1
3
4
電話號碼
2333 9327
營業時間
星期一至日: 07:00-00:00
付款方式
現金
座位數目
100
其他資料
酒精飲品
電話訂座
電視播放
招牌菜
精選扒類
食評 (9)
卓越食家 2016-05-19
116 瀏覽
都有十幾年無黎食野,內外裝修都無咩點變,但係感覺非常污糟,衛生情況極惡劣﹗地下多垃圾又濕又潺,到底咩黎架,好驚呀﹗張枱黐笠笠,餐具起晒漬又油淋淋,唔該比另一把刀我啦。小插曲,係大家耐心等候食物既時候,嘩﹗有同事大叫,嚇死人咩﹗大強呀!8 個人一齊彈起身!有巨曱甴呀﹗有翼既大曱甴呀!爬左去我地枱底,搞到我地成個 lunch 都忐忑不安。救命 ﹗相都唔記得影底添 ﹗海南雞例牌,三格調味碟只裝左兩格,薑蓉及甜酸醋,係咪漏左黑豉油呀?定無晒呀?menu 寫住係馳名海南雞,信您啦。雞肉又乾又鞋又無味,薄薄雞皮但靭到似橡膠。鐵板黑椒牛柳 5 成熟配意粉,最初想食 T-骨扒架,又無。港式鐵板牛唔食太生喇,熱騰騰送到,淋上黑椒汁咋咋聲好有氣氛,夠晒 high!煎到外層香口微脆,質感乸到軟棉棉無筋又無渣,滑嘟嘟沾上大量甜甜黑椒汁,港味都的可口。全熟意粉質地都還可以,不算粉亦不算過熟,但係無味既?紅色只係顏色黎架乍,而且凍冰冰,淋上微暖黑椒汁都無補於事。羅宋湯,main course 上左個湯先到,甜甜稀稀的雜菜湯,大路茄味濃,洒點胡椒粉合格。公司政策展覽前後一星期唔比攞大假?都痴筋,火都黎!點都要出出去食 lunch,食辣野減壓﹗一班同事原諗住去食辣雞煲,點知遲去一步無位。最搞笑個操不純正廣東話既女侍應只講一句 8 個無位喎,就走左去無理我地。即係叫我地等位還是叫我地走呢?唔希罕我地生意無所謂,閃! 繼續閱讀
(以上食評乃用戶個人意見 , 並不代表OpenRice之觀點。)
入門食家 2014-09-10
189 瀏覽
中秋節的下午茶來到得一枱客叫左個朱扒炒公仔麵同冬咖啡吾夠五分鐘全部送到朱扒已經切條,夠淋身有苦澀味,也許有少許梳打粉味公仔麵份量就好少,味道偏淡洋蔥同葱段份量都配合幾好可能我喜歡食呢D香口野冬咖啡勁大杯(香,濃,有啡味)地方都好大下,坐位舒服下午茶冬飲加2元合共30元下次都會再幫襯 繼續閱讀
(以上食評乃用戶個人意見 , 並不代表OpenRice之觀點。)
新晉食家 2011-07-28
28 瀏覽
夜晚唔煮飯唔知食乜好...今日又唔想食任食.行到一間叫新牛車水餐廳...見d扒有A+B...試下啦叫左一個...紐西蘭牛柳+芝士田螺 $60- 牛柳"林"但冇乜牛味好淡... - 煮得太熟個心熟透.外邊好燶..- 田螺怪怪地.芝士好干...焗豬扒飯 $42- 豬扒比較肥.咬落好油...- D飯有炒過.不過好乾.好硬...兩樣野都唔掂.唔會再來食....2個人都食左$104...貴又唔好食! 繼續閱讀
(以上食評乃用戶個人意見 , 並不代表OpenRice之觀點。)