6
0
1
港鐵佐敦站 D 出口, 步行約4分鐘
電話號碼
2737 2309
營業時間
星期一至日: 12:00-14:30; 18:00-23:00
付款方式
Visa Master AE 現金
座位數目
33
其他資料
酒精飲品
自帶酒水 詳細介紹
電話訂座 詳細介紹
加一服務費
食評 (7)
見習食家 2014-10-10
1682 瀏覽
其實話左寫食評好耐 但係都的唔起心肝寫 呢篇係我第1篇絕對值得我花時間同心機寫嘅食評 完全值得話說點解我會去呢間餐廳 是原係yahoo團購 我見到呢間餐廳係山林道 始終尖沙咀都唔係1個低消費地方 竟然有團購 仲要98蚊 可以食到1個set lunch 有8件壽司加1個卷物 仲有1個麵食 環境方面係對住維港景色 嘩嘩嘩 簡直就係1個抵字 其實我expect佢只係普通1間日式料理 但竟然係俾到1個超級質素 就算要用原價埋單 亦都係抵食其實 我估唔到佢係以1個full set黎serve 團購客人 有前菜 主菜 甜品 我見好多賣團購嘅地方都係d人食完話好糟糕收場 今日嘅感覺係 佢地照常當我地係1個用正價消費客人看待 感覺十分良好其實係果1個鐘入面 佢俾我地嘅食物都係有讚冇彈 我都唔知講左幾多次好味 言歸正傳 先講前菜 有1個沙律同埋1舊冬瓜 佢個沙律嘅dressing味道較得非常好 唔會太酸唔會太甜 令到我食欲大增 而個冬瓜係非常鮮甜 而且鮮甜得黎有冬瓜嘅瓜香味 而2個前菜 1個濃味少少 1個淡味少少 做到1個強烈對比出黎之後 去到茶碗蒸 我覺得係咁多樣野之中算係最平凡嘅1樣 佢入面有冬菇 蟹柳果d 相對叫做唔太特別 但蒸得十分滑 中上水準去到壽司部份 我揀左帆立貝 深海池魚 蔥吞拿魚 海膽 中拖羅 海鰻 赤貝 同埋 蟹肉 卷物就揀左三文魚卷(圖入面唔係我果碟壽司 係我朋友果碟 我果碟原來影唔齊) 先講講佢嘅壽司薑同醃羅白先 壽司薑唔太酸 唔太辣 非常醒胃 而醃羅白做得非常好食 第1眼望落係透明 唔似平時加左色素果D變成黃色 佢食落第1啖好似同黃色果D冇咩分別 但係咬落有淡香柚子味 感覺相當新鮮 就算Wasabi都係用即磨wasabi 食落去只有香味而唔太帶有辣味講到壽司 食完果1碟壽司令我感覺係日本食咁嘅感覺 估唔到係香港用呢個價錢可以食到有築地市場感覺嘅壽司 真係相當感動 重點推介 1. 海膽壽司 食落係完全清甜同有餘香 完全冇腥味 同入口係滑身 2. 拖羅壽司 我相信呢件佢話嘅中拖羅壽司係大拖羅壽司 入口嘅感覺係件魚嘅油係口入口即溶 3. 海鰻壽司 第1次食呢個海鰻壽司嘅感覺係件壽司係滑 入口件鰻魚係好香燒汁味 而且味道只係好輕 係有鰻魚燒起上黎嘅味道 而且 入口係即溶 比起出面平時嘅鰻魚簡直係第2個層次去到麵食果PART 我地1行3人 當然係每人試1款麵食 分別有喬麥麵 烏冬 同埋 梅子冷麵 我自己食果碗係梅子冷麵 另外果2樣 我都試過 相對黎講麵食比較普通 但係都係好食 去到最後 想唔到仲要雪糕 而且我相信應該係自家制 而唔係買街外貨 雪糕雖然細杯 但係真係回味冇窮 