明星海鮮酒家 (已結業) 查看

因為見到明星晚飯做海鮮優惠，就想去試一試。沙巴龍躉兩味不錯，大份，煮得好味，但有少少重口味，而且多油。乳鴿抵食好味，只需28蚊一隻。蒜蓉蒸聖子都算新鮮，而且大隻，70蚊有4隻，抵食。薑蔥桶蠔煲，蠔係炸左先，再同薑蔥一齊落煲，所以一上菜係好香，有六隻，但蠔有大有細，細好乾。最失望既係澳洲鮑魚，28蚊一隻，一上枱已經好意外鮑魚點解可以甘乾淨，一拎上手發現係離殻，重點唔鮮甜，就知係雪藏。好難接受酒樓俾雪藏貨。

假日同屋企人飲茶，食量不大所以三個人叫三樣嘢就夠我好鍾意芝士又鍾意伊麵，所以如果間酒樓有芝士伊麵我通常都會叫😋 明星嘅芝士伊麵係配蝦而唔係龍蝦，不過由於我唔食蝦亦唔食龍蝦，所以對我嚟講冇分別😂😂 芝士汁水準穩定，芝士味香濃，唔會有騷味，質地稠身，好容易就掛滿喺伊麵👍🏽🤤 而伊麵就水準冇咁穩定有時彈牙啲有時淋身啲，今次就略微太淋，不過撈埋芝士汁都好好食，推介👍🏽🤤另外叫咗燒汁煎釀茄子同家鄉甜薄罉，茄子走油/炸過，外脆內軟，配燒汁好夾，但燒汁水準唔穩定，有時味濃啲有時淡啲，撞手神😂家鄉甜薄罉好味，煎完嘅薄罉捲成一條切件，再灑上香脆花生碎，我特別鍾意食頭尾，因為多邊位脆啲，而花生碎就似平時糯米糍啲餡，都同薄罉夾嘅👍🏽總結：呢間酒樓水準唔太穩定，但差極有個譜，由其推介芝士伊麵👍🏽

好多人都會發現朝早食個早餐愈來愈貴，而家其實*平日*食早餐，自己一支公都可以試下去飲早茶，明星朝早孖寶雙拼都係二十幾蚊，計埋茶錢加埋一，四十蚊有找，可以揀粥、腸粉，炒米等等。我食左佢個皮蛋粥加米粉，坦白說，沒有什麼特別，只是朝早可以有個茶餐廳以外的選擇。

家有囍事 一家五口！慶祝父親節 兼 六月有兩位壽星一心一意黎明星食長腳蟹本身伯母想嗌啲翅食 但比我阻止左因為我地唔多食 反而我地中意食啲粟米魚肚（跟）😌小朋友口味好多魚肚呀 仲好大煲添呀🤤佢唔係加左好多水 或者坎咁架係真材實料 我同男友都飲左兩碗以上再黎個北京填鴨脆卜卜既烤鴨片 配上軟綿綿既春皮😍再加大量青瓜絲 唔即刻放落口都對唔住自己呀 凍左唔好食架嘛 襯熱食🖤🖤🖤佢切到啲鴨片係岩岩好厚度既鴨肉 1:1比例咁呀 咬落去啲油 正呀媽咪再來既係清蒸東星斑 去親酒樓都要食好嫩口呀啲肉 又煮到岩岩好 唔會太老太硬重頭戲黎喇 長腳蟹呀 成千蚊架！😎平時係酒店食buffet既松葉長腳蟹棒多真係未試過食成隻 auntie 佢地強力推薦話好食 佢地之前大時大節都有黎食過嘩 大過我隻手掌✋🏽我隻手都算大架喇✋🏽✋🏽啲蟹肉好鬼鮮甜 啖啖肉 又熱辣辣同酒店個啲凍食係兩回事！😱😱😱😱食極都仲有架 請原諒我掛住食 無再影落去 哈哈😝

轉眼半年第 2 季比賽完結，再到明星出席頒獎典禮。每次都係替其他鏢隊高興，終於可以上頒奬台領奬喇！坐低即時細閱餐牌，期望伙食比往年更好，最後菜單都係一模一樣！乳豬大併盤、上湯焗海蝦伊麵、翡翠花枝珊瑚、百花釀蟹拑、花膠筒螺頭燉雞湯、清蒸大海斑、鮑螺片扒生菜、極品脆皮燒雞、鮮蝦荷葉飯、奶皇流沙包、紅豆沙。本來隊友們聚餐食得開開心心，無啦啦走個醉酒婆過黎發神經鬧事，極為掃興！撻晒朵撩交打，自誇係大埔由細到大有幾惡有幾橫行無忌，聽到都打幾火！大家都係斯文有智慧，息事寧人寒暄幾句，無奈被敬幾杯啤酒侷住要飲，不同市井流氓計較，算數。參加幾年鏢賽，今屆最多隊友能夠完成比賽由頭掟到尾，無中途退出放棄，辛苦大家。初期分數包尾，掟到最後勇奪亞軍，得來不易呢！多謝各隊友出每一分力，大家都捱過好多激烈既飲酒排頭先有今日。首年有鏢隊衫就得亞軍，真巧合！戰鬥力 +5 防禦 +3 速度 +1 魅力 +5 會心 +5。除奬牌外，還有紀念座呢。我正式退役，留返機會比其他青年男女吧。經過演講、掟鏢、寒暄一輪，等到 9 點終於開飯，大家都非常肚餓，食左先講，殺呀！講到食我真係沒半點客氣，還要係我最饑餓既狀態下添。乳豬大併盤

