59
13
7
所有分店 (5)
電話號碼
2123 1689
營業時間
星期二至日: 11:00 - 23:00
Close on Monday
付款方式
現金
座位數目
50
其他資料
泊車 詳細介紹
電話訂座
室外座位
招牌菜
Cherry store Fanny Bay Island Pacific Kumamoto 白酒煮珍寶蠔墨魚汁麵
食評 (80)
今天來紅磡見客​​,​當然要去黃埔民泰街那個巡視下多家食肆,由於今日趕住見客又時間無多,巡了民泰街​一個大​圈後.....行入內街就見到這家一點都不起眼的"意蠔屋",我有點印像好像去過佢北角那家分店既。紅磡既店一向都好得意,零舍多好細既食店,意蠔屋​真係乜都好細,位又細,所有野都好迫,但門口佢既自選Pasta餐牌又幾吸引喎,那我見有人出來有位就入去試下喇!!佢地用地方都用得幾盡,細細間鋪,連僅有的走廊既牆都用埋來咁樣樣放餐具及Menu, 服左佢!! 仲用埋洗碗公司,那批箱就放在我側邊,唔多開胃....哈哈!! 果然將空間用到盡呀!! 竟然意粉都有得自選好像車仔麵咁有趣,那我就選吞拿魚加大蝦螺絲粉配白汁! 兩送$42加$4,仲送野飲,幾好!!等左約8分鐘,來喇來喇​.....可能又​要​秉承佢地慳位既做法​​,就​用個中型既方碗上​ ​​... 哈哈!!​ 幾足料,都幾香,可惜我無時間,否則如再加多$8芝士焗一定仲正!! 你睇下佢果$2隻既大蝦,去晒殼架,尾都無殼幾有誠意,好脆,大蝦來算幾有質數架喇,另加$4抵到爆炸啦,你地話係咪?! 整體好夠飽,我完全收貨,好好味! 不過都係果句,我個人比較喜歡濃味,你地唔吃得咁重味既就唔好叫吞拿魚​加重左味道。​杯熱朱送既,試得出用吉百利朱古力粉,應該有加點脫脂奶,廚師一人做埋水吧,佢都顧及到加奶,夠甜!P.S.後記: 呢到叫得做意蠔就當然多人來叫蠔啦,我臨走問過佢地,佢話全日供應的,好新鮮,因每朝都會有新蠔交來的,可惜我趕時間,有緣下次來試下,​每朝交來的那我不如午市來仲有靚野食,下次見啦!! 繼續閱讀
(以上食評乃用戶個人意見 , 並不代表OpenRice之觀點。)
見習食家 2015-08-18
704 瀏覽
由於我地好怕等位,所以一早就去到食晚餐先。一入去,地方真係唔大,都要攝下攝下咁去。不過又要食平野就無計啦,都黎左啦。特地叫左set 跟芝士焗珍珠蠔意粉,個餐湯就平平無奇咁無咩特別,不過個意粉就不得了啦!芝士鋪滿面完全係好香好香,每條意粉都有掛到芝士,好滑好正。仲有幾隻加大碼蠔真係好好食。對食量細既人就唔太建議啦,因為真係會有D濟。好!跑步去! 繼續閱讀
(以上食評乃用戶個人意見 , 並不代表OpenRice之觀點。)
新晉食家 2015-08-02
663 瀏覽
跟友人6點鐘就食個early dinner, 呢個時間去到當然唔洗等位啦!坐低就叫左一個晚餐, 一個全日自選午餐!芝士焗菠菜肥牛意粉芝士焗到剛剛好, 面層微焦, 芝士味道十分香濃, 加埋入面個白汁, 味道配合得十分好, 非常美味! 每條意粉上面都佔有濃濃既芝士同白汁, 每一啖都有100分既滿足感! 入面的菠菜有很多, 不過肥牛就只有幾塊, 份量軟少! 但係其實個意粉一定夠飽, 女仔應該會食唔晒!芝士焗珍珠蠔意粉(晚餐$78)晚餐送餐湯和飲品, 芝士焗既意粉其實個個都一樣樣, 呢個入面就係蠔, 都有幾多隻架, 大大隻!總括黎講, 水準保持得不錯, 有全日自選午餐就好抵食啦! 仲要呢間餐廳唔收加一架!!! =) 繼續閱讀
(以上食評乃用戶個人意見 , 並不代表OpenRice之觀點。)