106
25
49
港鐵荃灣站 A1 出口, 步行約3分鐘
所有分店 (2)
電話號碼
2498 6828
開飯介紹
大受矚目的日式放題第三分店開幕 繼續閱讀
營業時間
星期一至日: 11:30-23:00
付款方式
Visa Master 現金 銀聯
座位數目
170
其他資料
Wi-Fi
酒精飲品
電話訂座
加一服務費
電視播放
提及此餐廳的食評 (201)
新晉食家 2016-07-12
842 瀏覽
認識浦和放題已經有一段不短的時間,緣起於一班好友的飯聚。有一次,我們為了要"坐得耐",又不用擔心其中一位特別大食的朋友叫了超出各人預算的帳單,異口同聲要選擇放題或火煱。那時候,我們知道的無限時放題,除了灣仔的銀座藏人,就是浦和。衡量了各人的地區和回家路線,於是決定了在浦和飯聚。自此,浪子就三不五時會在浦和吃飯,不論是大伙兒還是三倆人。浦和雖然不是香港第一代的放題食肆,但還算是其中較有特色的。他們的最大賣點,就是無限時放題和有清酒梅酒任飲(而且不另收費)。另一賣點,是食物出得很快,侍應跟得很足。服務員的速度很快,但又有條理。最難得是他們收碟和清理檯面是很有效率的。服務態度良好,你會覺得每個服務員都很親切。其中一位好像叫"櫻濠"和"家樂"的負責我坐的那個區域,服務態度真係好得令人驚訝。食品和飲品主要都可以在餐紙中看到的。選擇算多不多,但也不算少。刺身,壽司,串燒,火煱,天婦羅都齊全。論整體,食物都在一般放題的質素,部份會較一般放題好。刺身方面不算太多款,控制在10款左右,但每款都幾好食。尤其三文魚如果出腩的話真的好好吃。吞拿魚也是浪子的至愛。壽司方面,花之戀係浪子其中一個推介,飯不多。其實這兒的壽司的飯是比較細件的,猜想是不想覺得有欺騙客人"質飽"之嫌,又怕有些客人乾脆丟了白飯不吃,白白浪費食物。所以他們都將飯弄得較少就大家開心。我發覺沒有之前有評價說的海膽壽司,只有海膽手卷。而且飯的比例也是平均的,不會只有少許海膽卻弄一大舊飯的情況。如果想試埋火煱,這兒是免費附送的。但個爐是你要叫佢先佢嚟。感覺上都幾fair。像浪子喜歡只吃刺身和壽司的這天,我就沒有叫火煱回來了。順帶一提,如果叫了火煱的話,牛肉是剔才會來的,外邊只有一些丸,菜和麵你自己添加的。以下也是浪子吃過覺得好吃的東西。焗蠔是必試,雖然蠔不太大隻。前菜也是很好吃和夠凍。軟殼蟹米紙卷應該是新推出的,浪子和家人encore了兩次。覺得這個很有誠意,而且做得好好吃。老實說,以這個質素和賣相,6件在外邊已經可以收你$68-$88了。炸物也在水準之內,但未見驚喜。不過正如朋友話齋,一家店一定有殺食食品,和普通的食品。串燒方面,浪子覺得雞軟骨燒得最好,雞翼和燒鯖魚都做得很有水準,比起炸雞軟骨好吃(同一批材料)。浪子認為燒物的師傅應記一功。價錢方面,比起港島區那邊是很便宜,就算是與旺角和銅鑼灣比較也是收費較為合理的。無限時(其實即係5小時,整個晚市時間)都不過比限時多20-30元,卻可以不用怕食個半就話last order催促埋單。如果與朋友嚟這兒吹水傾談,任得清酒梅酒的話,這兒真是一個好好的地方。 繼續閱讀
新晉食家 2016-05-25
3916 瀏覽