大埔最大間的酒家，星期六日下午茶時段都要大約等15-20分鐘。因為呢一間酒家好受歡迎，通常都要等位。食物：小籠包皮薄多汁，好好味！他們有點心拼盤，可以樣樣試少少，不過個叉燒包穿咗皮，賣相冇咁靚。紅棗糕好好味！其他點心燒味都唔錯。服務💁🏻‍♀️：服務正正常常，侍應不是太多。環境：酒家面積很大，環境比較嘈。泊車🅿️：最近可以泊翠林閣停車場，步行至餐廳大約5分鐘路程。總結：整體食物質素唔錯，四個人食下午茶大約$250。仲要係好飽。

星期六，在大埔放完農曆年假的馬騮仔要返將軍澳牧場啦 ! 先到明星飲茶，不用等位，1行2大1小，坐了一張4人圓枱，非常闊落。點了4款食物，先上枱的係切雞瀨粉，切雞是放在瀨粉上的，雖然有雞髀又有菜芯，但賣相仍是麻麻，瀨粉爽滑不碎，不過切雞較淡，湯很肥且淡而無味。五香鹹肉粽烚的時間很足，糯米已全化，粽包得很結實，本身味道也足，不用加豉油也夠味道，可惜枓很少，只有一片肥豬肉，少量綠豆和少量鹹蛋黃。鮮蝦菜苗餃熱辣辣，賣相不錯，看似皮厚，但外皮爽滑不硬，餡料是白菜和蝦，蝦肉雖然細粒，但頗爽口。最後的薑汁雞包仔，又熱又軟，薑汁很看，餡料有菇粒、雞肉，還有蝦，是4款點心中最好味的一款，連馬騮仔也吃了2個包的外皮呢!

今日係年三十晚收爐嘅日子同埋兩個同事去食返個傳統嘅團年午餐估唔到無 book 枱都唔洗等位叫左1. 牛肉炒河粉熱騰騰味道都 OK ，凍左就有啲痴身2. 乾蒸燒賣3. 山竹牛肉球-好味4. 蒸白菜🥬蝦餃- 由於佢同菜心係孖寶，29蚊套餐。所以叫左。不過皮厚，味道一般。5. 炒菜心-夠清淡，可以唔落任何醬油6. 牛肉腸粉-正常，足料嘅7. 流沙奶黃包- 真係流心架，味道唔錯8. 雪山叉燒包-一上枱就係扁扁嘅，而且一啲都唔熱，劣評9 小籠湯包- 多汁好味三個人叫咁多野食剛剛好都係三嘅倍數呢⋯⋯都係$260 年三十黎講都抵食

不知所謂今日同朋友去搭台飲茶，可能咁岩員工食飯時間已經見到個個侍應好嘈底我地劃完貼心紙我朋友好有禮貌叫吾該之後個侍應衝埋黎問我地係咪好趕時間係既自己寫枱號自己去落單真係未預過d咁既酒樓我朋友只係叫左一次吾該咁就要比你侮辱已經打電話投訴嬲到震

今天來吃圍菜～乳豬，皮薄且脆，不會太肥，但肉味一般。西蘭花炒肉片花枝片，味道不會太咸剛好，不過略厭太油。吉列蝦，這個好吃，吉列鬆脆，蝦彈～竹笙魚肚，一般～不知道是甚麼魚，挺大條，骨不多，魚很滑很多肉。醬油雞，一般～髮菜豬利蠔豉生菜，蠔豉蠔香不足，生菜是最好吃的。雜菌小棠菜，一般～糯米飯，糯米軟腊味香～炒伊麵，這個真的不行，有焦味。紅棗糕和薑汁糕，口感軟糯，好吃！西瓜，沒有味道，不甜。最後還有紅豆沙糖水，味道一般，口感再多試沙會更好～

大埔最大既酒樓，亦可能因為咁，所以基本上連平日都會有人擺酒！如果臨近旺日或好日，好大機會全樓酒比包起擺酒但係佢地就算無擺酒，都好多人幫襯，因為佢地又平又好食！波土頓龍蝦只係$168，可上湯或蒜蒸，新鮮有龍蝦鮮味~半隻脆皮雞 - $38，皮脆而雞唔肥膩，咁既價錢，你係邊到食度？通常我對普通酒樓既服務都無咩期望，但當晚幫我地落單既部長好有耐性解釋菜單，而上茶侍應都好有禮，亦勤幫我地換碟及添水壺既茶水，全部都態度友善有禮唔怪得即使咁大間酒樓，連平日都坐無虛席！

