2
1
0
地址
(非門市)
電話號碼
2453 3203
營業時間
星期一至日:09:00-21:00
付款方式
現金
其他資料
電話訂座
外賣服務
招牌菜
家鄉盆菜
食評 (4)
見習食家 2013-02-19
904 瀏覽
今年新年開年飯,如往年一樣,一大班人食盆菜!之前幾年為方便,會叫大家樂,大快活.......總之係個類既盆菜啦!因為每年都會訂一隻乳豬,所以對個D食物都唔會有咩要求!家姐本來今年又想幫襯大家樂,佢話唔想咁麻煩喎,經我極力反對之下,我話不如試吓正宗圍村盆菜啦!佢話好!不過條件係要我搵!距離年初二唔夠一個星期,係三五日內要辦好呢件事,我唯有半夜用三個鍾頭,不停上網睇資料睇食評!經我分析過之後,最後我揀咗"洪運",心諗,博一博啦!佢雖然有網友話個佢漏單,不過我都信佢既!打電話落單,個位關小姐態度都好好,我同佢講記緊唔好漏單呀,仲有我要傳統果個係無蠔鼓既,我想加錢要,佢好老實,講比我聽咁樣仲貴咗,最後就約時間喇!佢地個送貨時段係4:00---7:00,的話可以安排晏小小嗎?太早D人未返到呢!當日差唔多5:00,佢地就送咗黎大埔,雖然比我想像中早咗D,算吧!返到屋企,差不多開飯,一家20人,一隻乳豬,另外我地自己加鮑魚,煎蝦碌,主角出場:圍村大盆菜,打開張錫紙,香噴嘖,熱辣辣.我地將個盆原封加熱,一個字"正"!D豬皮,豬腩好入味,蝦同雞都新鮮,個個讚不絕口.......!我仲比屋企人高度讃揚,今次威晒!我地下次一定會再幫襯,因為實在太好食同抵食啦 繼續閱讀
(以上食評乃用戶個人意見 , 並不代表OpenRice之觀點。)
卓越食家 2012-09-26
629 瀏覽
有人介紹, 叫我做節不如食盆菜, 懶懶又唔駛出街, 又唔駛叫老人家去到要等, 咁好的提議, 當然好啦 !擇左「傳統圍村大盆菜」咁呢款都唔錯, 有十幾個菜式我地一家最喜歡就係上湯煨蘿葡- 蘿白吸受所有餱菜既味道令到味道更為突出.南醬煮豬皮都又係吸味食物之一, 豬皮本身加上南乳醬好香但又不會太咸.圍頭五味雞睇到個名就好吸引, 點知食落味道似白切雞咁又無所謂既5味, 幸好雞肉尚算滑.明爐燒米鴨, 我覺得麻麻地反而家人就讚不絕口, 我覺得D鴨偏肥又油, 所以食左一件就放棄茄汁煎大蝦, 蝦夠大隻又彈加, 另外我自己喜歡既就係圍村燜腩肉一層肉一層肥, 入口甘香其他既菜式如肉汁燜枝竹,蠔皇燴北菇等都唔錯整體味道不錯, 始終大匯集, 汁味比主菜有時更好食. 繼續閱讀
(以上食評乃用戶個人意見 , 並不代表OpenRice之觀點。)
新晉食家 2011-02-03
535 瀏覽
超火滾,年初一,子子孫孫回到家與爺爺嬤嬤拜年,開開心心等食盤菜,結果由中午十二點等到三時,才話送漏了單,其實我由一點已開始致電查問,一直都只回答已出車,等吓就到,等到二時半,最後比司機電話叫我自己聯絡,致電司機話無喎,一家十幾人的團年午飯,變了食糕點,隔夜菜及外買pizza!!!! 超火滾呀…年初一呀….好遺憾…老人家仲有幾多個年初一呀…!!!!!!?????? 咁樣做生意有無理吓人感受㗎…???? 繼續閱讀
(以上食評乃用戶個人意見 , 並不代表OpenRice之觀點。)