37
15
8
港鐵天后站 A2 出口, 步行約3分鐘
電話號碼
2571 2287
營業時間
星期一至日: 11:30-23:00
付款方式
Visa Master 現金
座位數目
80
其他資料
酒精飲品
自帶酒水 詳細介紹
切餅費 詳細介紹
外賣服務
加一服務費
招牌菜
泰式海南雞飯 蝦春卷 薄餅
食評 (64)
入門食家 2016-07-20
478 瀏覽
天后真係好多野食, 今日就黎呢間泰好味試下佢有幾好味lunch 時間黎, 人唔算多, 比起豬仔返工果邊, 真係舒服又好坐, 食完仲可以傾陣計添喇沙湯底的牛肉米線(俾我轉左金邊粉)味道十足, 香濃的椰汁味, 又加上豆卜吸上唔少既湯汁, 好味牛肉同茜芽菜份量十足, 岩晒豬仔食肉獸 繼續閱讀
(以上食評乃用戶個人意見 , 並不代表OpenRice之觀點。)
入門食家 2015-12-31
1536 瀏覽
行完工展會搵地方食飯,諗住天后一帶應該好多野食,但行完條街都無乜心水,最後見呢間「泰出色泰國餐廳」入面都幾多人,應該唔會太差卦,所以就入左去。餐廳唔算細但d位就有d迫,可能擺太多枱啦。食物種類都幾多既,但兩個人又唔敢點太多,最後點左:青咖哩雞:無乜咖哩香味,唔辣,味道偏甜,而且佢係用平時果d茄子唔係圓形細細個果種,感覺好似唔夠正宗。肉碎生菜包:明明餐牌寫住一隻辣椒但又係一d辣都無,生菜同肉碎放埋一齊,面頭果幾塊生菜都仲爽脆,但底底果幾塊已有俾肉碎D汁浸林晒,一拎上水已經滴晒水 -_- 味道方面,肉碎加左好多青檸汁,酸酸地都OK,但呢個擺法實在不太好。香油酥餅:一客三塊要38蚊我覺得有少少貴,上菜既時候非常熱應該岩岩出爐,不過又唔覺得香。。。。泰式蝦春卷:呢個賣相幾好,而且亦都係非常新鮮脆卜卜,外皮夠香口但入面既餡就無刎特別,其實就係平時飲茶食既春卷但多左條尾囉。最後兩個人食左三百幾,其實又唔算貴,但食完又覺得無乜滿足感。食物無特別,唔係難食但亦唔會令人印象深刻,下次應該唔會再去。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-11-27
1215 瀏覽
平常我是很少過港島的,到過天后的次數十隻手指都數得晒,是晚由於慶祝朋友生日,朋友們提議到這間泰國餐館,我又到訪這個區域。餐館其實距離天后港鐵站只有約五分鐘路程,入夜後的電器道人流依然暢旺,但可能因為平日關係,晚飯黃金時段餐館都還未滿座。泰式鮮蝦青木瓜沙律($58)雖然我自己不喜歡吃木瓜,但泰式的青木瓜沙律可算是其中一樣我最喜歡的泰菜,它酸酸甜甜的味道是最好的開胃菜。這裡的青木瓜沙律份量都不算少,除了一般的青木瓜、花生和生菜外,還加了大蝦,蝦肉結實爽彈,頓覺性價比高了不少。泰式炸蝦餅($58)炸蝦餅一碟有八件,份量算可以。每一塊蝦餅都炸至金黃色,入口脆卜卜,但炸漿不算厚,入面的蝦肉同樣爽彈,蘸酸甜醬同食,令人回味無窮。沙嗲串燒(豬/雞)($58)沙嗲串燒有豬牛雞選擇,由於有朋友不吃牛,我們就只點了半打豬和雞,每樣各三串。無論豬肉或雞肉串燒,肉質都不會過韌,蘸沙嗲醬佐食,非常惹味。泰式海南雞飯($55)這裡的海南雞飯價錢跟出面差不多,但雞的份量比一般吃到的都算多。海南雞嫩滑程度雖然不能跟新加坡的相比,不過都算不錯了,蘸上醬油佐食,味道絕對合格。椰汁青咖哩牛腩($58)青咖哩呈青草綠色,顏色非常吸引,奉上時飄來陣陣椰汁的香味,令人未食已經食指大動。個人不喜歡吃牛腩,所以沒有試,青咖哩味道略帶微辣,椰汁味濃郁,非常惹味。油酥餅($20)青咖哩當要配油酥餅,油酥餅餅身非常鬆軟,一層層的酥皮,跟青咖哩簡直是絕配。泰式大蝦金邊粉($60)金邊粉質地微彈,內有大蝦和炒蛋,味道酸酸甜甜,非常好吃。 繼續閱讀
(以上食評乃用戶個人意見 , 並不代表OpenRice之觀點。)