同屋企人嘆茶，揀明星酒家因爲夠哂近、又唔駛等好耐位wo！！齋腸正正常常 份量都大份架！菜心 當然係好難會出事的😂馬拉糕-好好味、唔會太油、又軟熟！我好鐘意它的馬拉糕架！雞仔包，啖啖肉蝦春卷，好脆好香口！山竹牛肉球，正常！識食...牛肉球一定要配埋喼汁！豆沙鍋貼....皮好厚好硬，唔好食！真係未試到一道明星的甜品係好食的！ 飲茶食返點心算吧！兩個人食左咁多點心，唔係特別優惠時段，都唔需要150$，真係好抵食！！ 得閒鐘意一盅兩件好可取

白色情人節跟老媽去了叔公80歲壽宴，雖然只有兩圍，但大家都好開心，一開始我的阿姨就開卡啦OK，全程兩、三個鐘N咁多人輪住唱~~~人齊就開始用餐~~~今次呢餐個個表弟都飲可樂，叔公家庭好有趣，佢有三個女一個仔，外孫和內孫共有6個仔，一個女孫都冇，所以佢見到我個女就好鍾意，但當日係平日，怕阿女疲累而冇帶佢去，令親戚們有少少失望~~~一開始上龍蝦伊麵，我個人每次只是食伊麵，見到班表弟食龍蝦個開心樣我真的不想搶食~~~乳豬食起來感覺不錯，每次去飲食乳豬係我至愛的食物~~~米網翡翠海中寶，望落去不錯，我就覺得OK，因為我主要食尤魚片~~~黃金百花球，呢個都不錯，熱上係好食d(^_-)花膠海皇燴翅，我好耐未試過咁有腥味的翅，竹笙味也很重，希望唔好再俾我遇到這麼難入口的翅鮑汁金錢原隻鮑魚，鮑魚都算ok，但唔算最淋~~~清蒸沙巴龍躉，感覺ok😅😅😅極品脆皮燒雞，算係ok，又係夾d第二日食~~~鮮花荷花飯，由於大家食飽咗，所以我放咗入環保餐盒帶返工食萬壽桃包，又係食唔晒，最後都係要打包返屋企環球生果，賣相還可以吧！其實呢餐唔係在於食物好唔好食，最重視其實係現場開心的氣氛，始終長輩大壽係開心事。舊年年頭在

看見食評大多是讚，所以我們十一人（其中三個是小孩）去試試晚飯，但最後是失望的。我們揀了一隻亞拉斯加長腳蟹，計落千五蚊。這是全晚的亮點同味道較好的，清蒸的，食落清甜，幾好。我們點了片皮鴨兩隻，首先，來的皮及鴨很少，每人只是一轉，都未能分食兩轉。皮不暖不熱，是涼的，但不厚。鴨肉一般，皮是難咬開的。只有幼幼的青瓜附上，欠大葱🙄。上次在家傳戶X食過的片皮鴨，份量能每人兩轉再多，鴨來時很香哩！而且剩了的炒西芹，很靭，還有幾舊未熟透。還叫了龍躉兩食，唉，炒果味居然未熟透，皮肉咬不開🤨。清蒸果味正常點。海味雜菜煲，這是最正常的，但除了蝦米仔和少量🦑。還有的鮮蝦荷葉飯，除了面頭幾粒手指頭大小的蝦料外，都沒有什麼料，連冬菇粒都冇乜。還叫了wasabi 牛柳粒，牛柳份量正常，肉質都算淋，但過鹹。整晚最抵食，亦最好味，就是椒鹽豆腐。份量幾多，夠脆也夠滑😋。最後$2700埋單。可能會俾多次機會這店，試下小菜類。特別一讚，這點也是食物質素欠奉，而仍會考慮的原因，就是侍應姐姐們及不知是否部長的男士，多位員工都很有禮貌。👍

平時返到屋企一話唔煮飯，都第一時間都會落街食，至於食乜當然由老細話事，我地就負責幫手用口食每一道美食，今次就去咗呢間酒家開飯，先來係沙嗲金菇肥牛，入口肥牛肉質肥美金菇爽滑，沙嗲汁夠香濃配埋碗白飯就最完美另一款啫啫滑雞煲，配料爆得夠香脆，雞肉味道超惹味，肉質香軟緊接有海鮮孖寶分有清蒸龍𧄌仔同蒜茸蒸大元貝4隻，先品嚐一下魚肉嘅鮮甜味，肉質鮮嫩入口滑脫脫，又估到咁好食，再來食大元貝，蒜茸灑滿係表面夠晒香，元貝厚厚嘅肉入口彈牙口感足最後食埋精美甜品，又食咗一餐簡單得來又夠飽滿晚飯