13
5
2
港鐵灣仔站 C 出口, 步行約4分鐘
電話號碼
2520 5308
2520 5408
開飯介紹
Mon - Fri - Lunch Buffet $88 Sun - Long Lunch Buffet $138 Includes Unlimited Indian Wine 繼續閱讀
營業時間
星期一至日: 12:00-15:00; 18:00-22:00
付款方式
Visa Master AE 現金 銀聯
座位數目
70
其他資料
Wi-Fi
酒精飲品
泊車 詳細介紹
電話訂座
網上訂座
加一服務費
電視播放
素食
9折優惠
招牌菜
Dahi Puri Dal Makhawi Garlicnaaw Paneer Puoiwaiikka Paper Macaca Dosa Ueggiable Korna
食評 (20)
資深食家 2015-07-28
2873 瀏覽
從餐廳周網站中發現一間印度菜素食餐廳,於是便上網查一查它。原來閒日中午會提供自助餐,而星期日就有BRUNCH BUFFET,價錢$118比餐廳周的午餐更平,於是拿拿聲在周日去試了。BUFFET時間是11點45開始,我們在11點40便到餐廳,中途發生了開錯門事件而令女印度服務員A提早開門給我們入去坐到夠鐘,經我問清楚下原來12點才正式開始。餐廳地方都幾大,光猛新淨,衛生程度都幾好。見沒有服務員帶位,我們便隨便找位置坐,因冷氣好凍加想近廚得食,我們就坐近食物的位置,如非我眼角見到有個陰影郁郁下,我都不知道女印度服務員A在遠處一直監視我們更對住我們手指指示意要我們坐返出D...(咁點解你又唔帶位呢﹖)坐左陣,我去看看餐廳的時鐘,見12點都未可以開動,我出去問女印度服務員A,她手指指示意要等所有食物搬出來可以開動,等到餐廳時鐘顯示12點10,聽到女印度服務員A不知道說什麼後我們才可以出去取食物。(其實餐廳不如將BUFFET時間改去12點15吧,除了令食客不用白等亦可以避免員工要提早招呼客人。)食物選擇較少,兩轉已經食齊所有食物了。左邊是有紫洋蔥及三色椒沙律,加入辣汁,味道不錯。右邊是無加入任何醬汁的蕃茄﹑紫洋蔥及生菜,蔬菜樣子都新鮮。左邊:蒸糕,就好似白糖糕但無咁甜;中間:不甜的炸冬甩,幾好食;右邊:酸辣湯,友人試了半碗便立即叫我不好試,因為超辣。左邊:雜菜天婦羅,炸漿加入了黃咖哩,令味道無咁單調,不過蔬菜炸到淋劈劈,稍為遜色;右邊:素菜春卷,雖然淋了少少,但不算油膩而且味道清新,岩我。大堆頭炒物,有椰菜花﹑羊肉卷(?)﹑豆干﹑炸麵包(?)等,味道不辣又不鹹,很奇怪的味道,絕不討好,當中的羊肉卷(好硬,食落有渣)﹑豆干(好油)﹑炸麵包(好油好膩),幸好我每樣拿了一件仔,但這三件頂唔順食剩半粒,約1吋,事後被經理責怪更被全店員工以黑臉對待。(詳見後話)甜咖哩,內有豆腐/豆干,淨食都易入口,不會太重口味。香草炒薯仔,薯仔粉腍,味道香口,很好吃。青豆咖哩,甜甜地,都不錯呢。好似肉醬意粉的"肉醬"咖哩,味道濃香,這個用來撈飯食是好正的。印度飯,飯粒帶長,質感較硬,無飯香,最好當然是混入各款咖哩汁食用。以為是南瓜蓉原來是椰子絲加入大量糖水,甜到暈...煉奶浸麵包球,好甜好甜...甜到暈升級...左邊:飯後水果只有西瓜;右邊:甜品枱上放了此碟沙律(﹖),瓜粒菜粒加脆脆片,味道清清地,幾好吃。期間女印度服務員A過來問我們飲什麼及要不要麵包﹖自助餐只包一杯飲品我們都要了芒果lassi,芒果味濃,帶著自然果酸更為吸引,而甜度剛好,整體是好好喝﹗我們以為只得Naan但原來另有一款叫Dosa的捲餅,長柱體,餅皮薄脆,包住咖哩薯仔,相當特別呢,味道也好好;而Naan帶著微微蒜香,口感煙煙韌韌,我超鐘意食 Naan的所以忍不住添加了一盤。後話:以下是我所吃的第一轉及第二轉,自問都絕少浪費食物(除非難以下嚥就無計﹗),所以去自助餐食我習慣是每轉取少許,不會大堆大堆頭,如果是好吃的再取過。話說剩左半粒x3食物,難食到我食唔落,而經理埋黎收碟,佢問我"FINISHED?!",我話"YES",佢話"NOT FINISH!",我知道食剩係我唔好但我接受唔到陣油膩味同食到成口渣滓(反正堆渣滓最後我都要吐出來),我唔知"好難食我食唔落"英文係點講就是旦話"It is spicy, I can't eat...",點知經理即黑哂臉怪責話"It is not spicy!",佢企度唔郁我知道佢要睇住我食返呢3粒仔野,而我都無出聲,"DEAD AIR"一陣佢當住我面大大聲唉口氣先肯收走隻碟。之後我地得到既係零服務,水杯無哂水見到又唔加,仲要受住經理同幾位女印度服務員對住我地黑口黑面(查實女印度服務員A的態度都好差,開頭已經對住我地黑面,依家更黑咁解﹗),大約在12點15餐廳有九成滿,全部係當地同鄉,見住經理同幾位女印度服務員對同鄉客人有講有笑,我堅唔服氣,我唔需要你地全程對住我笑但至少唔好黑臉吧,最後求其食多轉,睇唔過眼佢地咁厚此薄彼就埋單﹗食唔飽但滿肚氣﹗ 繼續閱讀