當日有柚子同埋芝麻雪糕 我當然係食柚子雪糕 而芝麻雪糕我都試左少少 芝麻雪糕都好好食 因為佢嘅芝麻味相當濃郁 而且最大嘅好處係唔係甜 非常適合香港人口味 而柚子雪糕更加係出乎意料地好好食 望見微黃色 我以為會好淡 但係食落柚子味非常濃郁 而且食落 裡面竟然有柚子肉係入面 水準我認為比milk top(大約25蚊1杯) 係更加好食 總括而言 我評分為90+/100分 希望下次再光顧時可以KEEP住水準 繼續閱讀
(以上食評乃用戶個人意見 , 並不代表OpenRice之觀點。)
新晉食家 2014-07-19
2374 瀏覽
山林道是尖沙咀的美食區,中美法意日韓,什麼都有。當中我們最愛光顧的,是旭鮨小料理。最好是坐壽司吧枱,由經驗老到的大廚替我們出主意。先來前菜,炸鱈魚片香脆得來不油膩,吃到不能停口。然後是一連串的刺身:石蚌、磯煮鮑魚、活花竹蝦、活角螺、 八角魚、油甘魚。花竹蝦頭更拿來油泡, 脆卜卜的觸鬚也可以當蝦條吃。接著是今晚主角 -- 杞子藥膳水魚湯。日本傳統食療, 會用杞子和其他藥材炆燉水魚(鱉):這兒用的是野生活水魚, 尤其滋陰養顏;燉足六小時,奶白色的湯濃郁甜美, 還帶有陣陣藥材清香,與平日常喝的中式老火湯各擅勝長。來一客石燒和牛,食客親自把生牛肉薄片擺上燙熱的石頭上去烤, 幾多成熟悉隨尊便。壽司方面,先來一客極新鮮的海膽。我愛吃火灼, 特地做了火灼左口魚和火灼鰻魚壽司。吞拿魚腩卷之後, 就是蛋壽司。最後來個稻田烏東,結束了簡單中帶有細緻的晚餐。這晚品嚐的日本酒「庭之鶯 心 大吟釀」,及「澤姬大吟釀」, 都是我們喜愛的酒藏。評價1) 食材、烹調手法、招待水準都是一流的。價錢方面視乎材料, 大概每人$1300-$1800左右,合理。(2) 地方雖然不大,卻裝修華麗,三邊玻璃鏡牆,兼有活動間隔, 能製造容納六至十六人的貴賓房。還有寬敞舒適的露台, 可以備長炭燒烤,從二十樓飽覽180度尖沙嘴夜景, 絕對是好友歡聚、派對酒會的一流地方。 繼續閱讀
(以上食評乃用戶個人意見 , 並不代表OpenRice之觀點。)
見習食家 2014-04-13
2813 瀏覽
一分錢, 一分貨。但如果不値, 的確會不爽。環境舒適的, 但侍者們的服務並不是很專業, 問很多問題都沒有明確答案, 服飾沒有日式的味道, 上菜的手法亦不太專業。而且食物都很普通。天婦羅是用鹽點的, 給了三種鹽, 沒有主動介紹, 問推介那一種, 答案是'你自己試啦'。問代客泊車多少錢, 答案是'不知道', 是舖的代客泊車並不是街的陀地, 連尋找答案的動力都沒有。友人對食物的要求不高, 但都一至認為1. 牛肉炒飯味道很淡, 亦比較肥膩 2. 烏冬麵質不錯, 但味道亦很淡3. 魚壽司並不十分鮮甜, 其他沒多特別4. 天婦羅還可以, 但這個價錢會期望乾身一點5. 黑豚肉鍋還可以, 但友人滾了, 鍋都未滾如果是$100位, 不會有多讚揚但亦不會投訴。但$300位, 就真的是不對板啊。 繼續閱讀
(以上食評乃用戶個人意見 , 並不代表OpenRice之觀點。)