講越荃灣力生, 真係又愛又恨! 由細睇住佢由最盛世的三仔四仔電腦電子商場, 變成依家成間菲律賓共和國咁。地段超優越, 由荃灣MTR行過去, 1分鐘必達。落雨仲唔使擔遮。但點解淪落到依家咁既樣?! 管理公司同消防署真係要認真檢討下!話說回來, 星期六泊低架車係路德圍, 臨時CALL住附近既朋友一齊去開餐。本來想搭電梯, 點點兩部都停開!!! 於時行唯有扶手梯臨時"出境"經菲律賓共和國上去啦。一樓條通道尚算OK, 難得仲唔使人逼人, 可能時間尚早。一上到2樓, 差D出唔到扶手梯, 因為間銀行排哂長龍, 頂住個扶手梯出口位, 要大聲叫借借先出去....咁, 都無人來管下, 管理公司做咩架?!呢個位經典囉!!!!! 兩間最受歡迎舖頭一左一右, 叫人點轉上去扶梯?! 幾經辛苦上到去浦和, 門面裝修其實都幾花心思。可惜如果唔係兩部電梯都壞, 有幾多人願意經過呢過門入去呢? 想想樓下人逼人就煩!一入口門, 就有店員醒目地歡迎, 並主動話唔好意思, D電梯壞哂! 窩心, 抵讚!!而且成間舖一眼望去, 都幾多靚仔店員, 甚有韓風。被安排坐係近窗位置, 望住新之城條行人天橋人來人往, 幾寫意。任食放題, 開餐一見到個拼盤, 掛住食, 食到一半先記得影相。所有野都超級新鮮! 尤其愛三文魚腩同鮑片!!!! 正呀!!!壽司都好多種選擇, 而且件件新鮮即做, FEEL到有誠意。新鮮部份新鮮好味, 飯都米香四溢, 唔講以為置身高級壽司店。天婦羅品稗亦好多, 總會有幾樣岩心水。而且熱辣辣, 唔係預先做好的。最估佢唔到既係有燒三文魚鮫! 燒鯖魚亦好味, 而且啖啖肉! 加埋檸汁一齊食, 一流!仲有日本清酒/啤酒任飲!!!!!!!!!!! 可惜今次開車, 唔飲得。下次來一定飲餐飽!百幾元既價錢, 食到呢D高質素既食物, 真係一大發現。仲自認係半個荃灣通, 估唔到力生上面有間咁高質素既日式放題, 默默地守候。我敢講, 如果唔係力生個場俾人印象太差, 好多人諗起就卻步, 浦和一定係區內大熱。希望商場管理公司真係做好D, 消防署亦快D巡巡 (D通道被阻塞到咁, 都得??!!)。如果要為今次打分, 由地下行到佢大門口一定遠低於合格分數。但一入大門口至埋單, 無論店內環境, 食物質素以致服務水平, 都係一流! 我會打90分! 下次諗起食放題, 一定會諗起浦和! 繼續閱讀
卓越食家 2016-07-14
198 瀏覽
久未到浦和吃過午餐,原來現在午市有新增設的沙律吧,提供不同的新鮮沙律菜,湯,糖水,不用放題,午市套餐也可享用沙律吧,最便宜炸餃子拉麵套餐$43就有交易,可算是極之抵食。軟殼蟹卷定食 配 牛肉烏冬 $628件軟殼蟹卷份量驚人,清新醇厚的壽司飯中包著炸香的軟殼蟹,口感軟糯香脆,雙重口感,極為滿足。牛肉烏冬是迷你份量,對於女生,一份卷物足以飽肚,但依然要稱讚烏冬軟糯中帶少許煙韌,可以一試。日式牛肉火鍋 配 白飯 $58相對於平時的打邊爐,日式的sukiyaki更令我傾心,甜醬油湯底配搭脂肪均勻的牛肉,吃時沾上生蛋汁,入口味道更為順滑香甜,牛味更為清香。配上蔬菜和葛絲,是美味又營業均衡的午餐。午市的人流比起晚市顯得清靜,不過員工服務保持一貫超班水準,值得讚許! 繼續閱讀