13
6
2
港鐵銅鑼灣站 E 出口, 步行約3分鐘
所有分店 (3)
電話號碼
2332 9090
開飯介紹
皇室堡景逸軒提供精緻粵菜,令每位食客盡享食材精髓,景逸軒設有早、午市、下午茶及晚飯小菜,而景逸軒更絕對是婚宴場地理想之選,擁港島唯一空中花園,可供新人舉辦現場證婚。 繼續閱讀
營業時間
星期一至日:08:00-00:00
付款方式
Visa Master AE 現金
其他資料
網上訂座
網上訂座日日有賞
招牌菜
冰鎮鮑魚
提及此餐廳的食評 (25)
卓越食家 2016-04-05
1995 瀏覽
此文是小女子第150篇食評, 女人, 大事小事都要紀念, 150篇...人家濕濕碎, 肚裡無墨水的我真的有點難得!      (暗自計算一吓, 原來第100篇是在2015年3月9日寫的, 即是過去一年Post了50篇, 以我這個大懶人而言, 算可接受的了, 何況中間又停了好幾個月無寫 , 好~ 努力, 加油, 向200篇進發。。。Go Go Go~)150, 寫一間心水店吧!  反正庫存中尚有好些未出的食評, 就選一間我們都欣賞的, 是銅鑼灣的景逸軒~  而今餐, 是一餐生日晚宴, 盛惠HK$6,688 一席, 訂在超寬敞的貴賓房內~  先看看有些什麼好餸:牛肋骨不論在紅磡抑或銅鑼灣, 都已影了好幾次, 所以今次沒有影相, 皆因今餐母親大人為座上客, 她不好'相機食先', 本人當不敢太放肆, 不敢碟碟影, 只好選擇性影相, 而牛肋骨近年來在此兩店已吃了十幾廿次, 肉有肉味有肉汁、 次次都保持水準Very Good!    所以今晚要影'喜灼花竹蝦' , 一入口, 嘩, 快啲剥多隻  百花釀刺參, 有長輩在座的一款好選擇~  魚靚唔駛講嘢, 又彈又滑,一流飲番碗靚湯~ 好香呀~其實關於'有無翅'之討論, 本人覺得酒樓提供的翅湯真是未必滿足到大家, 喜翅者: 老老實實, 聰明煮婦會自己煲! 因為今時今日如果宴席銀碼唔夠大, 尤其是婚宴一皮嘢餐單樓下, 根本食唔到好嘢, 大家都明o架! 好幾次見到啲翅真係得嗰幾條碎濕濕咁寒酸不如你正正經經煲個湯俾我飲啦!   無翅論者: 近來有幾次食過某啲酒樓餐單為咗要扮有貴價嘢勉勉強強出個花膠燉湯, 但係花膠又唔係俾好嘢就扮上品, 哎,稀lum lum又試過、腥溫溫亦有喎, 搞咩啫?! ...咁不如。。。又係煲個湯啦!   寫嚟寫去我都係主張正正經經出個湯, 成本又唔駛好多, 但勝在實際!   好似今晚咁, 成班都是自己人唔駛客氣直接提議想飲個靚湯, 經理就幫大家寫個赤小豆粉葛鯪魚豬雜煲豬踭, 人人飲都讚好!!之後雞、飯、麵、杏仁茶都無影相, 而就一貫水準的好吃, 所以晚飯要食好啲、食豪啲, 景逸軒是我們其中一個心水選擇! 繼續閱讀
入門食家 2016-03-25
963 瀏覽
性價比低的下午茶點心的賣相及味道,與地段,環境,價錢都不相符,絕對只係屋村街坊級酒樓的質素賣相扣分:一個精緻的賣相會令吃的人食慾大增,賣相不合格,味道非常一般,對在銅鑼灣呢個黃金地段,要求高少少一d都唔過份,好,再黎味道:炸雲吞及春卷,熱,脆,味道算是唔錯,粉果皮完全唔得,皮沒有煙un感,係一咬就塌下來,餡都較gel口,叉燒包味道ok, 只係皮太濕,食落去口感唔好,霉霉咁既感覺,我至愛的咸蛋黃壽包。公眾假期12蚊一個,呢個除左樣衰之外,都可接受,冇乜特別彈及讚的有燒賣及鳳爪,整體碟碟都熱,如果大中小點全部打8折,我會收貨,只係一切性價比低,下次唔會黎,除左做超特價 繼續閱讀
卓越食家 2015-03-24
4346 瀏覽
[今晚又係阿叔請食飯唔好同我客氣!!!]  一年總有十餐八餐阿叔"萬歲", [唔駛唔好意思皆因阿叔有米喎~]...嘻嘻嘻, 有咁疏爽好客嘅阿叔我們真幸福有口福,  祝願阿叔生意越做越大、財源廣進、生活愉快大家長食長有!   多謝多謝!  這篇食評是去年食完未寫的存貨之一, 留在第103篇真是好, 因為由100篇起的頭幾篇我都想寫些食得開心俾笑面的所以要有所篩選,   景逸軒未寫的這篇正好可以出場了!  Let's Go!   GO Go Go~今晚只一圍都包咗房, 無辦法阿叔食得招積!  推門出去就係露台, 只能說安排非常好!  睇菜牌就知今晚不是婚宴/壽宴所以菜式比較多完化, 我呢個為食貓一邊寫一邊回味再三流口水, 相片拍得麻麻而且有些一上枱掛得吃就忘了影...因母親大人不太喜歡我經常相機食先我當然要識趣低調處理... 一出場的小食豬頸肉及尾上的杏仁茶是送的所以不在菜單上, 我只能說非常好味!  豬頸肉鬆化燒得香口, 杏仁茶既香且滑非一般貨色, 想食要預定, 經常售罄!  阿叔預訂的牛肋骨已吃過十次八次, 每次都無失手, 肉質不肥不瘦醬汁惹味, 大大件放入口真爽!  一人吃四五件是等閒事!   八寶鴨是長輩們喜歡的菜式之一, 他們都讚不絕口.   清蒸金奄蟹, 爆膏且香夾滑 ! 瓜子斑, 魚靚加蒸魚時間控制得非常好 ,  炒飯粒粒分明但又不會乾巴巴硬掘掘, 非常好!整晚的食物, 招呼及安排都無得彈, 不說聲好就有點造作了.  當然, 阿叔是熟客所以可能有少許分別, 但相信整體都應該不錯的, 值得推荐的一個家常便飯好地方!  (飲宴就唔知啦, 未嚟過"飲"啊~) 繼續閱讀