35
24
19
電話號碼
2472 3450
2472 3680
營業時間
星期一至日:11:00-22:30
付款方式
Visa Master 現金 銀聯
其他資料
酒精飲品
電話訂座
加一服務費
電視播放
食評 (81)
見習食家 2016-03-25
1608 瀏覽
好耐冇食過海鮮,同家人在流浮山丶三聖同西貢之間作出天人交戰,最後揀左流浮山😁之前公司高層升職請過我地去歡樂食海鮮,印象甚好,今次已經系第三次黎,一家七口大概六點去walk-in,諗食咩諗到頭痕,基於系我介紹(而之前無次要我比錢),所以我好擔心價錢好貴又唔超值,出去揀海鮮時不斷推薦激大隻既羔蟹比我地整糯米飯食,我果刻真系打左個突,去三聖食我地都要三千幾,呢度四千走唔甩啦😭😭最後我地點左七樣野食:(名可能有些許出入,無影低):冰鎮鮑魚丶麻香瀨尿蝦丶金銀蒜蟹羔糯米飯丶白灼xx蚌(唔記得系咩蚌,但似象拔蚌既)丶酥炸生蠔丶食神炒飯同豉椒蟶子,另外送左個上湯菜心比我六大一BB所以叫左3隻冰鎮鮑魚一開二,鮮美瀨尿蝦系我指定要食,食過返唔到轉頭,我表姊夫食完話以後唔會食椒鹽瀨尿蝦喇😂好香好好味個蟹羔糯米飯一上,之前擔心佢好貴既疑慮拋諸腦後,淨系個賣相已經值回票價,蟹蓋勁多蟹羔,淋晒落個飯度一齊撈,食到粒粒艷橙的蟹羔,糯米香軟,齒頰留香蟶子王,因為都系普通做法,無乜特別,勝在夠新鮮,估唔到幾隻蟶子可以變出咁大碟👍🏻唔好睇少呢碟酥炸生蠔,非常香酥,唔會啖啖炸粉,最最最神奇的地方系店員比左碟生菜比我地包住黎食,令呢味餸更加之脆,而且脆而不膩,清新不少大名鼎鼎的食神炒飯,原本我地有糯米飯所以無打算叫,但因為個仔得19個月大,可以食既野有限,記起之前兩次黎食都有食呢個炒飯,結果我個仔食左一碗,其他就我地大人掃晒!賣相吸睛,有D蟹子令口感特別,好好味呢👍🏻服務:我覺得各位侍應都好熱情有禮,大家見到小朋友唔會唔歡迎,仲不斷逗我個仔講野,見到我地買溏心皮蛋又教我地分系唔系溏心(佢話我地買果D唔好,結果真系😭),又送菜心又送橙👍🏻👍🏻價錢:正如我以上所講,我開頭預算系$3000-4000,結果埋單都系$27xx(免收加一),好味又抵食,大家已經即時講絕對有下次😁😁 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-01-24
1174 瀏覽
作為新界人帶著幾位港九同事去吃海鮮, 就選了流浮山, 去已吃過幾次的歡樂, 之前都沒寫過食評, 今次吃得特別開心就開筆寫一篇啦。照例點了招牌菜式「麻香癩尿蝦」, 今次叫了少鹹, 果然恰到好處, 酱油和芝麻很香, 沒有蓋过蝦肉香味, 煎得脆脆的蝦殼九成都可食埋, 蝦肉亦夠厚身, 非常美味,必食! 每人半隻有點意猶未盡, 下次應可一人一隻! 但老闆説先每人半隻留些「空位」吃多幾款, 又啱嘅, 咁快填滿個肚點試其他好嘢, 哈!之後上的是蜆, 老闆推薦油鹽水煮! 原來簡單的煮法才可帶出蜆的鮮甜味, 拌著粉絲和湯都很美味, 粉絲吃光光, 湯也飲了一半(因點了海鮮魚湯, 留肚沒飲光), 在家中怎也煮不出這種鮮和甜, 推介大家一試。再來是蒸扇貝, 一人一大隻, 大滿足,同樣地粉絲一條也不剩,全吃光。