3
0
0
電話號碼
2481 8686
營業時間
星期一至日: 07:30-20:30
提及此餐廳的食評 (3)
(非會員) 2008-06-20
禽日放工前覺得好肚餓,又想食拉麵, 就起OpenRice Check下葵涌附近有無好嘅拉麵介紹, 比我發現間拉麵館, 評分都OK, 就獨自去試下菜啦! 若OK, 下次就拉大隊去.入內環境細細, 不過夠乾淨同坐落幾舒服, 菜單除了一般性嘅九州, 鰻魚, 軟豬骨等等拉麵/烏冬外, 重有血地獄系列, 咖哩系列, 日式小食等等.我就叫咗我個人最愛食嘅咖哩吉列豬排拉麵, HK$33 (包嘢飲), 塊吉豬D炸粉炸得幾鬆脆, 不過有陣油味, 拉麵幼細夠彈牙, 咖哩湯低有日式咖哩味, 似出前一丁咖哩麵個陣味, 不過湯幾清, 無味精及夠熱, 麵嘅配料合為日式拉麵落個D, 不過不多. 最後, 整碗拉麵比我食晒, 連湯都飲光, 立時滿足晒, 杯熱奶茶較為多奶, 少了茶味. 食完真係好飽. 試完次, 下次就帶班FD食, 咁就可以叫D小食一切食, 小食都OK平. 繼續閱讀
(非會員) 2008-04-10
今日同同事放工, 經過一間開嘅拉麵舖, 叫做川拉麵, 聽D同事講好好食, 所以咪走去試吓囉. 間舖頭雖然唔係好大, 但係勝在好乾淨企理.我地坐低咗之後, 就一人叫咗一個拉麵. 我地叫咗一個什錦海鮮拉麵, 一個义燒拉麵. 見到佢個餐牌介紹一D小食, 好似好好味, 諗嚟諗去都唔知揀乜好, 後尾佢地就介紹咗個蝦天婦羅同金菇牛肉卷比我地.個什錦海鮮拉麵一D都唔馬虎, 有好大隻嘅帶子, 蝦, 蟹柳, 魷魚, 青口, 真係落足料, 而且好新鮮, 真係估唔到咁嘅價錢會有咁好嘅質素同咁足料. 個豬骨湯底夠濃好夠味, 一D味精都冇, 結果飽到上心口都飲晒D湯, 一滴不流, 正!至於個义燒拉麵以為好單調, 但係都好好味, 大大塊义燒一D都唔覺得肥膩, 拉麵又好彈牙, 絕對唔會因為咁而去用味精蓋過成個拉麵. 义燒配豬骨湯底, 簡直係絕配, 飲完都唔會覺得口渴.其實已經好飽, 但係點都要食埋D小食, 個金菇牛肉卷, 佢地將佢切成細細件, 一啖放入口, 好容易食. 加埋佢地秘製嘅醬汁一齊食, 一啖咬落去, 真係好好味, 一D都唔覺得油膩. 至於個蝦天婦羅就唔同出面果D, 絕對唔會漿粉仲厚過隻蝦, 而且隻隻都真係好大隻, 有相為証. 熱辣辣啱啱整出嚟, 非法脆口, 趁熱食就最好味.佢地D嘢都嚟得好快, 成餐飯一D都唔貴, 而且都食到好飽, 仲有嘢飲, 杯奶茶好香好滑, 好濃茶味, 絕對唔會比茶餐飲遜色, 值到一試. 下次要試吓個麻醬冷麵至得. 繼續閱讀
見習食家 2008-04-03
上星期夜放工,見公司付近開左間拉麵店。就同接我放工既honey一齊試下。雖然鋪位不大,但紅色裝修都幾醒神~坐低見到都keep住有幾枱客(大家都鍾意試新野?)我地叫左兩個拉麵餐\,前菜係醃青瓜,好開胃!個海鮮拉麵都吾係是但整D蟹柳蛋wor,有青口.螺,豬骨湯夠濃,忍唔住飲左半碗...好彩無頸渴(唔似得個D\"味精拉麵\"食完要勁飲水!)D麵好似比平時的幼,但都ok彈牙。(我見侍應姐姐個袋夾住個計時錶,可能用黎煮麵計時...haha),最後送熱飲or綠茶。我見餐\牌寫午市小食有7折(e.g.沙律,天婦羅),下次食晏同同事黎試下先~ 繼續閱讀