(以上食評乃用戶個人意見 , 並不代表OpenRice之觀點。)
殿堂食家 2014-03-16
4818 瀏覽
Khana Khazana係我同朋友第一次去食印度野既地方自此之後,好多既機緣巧合,大家慢慢熟落直到而家變左死黨:^)呢間真係我地既回憶地小食第一次食到南印度既小食通常BUFFET都係北印度既菜式或者淨係咖喱咁:^)Rawa Idli即是白色蒸米糕比較粉,冇咩味,要點醬食既淨食會寡,不過好香米粉味好似Doughnut既係Medu Vada其實冇咩特別似炸粉團,好多香料味,同埋好油:^o炸薯好幼滑香口薯蓉調味同香料都夠仲要勁衰咁細細舊一口大小真係會不知不覺食左好多好中意中間白色既coconut chutney椰子醬椰香濃郁,有椰蓉更有嚼勁齒頰留香真係冇誇大DDCurry有好多款咖哩,全素我地兩個最中意都係Butter Paneer即是Butter Curry配芝士塊芝士塊實而微粉,奶香濃郁不膩飯煮得乾身,粒粒分明仲要好香口有飯既甘甜味除左平時見到既Naan之外仲可以任點Chapati同DosaDosa係長筒卷外皮薄脆焦香,入面有薯蓉餡,香料調味十分可口Chapati其實同Naan差唔多但佢係冇發起既,係Flatbread,冇Naan咁劑食落麵粉香重,連Curry食會濃味d,少左portion去中和番Naan新鮮整香口焦脆有三款味:Plain,Garlic同Butter我地試哂最中意係garlic蒜香重但唔辣唔嗆口,配落naan食好開胃Butter香係香,但真係十分油的Ras Malai奶香好濃不過東南亞既甜品好多都好甜呢個算普通(本人嗜甜到魔境了xddd用既係煉奶,冇溝稀所以吸附哂甜度高d不過佢冇炸算係不健康中既健康(不幸中之大幸既朋友-___ 繼續閱讀
(以上食評乃用戶個人意見 , 並不代表OpenRice之觀點。)
資深食家 2014-02-19
3467 瀏覽
這家素食印度餐廳,幾個月前老媽帶我來吃 lunch buffet,還未來得及寫,這兒已經推出了一個「不訂儹錢」的自助晚餐,於二月內的每個星期一晚上供應。[平時晚市只供應散點食物。]今次又是響應網上素食群組的號召去的,約了七時半到達,全間餐廳已見滿座,差點找不到位子。(根據以前有來過的朋友說,這是前所未有的現象!)餐廳的一邊變成自助餐檯,大家就排排隊去取食物了。前菜小食類有 Idli 米餅,伴椰子醬和 Sambar 菜汁食用,又有些印度式炸物,當然少不了咖哩角 Samosa。有個炸椰菜花,想不到炸了之後都幾惹味的。沙律呢,這一晚則有豆芽沙律,是發了芽又未到芽菜階段的綠豆來的,口感相當特別。咖哩類也有數款選擇,如最大路的 Palak Paneer 芝士菠菜蓉,又有一種叫 Malai Kofta 的白咖哩著仔球,兩者都是不辣的。因為有些人吃純素食不吃蛋奶類食品,餐廳多面也提供數款純素食咖哩,並以 V 字標示。例子有 Kadai Vegetable (一種相當辣的咖哩雜菜) 和 Aloo Mutter (薯仔青豆),我這好辣之人覺得相當過癮。(餐廳另提走蔥蒜,即是 Jain 的服務,不過我想要單點菜式時才能要求了,自助餐我想是比較難吧。)飯麵類都有,不過麵是中式炒麵(難道印度人是不吃麵條的嗎?),飯就有牛油飯 Pulao 和炒飯 Biryani,都用上印度米製作,乾爽好吃。店家還一檯送一大個原味 Dosa 煎餅,我覺得鹹了少少。如果大家夠膽挑戰甜死人無命賠的印度甜品的話,不妨試試 Gulab Jamun,是浸在糖漿內的炸波波,我吃了半個已經吃不消,反而 Gaajar Ka Halwa 甘筍布丁香料味重,頗得我歡心,而最易被香港人接受的甜品應該是 Sevian Kheer,裡面有一絲絲的東西,伴以很香的忌廉汁,有在座的朋友連盡兩碗呢!眼見在座的朋友不是印度人,便是外國人或外地回流人士,以為本地人不好此道,怎知吃到一半,已經有人在門口等位,連大廈樓下大堂也擠滿等吃的人,當中有不少看來是地道港人來的呢!結帳時,服務員會附上一個利是封,大家覺得這一頓值多少錢,隨心把錢放進去便是(帳單倒是有標明正價供參考)。我覺得這個自助晚餐的水準比午餐好一點,雖然我覺得比較重口味了一些。下星期一 2 月 24 日還有最後一次的自助晚餐優惠,愛吃印度菜的朋友不要錯過喔! 繼續閱讀
(以上食評乃用戶個人意見 , 並不代表OpenRice之觀點。)