夠滑,我差唔多食o左半碟.6. 煎堆仔我冇食到,因唔食得.7. 叉燒包冇人食過,之後爸爸將佢同食剩o既馬拉糕拎返屋企慢慢食.就我食過o既味道係2.2分價錢:唔知道,因大嫂搶o左張單o黎埋,不過分數係2.5分

又黎食蒸氣鍋，真系一流，今次系海鮮大餐，南非鮑大大隻，肉質鮮嫩彈牙，蝦大大隻又爽脆，牙拉斯加長腳蟹簡直一流，鮮味唔在話，仲啖啖肉，人小啲都食唔晒。牛肉，豚肉呢啲都幾唔錯，佢地既小籠包同糕點都系要推介俾大家的！唯一系服務有待改進, 可能我地唔係叫套餐,所以D野食上得有D慢, 有D侍應叫唔睬 扮睇唔到LAW

帶家人黎試下粥底蒸氣鍋,由於蒸氣鍋枱唔多 好快full 最好一星期前book!份量多...既麻又辣...必點餐前惹味小食 即點即燒...皮脆肉嫰 肉味香濃 肉汁夠多... 職員將珍珠米  排骨 瑤柱 放在鍋底 利用枱下的蒸餾水給水...之後我地就開始蒸蒸蒸喇....蜆又新鮮又甜 蒸雞 雞肉完全無味 好似無醃製過而雞肉食落太林龍蝦肉爽口彈牙 證明是新鮮食材 魚肉啖啖肉 既新鮮又滑 連我怕魚骨都大讚 骨肉分明容易入口 手打豚肉彈牙有口感 淡淡黑松露的味道 配手打墨魚丸 有咬口 好味 個花膠入口既冇味...又苦..不知道是否處理方面出現問題 紙寫蒸3分中...但個人認為蒸4分中 啱啱好 嫰滑全晚的精華所在 軟綿綿嘅粥 加上之前食物的精華不需加任何胡椒粉或鹽 粥已帶有甜味 …… 蒸氣鍋黎講...叫抵食啦...

今次同屋企人去左荃灣海港，叫左個招牌菜阿拉斯加長腳蟹，加埋叉燒加燒鵝。叫左隻八斤重既長腳蟹，用花雕蛋白蒸，無蒸過龍，蟹肉鮮甜！同花雕好夾。成家都食得好開心！燒鵝就比想像中一般啦，唔夠熱，可能食過深井熱辣辣個d所以覺得麻麻啦！不過隻蟹真係番尋味，下次會再叫多次

早幾日，我阿姨俾咗張「送清蒸海斑一條」嘅 優惠券我哋。於是……我哋果日就去咗荃灣間「海港」食晚飯，順便用埋張優惠券果晚……我哋 5:45p.m 左右上到酒樓。之後攞票等安排入座，因為果間酒樓要夠 6:00p.m 先會俾客人入座。首先我哋先叫咗個「高湯佛跳牆 $128」飲，味道好好，材料充足。之後……我哋點咗一碟「炒聖子」、「咕嚕肉」，仲有張優惠券送果條「青斑」。豉椒炒聖子：聖子肉太 un，煮得過晒火拔絲咕嚕肉：酸甜汁不夠，令味道太淡，D 洋葱太生。清蒸海斑：成條魚蒸得好滑，味道好好

大前日(29-3-2016 Tue)晏晝,同大哥大嫂爸爸飲茶食晏,我同大嫂冇食o野,幾肚餓吓,但我唔知大哥原來食o左o野,我o地就喪剔,我o地叫o左:1. 咸菜豬肚我以為唔辣,但都在少少,湯色就清,豬肚夠腍,咸菜可能已經煮出味,所以都唔咸喇.2.皮蛋瘦肉粥皮蛋幾多,粥都棉,唔太鹹,OK.3. 鮑汁鳳爪呢個味道好好,好好食,鳳爪有好腍同唔係好腍,應該係有新加同煮耐啲兩隻4. $13.00o既鳳爪排骨飯呢個價錢一定係唔係大盅o個隻,果然係一人份.呢個係爸爸要o既,但佢唔食鳳爪,夾o左俾我食.呢個覺得鹹,可能因為食過鮑汁鳳爪後,覺得呢個遜色啲.5. 點心拼盤.有蝦餃,燒賣,潮州粉粿,奶黃包各兩件,除o左蝦餃外,其他我都有食,燒賣正常冇問題.潮州粉粿皮過腍同黐,開頭冇乜味,但食食吓覺得有啲辣,唔怪得啲亞姐拎o黎時,唔使問人要唔要辣椒油.奶黃包我就差唔多最後至食,包皮厚厚地,奶兼唔太甜,亦唔太流心.6. $22.00o既南瓜天婦羅好大兜,但睇見顏色係有啲炸過龍,有啲就唔係;亦睇到炸粉唔似日式炸粉,蘸同上o既汁食,竟然係喼汁,有冇攪錯?炸粉係港式炸o野o個隻.咁呢個唔係天婦羅啦.7. 千層奶黃糕個