接著是重皮蟹, 這是季節性的, 不是時時有, 所以一有都會點, 簡簡單單的油鹽焗已很美味, 蟹肉豐厚, 殼下面能見到一層嫰皮, 果然是真的重皮蟹, 吃得得開心。到了我特別推薦俾同事的「蝴蝶蚌」, 亦是時令海鮮, 冬天才吃得到! 因想食其鮮甜、同樣用油鹽水煮, 論肉地, 比蜆更豐厚, 冬季見到必試!之後是豉椒炒「聖子皇」, 開頭點菜時有點肉赤, 幾十元咬一口聖子, 但同事話一場嚟食海鮮沒所謂。 上菜時帶着幾十元咬一口的期望夾了一隻聖子, 嘩! 皇即係皇, 原來一隻是挺大和長的, 比想像中大很多, 吃幾口才吃完, 重點是第一口咬落去是很爽很爽的, 加上惹味的豉椒香, 超正, 物有所值, 下次都要對自己好D、繼續點聖子皇! 最後是今餐的亮點: 酥炸生蠔! 入冬後蠔本身肥美不少, 加上師傅今晚特別有水準, 酥皮鬆脆得不能形容, 令平凡的蠔变身成難忘的主角, 超正! 我和同事吃過很多食肆的酥炸生蠔, 高、中、低檔次都有, 今晚的酢炸生蠔特別出色, 齒頰留香!最後中的最後是糖水, 合格! 但可惜沒有生果盤, 飽吃一頓後沒有吃片水果總是像缺少了些甚麼似的漏了寫個魚湯和菜心, 哈哈, 都0k嘅, 下次會再點! 這裡是食海鮮不是食小炒, 吃了幾次青菜要求不高都算合格嘅, 但不要揀過時過節, 㕑房出得切都偷笑, 莫談做得好不好。呵呵, 我今次挑平日晚上來吃, 食得很滿足啊! 服務也很好, 像飲宴般換了好幾次碟, 服務很好啊! 可能是平日晚餐自點吧! 我也見到日間跟團食圍餐的劣評, 所以我不跟團很久了。食好D, 對自己好D, 花些交通時間、花些金錢也值得, 今餐平均每人五佰幾, 真材實料冇抽水, 食得又開心, 值回票價啦 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-11-05
1319 瀏覽
今天跟鴨仔團到新界一日遊。午餐安排在樂天歡樂海鮮酒家,是流浮山最顯眼的位置,近巴士站。雖然導遊表示用餐時間為1230-1330,但是要在門口等到1245才可開始入座。幾個本地旅行團都在門口等候,行人路真係水洩不通呢! 加上天氣仍很熱! 等得很辛苦.上到餐廳, 已經看到一包即棄餐具.燒鵝腿骨較長,應該是鵝,係皮脆肉OK.蒸鮑魚一碟好多隻。其實呎寸不算大,但每人都可分到1-2件。蒜蓉蒸茄子 好清,唔鹹.白焯蝦  蝦身有如手指的粗幼。粟米炸魚炸過的雪藏魚肉,個人就覺得肉質好霉,好聽D咪叫做滑囉,感受唔到魚肉應有的質感。洋蔥豬扒鬆肉粉不算多。肉質尚算滑溜,甜甜酸酸的,几開胃肉片炒西芹肉片好明顯有鬆肉粉,肉質鬆泡泡,食而不知肉味。炒生菜可能近來食得清,覺得這個清甜的生菜最好味。橙由於餐廳池安排入座,無時間食橙囉!食物方面, 個人已經降低左要求了.可是在進餐期間1300,導遊通知要點半開車,著團友快點完成上車。 但大家在1245開始入座喎。 餐廳為了接多几團客,每場限定1小時。 但上一團人仍未搞掂, 又未能讓客人在1230前入座READY。 食得好趕囉! 趕鴨仔咁趕囉!再者, 網頁食評所言非虛:上菜很快,食物仲要一碟碟的叠起。 碟底的細菌污水就會沾到下方的食物上,所以衛生比低分。咪以為提供即用即棄筷子紙杯膠碟,就可以扮乾淨。 繼續閱讀
(以上食評乃用戶個人意見 , 並不代表OpenRice之觀點。)