電話號碼
27907606
營業時間
今日營業
08:30 - 20:00
星期一至五
08:30 - 20:00
星期六至日
08:30 - 20:30
公眾假期
08:30 - 20:30
以上資料只供參考, 請與餐廳確認詳情
天水圍站📍東海堂雜苺乳酪流心Cake little（$158）做開活動搞手嘅我成日都要買蛋糕慶祝同事生日，今次就揀返個半磅嘅細細地蛋糕，因為食完飯都食唔到幾多。呢個蛋糕睇落細細個，原來實質係比想像中更細個，因為佢出面有好多cream，女仔就梗係唔鍾意食cream 㗎啦，切開嚟睇入面就有啲雜莓流心醬，我個人來講呢就覺得幾酸甜，不過有啲人可能會覺得太酸。普通蛋糕嘅質素，唔需要期望太高。因為app都係得東海堂簡。外面層cream唔夠滑。面頭有士多啤梨同埋藍莓，整體來講影相打卡係唔錯嘅。不過如果半磅都要$158亦都唔算太平。
繼續閱讀
好耐無食芝士撻，經過東海堂，又有餅咭就換面包，芝士撻，同芒果拿破侖試試。佢寫係流心芝士撻，但係唔知係咪因為唔夠熱，個心唔流(如圖),芝士味唔夠，但芝士質地同餅底就勁厚，而且無幼滑感，好漏，好滯，可以用嚟代替正餐。芒果拿破侖，賣相靚仔，芒果夠香少少酸，但餅底已經林哂，根本切唔到，成張腐皮咁好un, 一叉落去d芒果跌哂落嚟，成枱都係，想洗少隻碟都唔得。佢哋店做緊各樣優惠，但你要預咗質素下降唔少，要唔要用有限quota去食就自己諗。
繼續閱讀
每逢有親戚朋友生日，第一時間都會諗到『東海堂』因為款式經常推陳出新，而且『東海堂』品質一向好，蛋糕好睇又好食！以前食開「北海道牛乳芝士蛋糕」不過近呢半年開始受到新嘅誘惑😂就係巨峰提子呢款蛋糕（唔記得佢全名🙈）望落個樣一粒粒好得意，加上佢係紫色，第一次見巳經好想食左佢！上面啲粒粒係提子味啫喱，而最中間個七粒就係啫喱包住原粒提子肉😍😍😍就咁食啫喱巳經好好食，提子味好濃！食埋有提子肉個粒更加不得了成個口都充滿提子嘅香甜🤤仲有另一個好正嘅元素，就係餅底個層蛋白脆脆😍呢個蛋糕一食上癮，一定要試啊！
繼續閱讀
最近媽媽生日，決定左係東海堂買個蛋糕慶祝平時成日食黑森林同鮮果蛋糕，今冷想試下d新既，就買左個睇落好fresh既蜜瓜白朱古力慕絲蛋糕果然冇令我地失望，面頭係蜜瓜白朱古力慕絲，中間夾住海綿蛋糕，再落一層係蜜瓜啫喱同蜜瓜，d蜜瓜好水好多汁！最後又係一層海綿蛋糕，中間有白朱古力脆層，係我最鐘意既脆脆餅底😍今次既生日蛋糕，媽媽都好滿意
繼續閱讀
前幾日放工同老婆番到天水圍時，老婆話想食東海堂蛋糕，於是我地去左買蛋糕番屋企食。芒果千層酥@老婆經常食呢款，但我覺個千層酥吾脆身蜜瓜蛋糕@味道幾清新，又吾會好甜，幾好檸檬芝士撻@餅底如果再脆d更好，中間d料如果少甜d仲好
繼續閱讀