35
20
28
電話號碼
3716 2898
特色
慶祝紀念日
營業時間
星期一至日: 07:00-23:00
付款方式
Visa Master AE 現金 JCB Diners
座位數目
92
其他資料
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
優惠
日.韓滋味自助晚餐
有效期至:
週末下午茶自助餐
有效期至:
週末自助午餐
有效期至:
招牌菜
四式芝士薄餅 印尼炒飯 帝景精選薄餅 意式燴牛膝 紅燒八味乳鴿
食評 (87)
昨日我與兩隻小魔怪又去了 high tea 因為今次的主題真是太吸引,是我們至愛的朱古力 這個以朱古力為主題的朱古力 Choco 下午茶,除了甜點也有咸點 無錯,真是以甜甜的朱古力來配搭咸點 ... 朱古力配乳豬、天婦羅蝦 ... 味道是點呢 ?! ?! ?! 首先試下這個朱古力波波《朱古力綿花糖圓球》 因為要將熱的牛奶倒落圓碌碌的朱古力波上面 朱古力外殼溶化,就會見到裡面的綿花糖和朱古力脆脆 ... 牛奶涼了就無了這個效果了 將暖暖的朱古力、綿花糖和朱古力脆脆一起食,又脆又軟又甜 ... 實在太滋味 一向愛香口食物的囝囝囡囡就試了他們至愛的薯條 但是今次不是點紅卜卜的茄汁,而是配黑白朱古力醬 脆卜卜的薯條和甜甜的朱古力醬,見到他們一條接一條咁食就知有幾好味 連日式的天婦羅炸蝦也是點朱古力醬來食,這個配搭也不錯 試過朱古力配中式的燒乳豬件未 ??? 在塗了朱古力醬的蛋糕上加乳豬件就是《乳豬朱古力蛋糕》 這個中西合壁的組合,又咸又甜仲有脆卜卜的乳豬皮真是好邪惡,但又好好食喎 唔知囝囝囡囡下次去飲,會唔會又話帶碟朱古力醬去點乳豬食 ... 食甜品前,食件朱古力芒果莎莎鴨胸反卷 薄薄的青瓜包著嫩滑的鴨胸,配上酸甜的芒果粒和朱古力碎,味道好清新 朱古力焦糖燉蛋夠幼滑,加埋燒至脆卜卜的糖面,真是好好食 囡囡最初以為上面的啡色粒粒是黃糖,但是食落口卻是咸咸地的 ... 原來是煙肉碎 咸香的煙肉碎加埋朱古力杯裡面的意大利軟芝士,味道幾夾 還有士多啤梨朱古力慕絲蛋糕、紫薯慕絲黑朱古力... 最後,以一杯朱古力熱飲作結,真是好滿足 ** 以上分享是以我的口味、喜好和情況作出分享和感受,一試 / 合用與否請自行決定 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-09-14
542 瀏覽
之前參加過同事於汀九帝景酒店的poolside wedding banquet, 除了環境很吸引外, 還有那以buffet形式供應的食物也相當不俗。 週一至五的buffet收費 - 成人$438, 早兩天訂座可享有75折優惠, 而週六, 日及公眾假期的buffet - 成人$488, 同樣早兩天訂座有85折優惠。開飯網內更有優惠券, 惠顧星期一至五的自助晚餐更享有65折, 即是三百元有找非常抵食! 於是星期五晚跟老公遊車河到汀九, 順帶到酒店1樓的帝景軒, 品嘗以"日.韓滋味"為主題的自助餐, 過一個悠閒又滿足的happy Friday。惠顧自助晚餐更可享有3小時免費泊車呢! 自助餐由晚上6:30開始供應, 我們7點去到已幾乎滿座。雖然座位不算多, 但樓底高, 燈光柔和, 用餐也挺舒服, 靠窗座位更可遠眺青馬橋的景色呢。 由入口走到用餐處再到戶外, 沿途都擺放了各款食物。先由沙律凍盤開始: 沙律陣營十分豐富, 沙律菜都有四款選擇, 醬汁也有5、6款, 除此之外, 多款沙律材料也是任配搭, 還有特式沙律: 大蝦沙律、泰式海南雞沙律、蘋果合桃沙律等, 選擇十分之多, 必有一款合心水。 凍盤方面有煙三文魚、巴馬火腿、沙樂美腸和凍肉併盤等 。 拼搏之前就來一碟自創的煙三文魚caesar salad作開首。