6
4
1
食評 (12)
卓越食家 2016-07-04
756 瀏覽
今日又到我地的家庭飯局時間,當然想選擇返間返少少可以早返去,所以今次選擇了東城,東城講真成日長期排隊,去過2次都失望而回,今次專登為左食佢而早到6點就去打邊爐。當然今次食到啦,原來仲有泰式串燒食添,大約7點鐘已差不多成間酒樓全爆了,當然有原因啦…..每位$138可以食135分鐘而且多野食都嚇親~今次我地叫左皮蛋蕃茜湯底,味道淡淡地,而今次我地係冇牛肉日,所以今次以丸,魚,豬肉之類為主。野食新鮮又乾淨,但如果食羊的朋友就要比$48先可以叫到一碟了。我地係勁鐘意食魚,所以最後4個魚頭和魚片,蝦都叫左4碟先夠皮。菜和丸類可以在出面取,丸類味道一般,但芝士丸好味道,夠芝士又夠香口。菜都有好多選擇而不停供應又新鮮。熟食都一行多選擇,如豬腳薑,馬拉糕,雞翼尖,燒賣,干炒牛河….味道講真普通但夠熱度,馬拉糕是哥哥最愛又軟熟又香口。雞翼尖我喜愛夠辣又入味。泰式串燒這個超強勁…亞姐和亞哥勁努力燒,雞牛豬魚粟米咩都有,係咁燒又香,但講真只係熟沒有燶,但又講要打邊爐仲有人燒串燒仲要即時係你面前真係未食過,而且味道不錯,餃子又好味仲有汁係入面。亞哥慶喜仲係度炒面同烏冬….又開始排隊了。仲有甜品,椰汁糕,椰汁紅豆糕,桂花糕味道不錯,吾太甜又香。但不可不講係有亞菠蘿的雪糕,出面都沒有只有這裡才有,芋頭香又好味,忍不住一人一杯。重點係爸爸竟然拿了2個薑汁燉蛋比我地,味道意外勁好味,即叫爸爸再拿已經沒有,勁香蛋香又滲少少薑汁香,又煮得剛好夠滑身,只做十多杯實在太少了…哈哈飲品都係以汽水,啤酒,涼茶為主,我地今日飲的是雞骨草,味道不太濃,不太甜….但還可以。醬汁有成十幾款選擇,只倒醬汁都勁開心!~但豉油吾夠咸。 繼續閱讀
(以上食評乃用戶個人意見 , 並不代表OpenRice之觀點。)
好壞參半 焦點食評
新晉食家 2016-06-25
637 瀏覽
父親節, 訂了位, 一行五人去東城酒家晚飯, 這晚換上了父親節特別菜單, 價錢比平常貴了多少不得而知了。先來一個 白灼海生蝦$168, 因為蝦唔夠大隻, 只能白灼, 不過食落都幾鮮, 肉爽脆, 好有蝦味, 真不錯!跟住係無太多技巧的 粟米魚肚粟 $88, 就同平時的罐頭粟米差不多味道, 不過魚肚算幾多。 清蒸大沙巴龍躉 $338 最有驚喜, 蒸到岩岩好, 唔過熟, 咁大條魚火喉控制比較難! 而佢係平均地熟, d肉又滑又嫩, 魚肉優質, 超正!魚香茄子煲 $78 基本上成碟九成係茄子, 肉碎只有很少, 比較濃味, 要配白飯食先得。本來食蝦同食魚時勁讚, 食得好開心, 但讚壞左, 到後來水準開始下滑了, 金銀蛋莧菜 $78 煮到比較老, 菜比較「鞋口」同有d 渣, 或者本身菜都不是太靚, 咸蛋同皮蛋份量倒是不少, 味道唔太咸都算可以。而最失望的係最後出場的 上湯波士頓龍蝦 $228, 芝士要另加$30, 以為會好正, 點知完全唔掂, 芝士一pat野咁, 無芝士味, 得奶味, 仲有d 粒粒唔知係用咩粉溝出來, 龍蝦明顯炸過, 又油又熱氣, 只食左一小塊, 都唔想再食, 最慘係無辜的伊麵, 因為個芝士汁唔掂, 唔知係咩來頭, 都唔敢食咁多, 浪費了很多伊麵, 叫上湯可能無咁嬲。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-01-05
1899 瀏覽
哇哇哇冬天天氣凍凍地 最啱圍埋一齊打邊爐喇東城最貴既時段 假日及假日前夕都係全包$138仲要有唔少熟食同點心選擇要暴食既話真係啱哂係個爐未滾前當然要精心炮製湯底自選配料有好多 馬碲,雪耳,雲耳,芋頭,番茄,栗米,南瓜...當然要整到湯底甜一甜另外牛柏葉,魷魚,豬皮都有唔同時間會不斷供應不同點心恆常既有春卷,咖哩角,炸番薯,炸薯條 有茄汁同泰式辣醬仲有酸齋,拍青瓜等開胃小食其他就睇運氣叉燒批少見 唔算太脆既酥皮甜甜 加上叉燒醬更濃更甜綠豆糕味道較淡,黃色部分係似綠豆泥,白色就係椰汁糕擂沙湯圓真心難得,見到已剩一粒,黑芝麻湯圓正仲有芒果糯米卷 可惜與佢無緣 春卷正常炸番薯脆脆外皮少少甘甜 但易飽注意炸雞翼,炸雞槌雖然入味 更有咖哩調味 但肉質較實炸洋蔥圈脆炸油感十足 更有少少蛋黃醬點綴不過亦感到幾熱氣竟然連芋頭糕都有 但係硬左d期間仲有燒排骨,鴨下巴胡椒豬肚胡椒味足 自己加左落去滾湯底熟食仲有豬腳薑,荼葉蛋,咖哩魚蛋,韭菜豬紅,生炒糯米飯,干炒牛河味道都是平平的酸辣湯雖然唔稠但夠味當然唔少得包點馬拉糕鬆軟糯米卷糯米少少甜軟乎乎的壽桃(蓮蓉)包響鈴有得自己拎 自家炸大大舊食落索索聲 脆得一定係必食講番d畫紙既配料推薦鯇魚頭,九肚魚,滑雞肉,滑牛肉尢其是鯇魚頭都可以算係回本位嘛~食到飽飽都未完 有唔同阿波羅雪糕雪條正常有XX西米露同紅豆沙但西米露系列味都比較淡所以西米露+芒果雪糕好多食物種類 不過就人多焗促少少但$138咁多野食真心抵食如果冇 人等位 過左時都仲可以坐多陣休息下 繼續閱讀
(以上食評乃用戶個人意見 , 並不代表OpenRice之觀點。)