Happy Friday!! 又到開心星期五，突然發覺轉了工作後時間過得很快，珍惜每次和喜歡的人相聚的時間，這次便和好朋友來吃蒸氣石窩。先來個六人餐，除了這個餐外，也可以單點其他食物。店員先把米、排骨及瑤柱放入鍋裏，利用蒸氣原理煮成粥，也是吃到最後才吃粥的。然後便開始蒸食物，次序沒有限定。我們先蒸龍蝦，兩隻的份量，蒸了大概五、六分鐘，餐牌上有說明每款食物的蒸熟時間；龍蝦鮮甜，時間剛好，肉質彈滑，我自己覺得不點醬油也可以，味道已經很鮮美。安格斯肥牛出場，蒸3分鐘，但我們覺得還是有點生，所以再蒸1分鐘，肉質肥美，不會太「老」，建議蒸好後立刻吃免得肉質變「老」。左：松露墨魚丸，彈牙爽口，如果松露味多一點會更特出其味道。右：黑蒜豚肉丸，肉質結實，黑蒜味道不重。白蜆，略咸了一點。紅棗雲耳蒸鷄，這個很養生，紅棗配雲耳是最佳配搭，加上少許薑絲，減底寒涼。花膠，想不到蒸花膠也如此爽口，配上薑絲突出其味道。菜心及什菌，4-5分鐘，原來蒸菜也不錯，菜的水分還在，不會乾。魚：7分鐘，多蒸差不多2分鐘，不鯹、略嫌肉質不太嫩滑，勝在啖啖肉。最後便是瑤柱排骨粥，粥很「棉」，味道集合各海鮮的味道，如果不喜歡太油膩，

二月 到底食左幾多餐開年飯呢😅😅😅今晚又要食開年飯 㨂左海港嘅套餐 好豪啊😂陰公豬仔外皮烤到脆卜卜 肉質唔太肥而且好嫩👍🏼龍蝦同伊麵都爽口彈牙👍🏼👍🏼外層炸到金黃色 入口非常香脆 中間嘅蝦膠勁彈牙👍🏼 燒鵝王 外皮又薄又脆 肉質juicy嫩滑👍🏼👍🏼👍🏼海參花膠扒翡翠 花膠嫩滑 海參軟林 超多骨骹原😍 足料海鮮炒飯 鮑魚粒 蝦仁 尤魚粒等等米粒吸收晒海鮮嘅精華 香味十足 入口粒粒分明👍🏼 比較令我失望嘅翅 略嫌太杰⋯龍躉蒸得有少少過火 肉質變硬了⋯總括 呢餐開年飯真係好豐富 好滿足同好飽😊

