27
18
12
電話號碼
3152 2328
營業時間
星期一至日: 11:30-23:30
付款方式
Visa Master 現金
座位數目
65
其他資料
電話訂座
加一服務費
招牌菜
雲吞麵 豬潤粥
食評 (63)
入門食家 2011-10-09
星期六食晏(當時都二點九lu-其實係下午茶至o岩XD) 去o左試o下正斗~完全唔哂等位~入到去唔係坐滿人~地方夠哂光猛~環境唔錯亦都非常乾淨~但略嫌我o地坐ge位置有少少凍je~d 侍應服務態度都好nice~好爽手咁斟茶~之後都好醒目自動加茶~唔駛出聲~我o地三個人~叫o左三個午市套餐($53.00/人) -由十二點供應到三點, 勁抵~另外加一杯紅糖薑茶~o個套餐有個湯, 兩頁菜單度任揀一個餸(選擇算多^^), 跟個飯/湯河/米/粥, 仲有一個甜品~先o黎一人一盅湯 - 陳皮荷葉冬瓜豬展湯~o個湯好正~好香陳皮味~味道唔係好鹹~但好有湯味~有種屋企阿媽煲ge feel~完全無味精~gd~上菜速度快~可能因為呢個時段唔係太多客o卦~夜晚就唔知道la~我o地叫o左海鮮滑豆腐, 真係好滑~同埋d 味道清淡得o黎又唔係無味o個種, 加上d 海鮮好嫩: 蝦, 魚, 帶子切到細細粒, 同埋豆腐一齊食~好正~雞絲扒西蘭花~呢個味道ok~不過d 雞絲就有雞皮痴住~如果無d 雞皮ge話會好好多~另一個係紫蘿豬豚肉~味道有d 似咕嚕肉~但無咁濃~清好多~唔油膩味道酸酸地又有少少紫薑ge辣~好醒胃~我o地跟o左一個飯, 一個粥同一個米粉~o個粥真係好綿同埋唔怕食到尾會水米分離, 堅有瑤柱味~正~不過杯紅糖薑茶就無乜甜味~有d 苦~同埋真係太過辣~好鬼多生薑~辣到喉嚨好鬼哽~如果食得好辣ge人應該頂到ge~終於甜品上場la~二揀一: 蕃薯糖水 vs 腐竹糖水每樣都揀o左一個~先講蕃薯糖水la~薑味好夠~辣o左d~蕃薯夠腍唔怕硬的的~我無試到腐竹糖水~問o左食o個個~佢話味道清甜~仲有薏米o係入面~煙煙un un~好正~叫我o地下次值得試呢款~總括o黎講~可能呢個時段人流唔多la~侍應招呼同上菜速度ok~環境乾淨~食物味道亦都清淡唔油膩~都幾抵食~ 繼續閱讀
(以上食評乃用戶個人意見 , 並不代表OpenRice之觀點。)
殿堂食家 2011-09-02
看到昨日報紙頭條說這間米芝蓮食店出品的油條內加有硼砂。登時讓小弟想起多月之前與太座在這分店的一席飯....那夜幸好沒有吃油條。取而代之是一席所謂抗通漲優惠價的九大盞宴而已....六時多左右已就座。趁小友還睡得正甜,兩口子馬上嗱嗱臨扒多兩啖飯,吃多兩箸菜吧....九道菜連湯及甜品都只是盛惠一九八大洋,真是夠便宜抵食....不過好處也只是僅此而已....松茸菇燉豬湯色水頗深,燉得算夠火路的,味甜。算是九道菜內最似樣的...生炒骨獻汁稀得可以,刺鼻又太酸;肉不脆亦太瘦;油淋淋的更是致命傷...美極斑塊你我在家也可弄出來。斑件是夠淰,但本身是一點魚味也欠奉。美極汁味是極霸道,用來配白肉根本就不合襯。再者店方弄出來的又是太油太膩。又是一度令人失望的菜餚....醬爆牛仔骨是甚惹味的。牛仔骨肉是預料中的事先用化學物招呼過的,不過勝在煎得帶焦香,所以也吃得過....光是看那半透明又杰撻撻質地的獻汁已倒了胃,再加上荳腐又只得個滑字但又欠荳香的時候,這道百花蒸釀豆腐,看來又是要靠邊站...翅湯浸生菜的那個湯底是一點味也沒有的....麵條是這裡響朶之作,吃起來也覺對版的,起碼去鹼的動作做足功夫。伴湯的味也很濃;如果薑及葱可以多些,那就可以一躍而成為九道菜中最美味之作已....炸脆麻花勝在新鮮現炸現吃,但論鬆脆程度,比起"利苑"的還差一大截....蕃薯糖水一向甚得小弟歡心。這兒弄出來的甜度有點不足,不過蕃薯夠淰,薑味也足,算是收貨了....吃完後只有一個感覺 ---- 就是一個"抵"字。若說味道,可就有點不敢恭維... 繼續閱讀
(以上食評乃用戶個人意見 , 並不代表OpenRice之觀點。)
新晉食家 2011-06-14
比個米芝連吸左入去, 發現到有個好犀利的九大簋餐二人份... 兩個人都食到九大簋? 即刻衝入去試下咩料子...好正氣的老火湯食得出唔係一大舊炸粉, 好咬口都好入味塊魚魚好正~~好嫩好入味好鬆軟亦都充滿牛味較清淡的一味好彈牙翅湯浸時蔬 ←這個沒有入鏡, 不過都是很有質素的一味好鬆化啊!好味啊~ 不過這不是屬於冬天的糖水嗎每樣細細份咁兩個人都食到九大簋喇 繼續閱讀
(以上食評乃用戶個人意見 , 並不代表OpenRice之觀點。)