6
2
0
以上資料只供參考, 請與餐廳確認詳情
昨晚去左屋企附近開左一排嘅小店食晚飯，見有肉眼扒餐就馬上點了。今晚的餐湯係青豆湯，做得跟西餐廳一樣好飲。重頭戲的肉眼扒叫左5成熟，師傅也拿捏得好好😊。另外，也點了羊架都好好味！我會再一次黎的，小店加油💪🏼
繼續閱讀
今日工作行工廈區一帶，今次隨意搵一間小店食飯，呢間小店唔算太多人幫襯，我入去的時候呢幅相的位置坐滿一班女學生~~~午餐價錢都算ok，學生更可以減三蚊~~~我叫咗F餐飲凍檸茶少冰，是日餐湯係南瓜湯，感覺不錯，唔會咸~~~西檸雞感覺肉係軟熟，不過就感覺唔到酸的味道，平時食慣西檸雞有酸味才開胃，所以有點感覺不似預期，好在入口都幾好食，否則會大打折扣~~~做統計要四圍走，呢幾日的工作會到不同地方開餐，期待聽日搵到間更好的食店p.s. 環境大致ok，唯一唔好係廚房旁邊用來間隔的簾有點爛，和餐廳環境格格不入~~~
繼續閱讀
我幾時都覺得女朋友好好。星期六的晚上我都通常都跟她過的，今天也不例外。我問她：「有什麼想吃的？」她說：「隨你便。」那我問：「吃平的還是貴的？」因為大部分情況都我付錢，所以我以為她會是吃貴的。但她回答：「平的就可以，隨便吃點什麼都可以。」我好感恩，為我荷包省了不少。我們倆走到葵桶，記得很久以前吃過一間不錯的小店，它的卡邦尼意粉真的媲美高級西餐廳，於是我們就決定去食個快飯。這間餐廳叫〖意想屋〗。它的外觀像是一間茶餐廳。我們未點餐，呀姐就先來兩個忌廉湯。湯的濃淍度適中，口感creamy，都算可以，但比較油膩。當我們點餐的時間，呀姐出來推介了〈香煎紐西蘭肉眼扒〉，她說不吃會後恢，那我就來一個好了。其實呀姐都幾好笑，特意出來推介這個牛扒。等了一會就上枱，牛扒大磈，但比較薄身，切開都算七八成熟。但扒的質素本身比較低，所以就算是七八成都好硬身。薯蓉的調味適中，好smoothie。牛扒配燒汁，燒汁幾好，濃鹹度適中。但用接近一百元吃這個就偏貴了。女朋友點了〈香草忌廉汁三文魚炒意粉〉，她吃了一口說；「有腎病的不可以吃。」那我就試了一口，偏鹹，三文魚都偏鹹。究竟為什麼呢？明明以前來過一次吃水準十分高的。難度換了師傅。不過意粉的軟硬度適中，三文魚都好細滑，白汁也香濃，香草味提升了整碟菜的味道，只要鹹了點（女朋友說鹹了許多）。以四十多元來說是不錯的，不要忘記這是間小餐廳。我們坐的位置可以見到廚師在做菜，不過不建議坐這裡，因為好大油煙，吃完飯我倆全身都是油煙味。裝潢是普通茶記的裝修。
繼續閱讀
特別推介漢堡牛肉包，$42呢個價錢簡直超底，又有湯又有嘢飲。如果係出面食呢個漢堡起碼賣七八十蚊唔出奇。薯條係新鮮炸，炸得很香脆，冇油益味，份量夠多，鍾意食薯條嘅人絕對唔會失望，牛肉很有肉味，麵包也烘得外脆内暖。出菜等候時間唔算太耐。好食好食
繼續閱讀
上回去舊屋邨商場食 45 元吉列豬扒定食，物有所值，今次移師葵涌石蔭邨附近街坊小店，驚見 42 元自家製香脆煙肉牛肉漢堡包（可配薯條或沙律），仲包餐飲及餐湯，即試！實物上枱，靚仔噃。菜夠青翠飽滿；包身加工烘底，入口脆軟，讚。餡料有番茄、菜、大大塊煙肉，及被芝士圍封的勁厚手打漢堡扒，豐富喔。切開少少漢堡扒試食，味淡但肉味濃郁，與其他材料同食，反以覺得成個包的鹹度剛剛好。全靠煙肉幫手君加鹹，兩款肉一淡一鹹，超夾。煙肉無煎過火變肉乾，亦非常見的鹹爆貨式。食得出的心思、誠意兼好味，現價絕對低水。
繼續閱讀