12月22日做冬, 正日揀左呢間酒樓食晚飯, 都好多人, 爆場呀. 我們叫左一個十二人的套餐, 有乳豬全體, 但隻豬好似俾人切開左兩半咁, 點解咁細同咁怪既, 味道係好味的, 夠香脆, 同埋唔會好肥的. 竹苼海皇燴生翅, 賣相都幾吸引的, 好多竹苼呀, 味道都好味, 唔會好咸呀, 都有一些海鮮, 有蝦的, 同埋有翅的. 足料呀.翡翠珊瑚炒花枝片, 好大碟呀, 好多花枝片及珊瑚蚌, 仲有紅椒, 黃椒, 西蘭花, 花枝好爽, 珊瑚蚌都係, 西蘭花好味, 夠清綠及爽甜的.上湯焗波士頓龍蝦, 這個份量唔少, 有三斤的, 賣相都好吸引, 味道都好好味, 好爽口, 又甜呀, 伊麵好味, 吸晒D汁, 好正, 龍蝦啖啖肉呀.脆皮醬燒雞, 雞都好香脆, 惹味, 好味, 又唔肥, 啖啖肉呀, 個皮燒到好金黃色的.蠔皇金錢扣鵝掌, 鮑魚及鵝掌, 好豐富呀, 鮑魚唔係好大隻, 都好淋身入味, 鵝掌好大隻又入味, 好味道.金菇瑤柱扒雙疏, 豆苗好味, 好多瑤柱呀, 好好味. 清蒸沙巴龍躉, 一條的, 魚肉夠晒滑身, 好味, 個汁有些辣椒, 夠惹味呀.紅棗糕及柑, 紅棗糕都OK, 熱辣辣的, 因為出菜的次序不是順

實在唔好意思...呢間海港係我同屋企人成日食嘅地方..大時大節又好...一家人唔煮飯又好..都會係呢度...但次次都冇寫過食評...今次同朋友食...真係要寫下..荃灣海港真係好味...又大碟又抵食..花膠杞子雞湯 一個夠5個人飲有多...D料唔少架...睇落都有1/4隻雞..花膠3-4舊左右啦..夠味老火湯...基本上唔駛多介紹都知係咩味道叫左個小食 麻辣鴨舌 初初食唔覺咩味...食多2舊就FEEL到 條利愈來愈麻 ...椒絲洋蔥炒花甲  花甲食落就知新鮮...個茨汁甜甜辣辣..開胃...蜜汁叉燒 叉燒半肥瘦...上碟係暖暖地..加個瑤柱荳苗 好多瑤柱 加上荳苗呢個時間食啱啱好...食落唔老唔會有渣...上湯魷魚圈西洋菜  上湯有個好...冇咁油...芝士龍蝦鳥冬 原隻波士頓龍蝦 雖然唔係話啖啖肉但芝士味搭夠 ...烏冬如果選用稻庭烏冬的話..會好食好多海港燒鵝半隻...呢間海港出名係燒鵝..唔食係對唔住自己..佢即叫即做..皮脆肉嫰..食唔停口架...$188/斤阿拉斯嘉長腳蟹..自己出去揀..揀啱邊隻..侍應會問你想清蒸定旦白花雕酒蒸...我地揀左旦白花雕酒蒸..今次廚師失左手.

一行7人做冬, 好彩一早BOOK定位,如果唔係實有排等,食海港最好人多, 因為碟碟都好大碟,叫左燒鵝, 龍蝦麵, 長腳蟹, 炒芥蘭, 大元貝, 同埋黑松露蠔,個人認為海港既燒鵝好食過深井,多汁肉又唔鞋,長腳蟹超抵食, 188一斤,大大隻又鮮甜, 最好清蒸,龍蝦依麵, 好足料, 但價錢都好似只係二百幾,炒芥蘭正常啦,黑松露蠔, 其實食完一隻都有D飽,大元貝好大隻, 但D肉又好細粒, 有3舊7個人, 眼寬肚窄, 叫太多食唔哂,唯有打包D長腳走

近期海港的衛生好像差了一點，無論是在大圍美林村的海港，或是這次荃灣大鴻輝中心的海港，衛生 － 特別是食具真的有點髒，令人深感失望。點心或各款食物質素可以接受，但毫無過人之處。香煎芋餅頗香脆可口，但芋頭味道並不足夠，整體的油膩感很重，那油味更遮蓋芋頭的香，非常一般。蠔皇鮮竹卷的醬汁過多，滿滿的蠔油完全掩蓋了鮮竹卷，由於腐皮非常吸汁，所以整體非常非常膩，而且過甜。蘿蔔絲米網腸: 腸粉內有香脆的米網包著蘿蔔絲，蘿蔔絲甜而爽口，可惜味道偏偏與米網腸並不配合。而且一點肉也沒有，非常素，整體不好吃，中伏!鳳爪排骨飯好吃全因海港調製的甜豉油，令整個排骨飯更香甜，可是飯粒過濕，質感輸掉。