129
51
14
港鐵旺角站 E1 出口, 步行約1分鐘
電話號碼
3188 9161
開飯介紹
【沙嗲王】集團餐廳於1991年創立,經營已有15年歷史。02年重新裝修、用新派設計如木製浴缸、監獄、馬槽、睡床及馬車輛椅等傢俱,店舖整體形象概念及裝修設計亦較為年輕化。 繼續閱讀
營業時間
星期一至日: 11:30-23:30
付款方式
Visa Master AE 現金 銀聯
座位數目
266
提及此餐廳的食評 (209)
卓越食家 2015-05-05
400 瀏覽
本身同朋友一心打算去沙嗲王,就search左open rice,其實係想去另一間,但錯有錯著,去左呢間好高質既餐廳!呢間餐廳無特定既國家特色,咩類型既茶式都有。係呢到食野,總體評價都好好,唯一失望既係,我叫左3-4樣菜式,都無曬!但轉左其他,都好滿意!泡菜炒年糕我十分十分鐘意既菜式!佢酸酸地,年糕炒到幾入味,辣辣地,好開胃!佢泡菜都落得好多,絕無偷雞架!鰻魚炒飯佢一放低個一下,已經聞到香味!都算幾大碟,都唔係太食得曬。入面有好多鰻魚肉,食落好有口感,超好味!但如果再咸多少少就好。炸饅頭佢炸得好香脆,外脆內軟,但又唔係炸得太乾身,唔似食餅乾!我既食法,係將饅頭撕開一半,用泡菜夾住黎食,一流呀!炸蝦卷呢道菜就不過不失啦!同一般食到既炸蝦卷差唔多,但抵讚既係咬落啖啖都係蝦肉!光芒四射呢杯野飲都幾抵飲!好多芒果肉,有芒果沙冰,又有珍珠!名正言順光芒四射!食品質素就非常滿意,唯獨侍應成日都聽唔清楚落單既野,要重複幾次。不過都會再幫襯! 繼續閱讀
新晉食家 2015-04-28
372 瀏覽
今日因同朋友過開去MK買電腦野,又諗唔到有啲咩求其得黎近, 快, 靚, 正, 唔使等位 ,又一定唔伏嘅野,就satay king 喇~ 蟹肉豆腐石鍋飯,今日比較冷,食熱野比較正~ 味道有好濃的蟹粉味,亦都見到有蟹肉,豆腐亦都好滑,同濃濃的蟹味配合係無得輸嘅 避風塘炸豆腐又係好好味,我朋友就特別欣賞果啲一粒粒嘅"避風塘" (唔知果啲係叫咩 ),好香口又有少少辣,幾開胃 由於近期食過人和豆品店的魚肉豆腐,好自然要比一比,了開豆腐入面,satay king的係比人和的更"成件"無咁散又滑啲,心想可能人和果啲係自家制,satay king係買X福/百X果啲現成豆腐,所以唔同。satay呢隻豆味都唔重,但勝在滑身。 巨峰綠茶蜂蜜爆爆珠,爆爆珠好得意,一口咬下去即有好重的蜜糖甜味,令到一杯野飲有三種味,出面有淡淡的巨峰甜帶輕酸味,夾雜了綠茶少少的茶澀味,再動口咬出蜜糖甜味,的確不錯的飲品體驗同層次 ,呢度有啲驚喜的感覺 繼續閱讀
入門食家 2015-04-17
435 瀏覽
今日請咗半日假來陪小表弟!實質係要凑小朋友 係旺角食咩好? 就腳的來食物又不錯, 梗係沙嗲王啦。絕對要Order的蟹黃豆腐煲 !!好食到不得了~ 配個 "靚仔",2者配合可以成就一個"超級靚仔" !香濃蟹味, 豆腐香滑,仲有惹味既醬汁,淋上白飯一齊食, 味覺既享受啊! 對! 無相嘅!仲有當然係招牌菜白咖哩豬扒飯,保持的水準還真有他的方法, 咖哩不辣比較甜, 又送一個"靚仔", 豬扒炸得剛剛好, 香口得來又唔會"窿"!   對! 都係無相嘅!無相係因要照顧個人仔, 食物一上便要吃了~  讚呢 繼續閱讀