604
87
55
港鐵油麻地站 A1 出口, 步行約1分鐘 繼續閱讀
所有分店 (2)
電話號碼
63956703
營業時間
今日營業
12:00 - 23:00
星期一至日
12:00 - 23:00
付款方式
現金
其他資料
外賣服務
以上資料只供參考, 請與餐廳確認詳情
食評 (860)
等級4 2024-02-08
1025 瀏覽
🍴極上海鮮龍蝦湯飯78 蚊 轉套餐加15 蚊個湯底極濃龍蝦味🦐 有蜆肉 魷魚 全部海鮮都好新鮮 湯底鮮甜 配埋泡飯 好味🍴鮑魚花膠蟲草雞配白飯128 蚊蟲草花 螺肉好彈牙 仲有排翅 雞好滑彈牙 有成半隻 雞油同其它料既味變成好香甜既湯 正🐥🍴鵝腸皇拼黑毛豬片 68 蝦鵝腸好新鮮彈牙夠肥味 黑毛豬薄切夠爽彈🐷🪿🍴鮮果冰茶36 蚊有芒果 百香果 火龍果 酸甜開胃 大大杯正🥭🍴石榴梳打18 蚊梳打水本身汽夠 石榴個汁好濃 落足料 配埋梳打中和番啱啱好Score 平均分< 7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~村爺爺龍蝦湯泡飯燉湯專家油麻地 砵蘭街72 號地鋪 ====================任何美食😋歡迎inbox 我 , 等我食完開心share!🤓 繼續閱讀
(以上食評乃用戶個人意見 , 並不代表OpenRice之觀點。)
呢間成日排長龍嘅人氣龍蝦湯泡飯、鮑魚花膠雞煲翅,價錢抵食、足料!我先試咗爺爺三寶,裡面有冬菇、雞翅同魚腐。冬菇燉得好入味,質感好軟綿綿,雞翼香脆好食😋加埋魚腐脆口~然後嚟到最令人期待嘅菜式:極上龍蝦湯泡飯。龍蝦湯鮮甜,令到飯粒都帶有龍蝦嘅味道。裏面有帶子、青口、蜆、等等配料,鮮味十足。另外一個主打係鮑魚花膠雞煲翅,呢個菜式都好豪華。鮑魚鮮嫩,花膠滑順,雞煲翅肉質鮮美又多汁。雞湯汁濃郁,呢個好味道😋 我叫咗兩杯特飲,有熱情果桂花烏龍同石榴梳打。熱情果桂花烏龍有一種淡淡嘅香甜味道。石榴梳打係一杯涼爽嘅飲品,石榴味道酸甜,好開胃。 繼續閱讀
(以上食評乃用戶個人意見 , 並不代表OpenRice之觀點。)
等級3 2024-03-01
156 瀏覽
是日早左少少收工,傳說村爺爺出名多人排隊,18:20同frd子經過...見到暫時4個人排緊隊終於可以試下,排隊期間 店長哥哥比定餐牌我地睇差唔多入座時 會先幫我地落單 所以坐低好快可以上菜極上海鮮龍蝦湯泡飯 $78一上枱就比隻龍蝦頭吸引左,望真D 佢地落左好多海鮮料 扇貝+大量蜆+魷魚圈+青口(都有2個品種),湯頭入口濃郁鮮甜而清 飲晒成碗都唔覺膩花膠龍躉雞煲翅 $138一個鍋上菜 有半隻雞+花膠+龍躉件+好多梳翅 仲有元肉 杞子等等材料,湯頭飲落 滲出淡淡的金華火腿香,兩大件龍躉件 厚肉彈牙 再加上QQ龍躉魚皮,店家主動提供一次性手套 我一開始就手撕晒雞肉 放返落湯慢慢食 肉質依然有咬口 熟度岩岩好鵝腸皇拼黑毛豬片 $68白灼鵝腸同豬腩片都新鮮爽脆,沾上佢地既自家製辣椒豉油就一流,微微辣味 更帶出肉香石榴梳打 (跟餐)$187成滿既石榴果汁 玻璃樽裝雪碧另上 可按個人口味慢慢加入,驚喜左 唔係現成糖漿開梳打水 有誠意❗️爺爺鮮果冰茶 (跟餐)$36鮮果味濃 唔會好甜 絕對唔係糖漿味 好飲過X芳既水果茶*自家煲既湯底 飲得出唔係味精水 (食完唔會口渴)*大大碗 份量相當抵食,+$15成套餐 可揀麵/飯 泡飯一流*非繁忙時間黎 唔算排得耐,有電視 排隊時可以望望 (果晚有黃秋生睇)*餐牌要時間消化 *太多客流轉 食完唔敢坐得耐😂*離開時睇返條人龍😳 繼續閱讀
(以上食評乃用戶個人意見 , 並不代表OpenRice之觀點。)
等級3 2024-02-29
149 瀏覽
有無諗過平平地都可以食到好嘢呢?係油麻地有一間叫村爺爺嘅車仔麵,佢主打用平民價錢吃到高級食材,我今日就帶閨蜜來食下嘢傾下計。😚😚我哋叫咗花膠·《龍躉》螺片海鮮龍蝦湯泡飯、鮑魚花膠蟲草花雞煲翅、鵝腸皇拼黑毛豬、石榴梳打……就算叫到又花膠龍蝦又鮑魚雞煲翅咁,每款都係講緊幾十蚊,真係非常抵食😮😮 難怪門口長期排隊啦~~我個人首推鮑魚花膠蟲草花雞煲翅,雞湯味非常濃郁,雞肉好滑又彈牙,仲有排翅食,呢個價錢仲抵過澳門果啲啊🤣 🤣料又足又食得飽,仲洗鬼去澳門食咩……碟鵝腸皇拼黑毛豬都有驚喜咖,佢個鵝腸好脆好爽口,配埋佢哋嘅醬汁真係好野味,而個黑毛豬就切到好薄,好似蒜泥白肉果種薄度,點埋醬汁一齊食,個肉味好出眾。石榴梳打都唔錯咖,唔會好似出面啲果汁咁,只得死甜嘅口感,飲落個感覺好fresh😚唯獨個花膠·《龍躉》螺片海鮮龍蝦湯泡飯就唔算出色啦,湯底太多菜,個湯就好似變咗菜湯咁,浪費咗啲咁好嘅食材……😟😟下次都係主打食返鮑魚花膠蟲草花雞煲翅,呢個真係可以無限encore 😜 😜又平又抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2024-02-29
103 瀏覽
村爺爺餐廳位於九龍繁華鬧市砵蘭街72號地下,餐廳裝修簡約,餐廳主打湯泡飯,冬天好多香港人會食湯泡飯,可以暖身又暖胃,還有多款秘製鹵水撈麵,多款足料古法煲仔湯,多款鮑魚花膠蟲草花雞煲翅,車仔麵和多款梳打飲品供客人選擇。極上海鮮龍蝦湯泡飯$78套餐十$15絲苗白飯,泡飯有蜆貝,扇貝,青口,龍蝦頭和生菜。花膠龍躉雞煲翅$138配絲苗白飯,有半隻雞,配蠔油生菜。爺爺三寶$45(冬菇,炸雞翼,魚腐),冬菇夠淋夠入味,三大隻炸雞翼,炸到皮脆肉嫩,魚腐食落香口。飲品有熱情果梳打$18石榴梳打$18 繼續閱讀
(以上食評乃用戶個人意見 , 並不代表OpenRice之觀點。)