7
2
3
港鐵佐敦站 A 出口, 步行約2分鐘
電話號碼
2385 8863
付款方式
現金
食評 (12)
入門食家 2016-02-16
867 瀏覽
公司黎食春茗開年飯,真係未食過一間酒樓咁無質素,一係咸,一係無味。先黎係乳豬海哲, 乳豬可以又凍又咸皮唔算太脆,得個肥字,而海哲除左油就係油,無味可言。之後開始亂咁上菜,第2道已係蝦球伊麵,但伊麵完全係碎濕濕,夾都夾唔到. 蝦又唔新鮮,成碟野完全無味。橫財就手發財好市炆鵝掌,D冬菇厚身但係硬既,個底用生菜墊高,但係煮到林晒,成碟野得個蠔油茨有味,一個字咸。清蒸珍珠班係好大條,而且好厚肉,不過蒸到過左時,香口膠咁刃。上菜之前應該放左一陣,就連清蒸既豉油香味都無,蔥薑又唔多,唔知自己食緊咩。個翅得個咸字,無野想講。之後就炸蟹鉗同炸子雞一齊上黎,炸蟹鉗都炸得幾靚既, 不過入口成團粉,無味。炸子雞凍既,食唔落口。個糯米飯食水都唔夠,淺啡色,仲要濕既痴埋一舊舊。個壽包好重手,入面蓮蓉太多,個個都話似食月餅。成餐飯,都唔知自己食左咩落肚,無一樣野值得讚。食到後面想搵個阿姐加茶都無,招呼差到咁,我諗唔到下次仲要黎幫襯你囉。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2015-12-11
783 瀏覽
今次同學聚舊,秋天到他選擇火鍋於是約左係海洋地方好近地鐵站出口,行幾分中就到去到門口店員安排入座,足夠空間感,座位整潔又舒適店員先奉上醬料盤:辣椒,蔥花,生蒜,乾蒜先調個混醬,先點個湯底吧,煙央湯底沙爹好夠濃味再點火煱料:手切牛肉質鮮嫩,油花分佈均匀,牛味比較重全熟仍保持不乾不韌帶子勁大隻,又爽又鮮甜兩個人食得好滿足象拔蚌刺身是我吃火煱必點的喜歡它的勁脆口感!點了些蔬菜,餃子,響鈴總括來講環境舒服, 食物質素也不錯值得一讚是這兒的服務很好,店員經常為我們加湯煙央湯底話多皮豆就多皮蛋,沙爹湯加水後亦加沙爹醬 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-01-22
1230 瀏覽
有同事調職,攪餐大圍飯歡送,其實自己唔鍾意食酒樓大圍飯,菜色未食已經估到係乜,味道又唔會有驚喜,去酒樓只不過係貪地方好坐,平平地食餐晚餐!今次呢間係同事介紹,話味道唔錯,菜色唔會好公式!去到只係普通酒樓格局,比咗一間梗房我們兩圍!但間房比較窄,兩張大枱之後只可以放多一張麻雀枱!可能今晚都多人訂房食飯!所以就迫啲!席前有一個侍應招呼!阿姐好勤快,幫手換茶添水兼唱錢!好helpful! 鴻運脆皮燒乳豬全體:皮夠薄夠脆,乳豬唔肥,唔點醬都好味!海蜇煙韌!汁料清爽!金沙撈起大海花蝦球:薄咸蛋黃包住爽口蝦仁,味道咸香,食唔停口!彩虹腰果炒花枝片拌蚌仁:西芹爽口,花枝片較韌,蚌肉煙韌唔腥,腰果仁香脆!好味道!鮑汁金錢海鮑片扒豆苗:鮑汁香濃,鮑片炆得入味煙韌,冬菇厚肉淋身,豆苗嫩兼爽脆!好味道!原盅蟲草花燉龍躉頭骨湯:燉湯足料,湯好清澈,味道濃郁,充滿膠質!湯料另上,蟲草花煙韌清甜!清蒸生猛大海珍珠班:條魚好大條,魚肉正常,不過黏骨!出色在魚皮彈牙,豉油清爽微甜,青蔥好嫩爽口,夾埋一齊食好味!魚湯什菌浸新鮮冰菜:魚湯清甜,第一次食冰菜,好爽甜,質感得意,雜菌煙韌兼索晒魚湯,好味道!籠仔臘味蒸滑雞飯:大竹籠上菜好吸睛,用荷葉包住滑雞臘肉蒸飯,個飯粒粒分明,索晒雞肉及臘肉嘅精華,雞肉滑,唔會好咸,臘腸唔肥幾有咬口,唔錯!極品流沙包:一籠兩味,奶黃漿會爆漿,好重咸蛋黃味,比較膩,吃時會流滿一地,要小心處理! 發財馬拉榚:好鬆軟,好輕,唔會過甜,唔膩!食到咁飽都忍唔住食咗兩件!椰汁紅豆榚:兩層紅豆加兩層椰汁榚,好足料,椰汁榚滑,紅豆煮得透,好甜糯!好味!新鮮水果:普通切橙,我唔鍾意切橙(因為啲纖維會攝晒入牙縫)食一舊,都幾甜!侍應好上心,我住上菜位,加上房間空間有限,人人走來走去,阿姐都好上心睇住,提住我哋小心!上菜加茶都好勤快!仲要有禮貌嗰隻!值得讚!廁所闊落,設備齊全!呢度雖然環境一般,但食物服務搭夠!可以再來! 繼續閱讀
(以上食評乃用戶個人意見 , 並不代表OpenRice之觀點。)