蔬菜挺新鮮爽口, 煙三文魚帶點點煙燻味, 口感甘腴, 加上醬汁和可口的麵包粒, 清新開胃。 海鮮方面, 選擇雖不算多, 但有大量的長腳蟹, 珍珠帶子, 大蝦和青口不停供應, 每款都堆到滿滿, 蠻吸引的。 當中的長腳蟹腳啖啖肉, 肉質鮮甜, 擠上檸檬汁令鮮味更出眾。而珍珠帶子連同貝殼上, 賣相已加了分, 鮮甜彈牙的肉質, 的的骰骰多吃幾粒也不會膩。 另外還有供應麵包蟹, 蟹膏多到不得之了, 每口盡是蟹膏的飽滿厚實, 相當滋味滿足! 緊接到刺生類 - 刺生counter設於入口處, 供應三文魚、吞拿魚、甜蝦、鮑片和鯛魚。唯獨沒有飽肚壽司供應, 這樣也好, 可以專注在刺身上。 淺嘗三文魚、吞拿魚和鮑片, 厚切的鮮甜, 同樣令人滿足。 凍食過後先來點飲品, 除了一貫自助餐會提供的咖啡奶茶, 檸茶檸水外, 竟然有個凍櫃, 放滿了玻璃樽裝汽水, 有別於一般的自由斟汽水機, 樽裝特別有汽, 非常受大人和小朋友歡迎, 吃自助餐再喝汽水, 爽啊~! 另外自助晚餐加$58, 就可以任飲紅白酒以及啤酒, 愛喝杯的食客最適合。想喝口熱湯, 中式老火湯, 或是西式忌廉湯都有具備。 接著到熟食熱葷, 用餐區中間位置放了很多種類: 人蔘雞最為搶眼搶手, 還有菠菜煙肉焗生蠔, 白酒煮青口, 白汁焗芝士西蘭花, 西芹腰果蝦仁, 蒜香海皇炒飯, 瑞士煙肉洋蔥煎薯餅, 葡汁燴海鮮, 菠蘿荔枝咕嚕海鱸魚等等, 大多都是海鮮為主。 熟食除了海鮮, 當然還有即場切割的燒牛扒。 當中的德國豬手最為有驚喜, 雖然豬香味未算濃郁, 肉質腍軟香口, 配上酸菜食倒是很惹味。另外一款牛仔骨也不錯, 多肉汁時又不會過韌。 見其他食客於玻璃走道旁邊的門口進進出出, 於是跟著看看, 柳暗花明, 原來推門而出走到外面, 設有戶外座位區, 並以懷舊為題, 比起室內的柔和又是另一世界, 更可遠眺青馬橋的景色。要是秋冬到來, 定必更有氣氛! 而且設有燒烤區, 師傅即場燒製燒魚、燒羊架、燒帶子等香氣十足。 當中的帶子燒過後香口彈牙, 熟的程度控製得剛好, 可以多食一回。燒魚外層燒到金黃, 內裡的魚肉仍保持嫩滑, 不錯呢。而燒羊架則有點點羊羶味, 較為一般。 而旁邊的熱盤中放著的竟是花膠冬菇! 一整盤的花膠! 可知道花膠是女生滋補恩物呢, 頓成今晚的焦點, 而且自助餐竟可無限量的任食到, 叫人心花怒放。花膠煮得很腍, 滑溜溜的, 每口充滿膠原感, 茨汁調味的香濃於口中散發出來, 令花膠更加滋味。冬菇同樣煮得腍軟入味, 與花膠非常配合。必食的推介! 最後來到甜品一環, 除琳瑯滿目的各式蛋糕甜品, 朱古力噴泉外, 還有自製pancake, 原桶豆腐花和麵包布丁。 當然少不了雪糕的份兒, 這裡提供的是Haggen Dazs。口味有6款:咖啡、朱古力、雲尼拿、士多啤梨、士多啤梨芝士蛋糕和綠茶味。還沒有嘗過品牌的綠茶味, 這正好是機會! 最搶眼吸引的, 莫過於是師傅現場即製的窩夫, 熱烘烘的焗製出來, 淋上糖醬, 加球凍冰冰的雪糕於面, 簡直是十分滿足。 最後多來件班蘭蛋糕和芝士蛋糕就圓滿結束。 選擇十分之多, 雖然質素未算是十分超班, 但絕對是滿足果腹有餘, 加上使用優惠劵後的價錢, 確實是相當經濟, 飯後更可欣賞港版"台場彩虹橋"的景色, 散散步浪漫一番呢! 繼續閱讀
(以上食評乃用戶個人意見 , 並不代表OpenRice之觀點。)
Bad
新晉食家 2016-09-03
794 瀏覽
Tea buffet款式少,好少好少熱食不知所謂,唔refill, d青口粒粒冇肉,either 人只夾走舊肉,但從不refill, 冇啖好食刺身尚算可以,但唔夠新鮮,冇味水果從不refill只有茶啡水咩都冇,178/ person仲要唔就腳!冇人,d待應都唔比我地座窗口位,話排book位次序,但唔見d人有到law 繼續閱讀
(以上食評乃用戶個人意見 , 並不代表OpenRice之觀點。)