24
3
4
營業時間
今日營業
06:30 - 02:00
星期一至日
06:30 - 02:00
以上資料只供參考, 請與餐廳確認詳情
食家推介
平時好少會在呢附近搵食，行過見到一間茶餐廳竟然有咁多小菜可以揀，即管入去試試🦑黃金鮮魷 $118一上枱已經好香咸蛋黃味，外衣炸得香口又乾身，調味亦做得好好 咸香平衡一流 非常惹味，魷魚質地偏軟身 唔係爽脆型🦢豉椒鮮鵝腸 $118豉椒汁炒得一流，鵝腸仍帶有脂肪 入口肥美 爽口嫩滑🍍菠蘿生炒骨 $98醬汁調味同樣出色，排骨略嫌過火 口感偏硬🍚白飯 +$7 🍋凍檸茶 +$9茶膽無得彈，香濃而不澀*CP高 每款都大份量*網上多對服務有意見，幸好是夜體驗還好*店內有多部電視，好傳統茶餐廳感覺 可以電視送飯*座位寬敞 乾淨 坐得舒服
繼續閱讀
呢排呢天氣呢熱屎辣辣，喺深水埗長沙灣呢一頭附近更加係熱到飛起，差唔多有成40度，所以我lunch都係求其搵一間茶餐廳入去試吓。今次我就嚟咗呢一間師傅仔茶餐廳，喺長沙灣金碧閣附近，因為我見到佢個午餐餐牌有三絲炒銀針粉，係一樣我以前細個好鍾意食嘅菜式。咁我見入邊都尚算闊落，而且都有唔少人幫襯，我坐低咗叫咗Chan同埋加咗杯凍檸茶，可惜飲咗一啖發覺勁甜，所以都叫佢轉咗杯少甜嘅俾我。佢啲午餐份量都算大碟，但係銀針粉嚟講都要$55有啲貴，下次可以試吓佢個豬扒意粉同埋咖喱🍛吉列豬扒飯。
繼續閱讀
食早餐係碗麵到食到塊膠布，員工咩唔好意思都冇講，淨係話，喔 咁我換過碗俾你，換完返黎，我話你哋會唔會考慮免單或者平啲，始終問題嚴重，點知員工態度惡劣，表示你唔食就全部收走，然後將淨低未食嘅嘢收走倒晒。
繼續閱讀
話說，一早去叫早餐外賣，講清楚晒要食啲乜嘢，喺門口等咗大概5至8分鐘，就話齊啦。拎上手已經覺得奇怪，我明明要奶茶，點知俾咗杯檸茶我，同佢講錯咗飲品，態度好差咁樣拎返杯嘢飲，然後玩返杯俾我就算數。唔緊要，點知返到上公司，碗麵入邊嘅餸全部都錯嘅，電話打唔通，親自落去玩嘅時候，收銀嗰個仲要同我講，比錯咗有咩咁出奇，換返咪得囉，然後俾返碗整左好耐，淋哂既外賣麵俾我，態度衰到無人有！仲要講到錯左咪行黎換返囉，惡劣到一個點！
繼續閱讀
我每日都會去茶餐廳食早餐，每次都係叫出前一丁，未試過有今日呢個經驗！話說今日第一次去呢間師傅仔，都係例牌叫丁麵，食第一啖就知咩事啦，咪玩我啦，普通公仔麵扮出前一丁心諗都算啦，嗱嗱聲食多幾啖走，臨想走去俾錢嘅時候，點知有個呀姐行埋嚟問我做咩唔食哂啲麵，咁我一向都好好禮貌嘅，我輕輕回佢一句因為唔係出前一丁，點知個呀姐突然勁大聲講: ｢丁麵嚟架!｣跟住走咗…我唔知佢做咩要咁大反應，我唔知我有冇感覺錯啦，佢就好似被人識穿咗然後大返你轉頭防衛自己咁囉。點都好，附近大把選擇，我去食返真嘅出錢一丁
繼續閱讀
您可能會有興趣的...