川妹子餃子 (已結業)

環境：👣👣食物：態度：😊性價比：🤦🏻‍♀️環境方面，好有內地feel，好焗，好似無冷氣，空氣唔流通，唔多枱，唔算多人，但上手杯野飲五分鐘都唔執。食物方面，我叫左重慶米線同粟米餃，佢上左重慶粉比我（落錯單？）。味道好一般⋯⋯餃子皮厚，實，硬，無乜內涵⋯⋯酸辣粉數一數二差。態度方面，好傳統地用國語同我講野，但佢聽得明廣東話。上菜好似好憎張枱咁啪啪聲。有對夫婦見到無卡位想走，侍應叫我調位，比張卡位佢，叫我坐中間張十二人長枱⋯⋯最後對夫婦走了。侍應見我叫酸辣粉，半命令半提點我叫我點餃子。野食叫完佢記得未比杯水我⋯⋯店員仲要係客人面前嘈交⋯⋯

我一直好喜歡食麻辣，對於麻辣火鍋、水煮魚、水煮牛、口水雞都愛不釋手！有一次在大埔遇到朋友，她正在此店食午餐，我坐低同佢傾偈，見到此店係麻辣嘢，於是抱住一試無妨嘅心態，搵左晚同老公黎試。一試難忘水煮魚 - $168首先價錢相比外面平好多，但絕不馬虎，係用新鮮桂花魚，份量十足，食都有，味道更係正宗四川味另外我仲試左北方蒸餃子，對於超愛餃子，一碟10隻小兒科，我應該可以食20隻我問過老闆，佢地正宗四川人，所有香料都是從四川運過黎，唔怪得啲味道咁好啦！佢間舖仲有水煮魚米線，食唔哂一窩，可以叫米線！其實仲有好多四川菜，下次要再去試先佢仲有個麻辣雞煲任食火鍋，都好想試

一間隱藏大埔嘅小店我覺得一間餐廳最值得人回味呢度整嘅嘢食佢真係似屋企食嘅嘢佢呢個手工餃子你明顯食到其實佢冇咩落味精因為手工嘅緣故呢冇咗出邊買餃子嗰陣味因為唔係經常食呢間啊所以呢我已經有啲唔記得咗啲食物名啦如果想食物啲味道出啲嘅話我建議呢就加一加旁邊既辣油嗰陣味真係出晒嚟💦呢個餸係真係好好食因為平時呢我就唔食辣嘅呢碟餸真係辣住你食啊好香口同埋配料好多嗰啲肉啊好爽口的芹菜呢好香以下兩個面呢因為好似係啲四川淡淡面定係咩啦啲面其實好有咬口湯就吾濃味既因為食嗰陣我都係病緊所以覺得都可以接受嘅飲品方面呢冇特別影相不過超級難飲叫左兩杯檸水只可以講係檸檬有檸檬味水有水未..

其實口味既嘢人人都唔同，但個人認為喜歡食辣既人，呢間都算喺大埔區唔錯既選擇，唔係其他食評所講難食等嚴重字眼，小店同北上效果事實係比較接近口水雞$72（不好意思，本身無諗住寫食評，所以食左，好味先影番）價錢就中等，叫左支啤酒$20韮菜豬肉餃30蚊10隻可揀灼同煎（聽啲侍應講係自家製）酸菜魚$168大大兜好香，我揀左中辣，剛剛好魚片厚厚的，啖啖肉，只是骨非常短小店已買小見小，我覺得唔算貴，當然唔好同大陸價錢比，但味道同大陸食相近，值得光顧始終小店環境一般啦2個人$290，冇加一

見到人哋Facebook post鴛鴦火鍋，大埔真係冇乜幾間有川菜同埋麻辣鋪頭，今次就試吓食，點知個價錢好平，平時食雞煲都要成八百幾蚊兩個人，而家呢度每位收138，非常抵，仲有好多配菜選擇，雖然好多火鍋配料都係素菜多，但係都有牛肉食，另外飲品仲任飲添，可以飲凍檸茶、凍檸蜜、熱檸水呢啲茶餐廳飲品，雪櫃入面仲有罐裝飲品，例如可樂等，埋單都係＄300有得找，鋪頭仲要開到子夜12點左右，對於我哋呢啲比較夜食飯嘅小市民，呢個地方係我哋首選

今次係我第一次去食，都睇咗好多食評話呢間嘢唔得（其實都有啲擔心架），不過我覺得，好食唔好食都係好個人嘅，所以今日鼓起勇氣去一試，今日首次試咗佢嘅韮菜餃配麻辣汁。雖然個麻辣唔太辣唔太麻，不過勝在夠香，夠味,（睇嚟個廚有心煮得唔太麻辣以適應香港人口味）講返啲餃子先（佢叫川妹子餃子，“餃子”好應該係招牌菜，好應該係鎮店之寶嚟）好啦，放口一試一口咬落去啲汁咇出嚟架肉又鮮係無希望中見到希望，所以話無論人點講都好，自己都係試一試，就算堅唔好食都試過吖，唔好人云亦云。所以我會keep住食，試清楚佢啲水準

諗住近近地試下，每人148任食打邊爐成個質素都好差，點乜送都會同你講冇，只有佢幾款配料擇。得幾樣...最後叫左牛柏葉，生菜，什錦丸，肥牛。D肥牛真係勁肥，特別係D丸有陣怪味😟😟😟😟吾會再黎！！！！

由於想食辣野，係大埔搵到leeb間川菜館就試下。一坐底拎個餐牌已經唔係好敢掂，油笠笠⋯跟著叫左 海帶涼伴，口水雞，紅燒茄子，酥米豬肉餃，重慶酸辣麵。 其實全部睇落係好辣好川菜，但其實真無全部的個樣冇樣野係好味。特別係個重慶酸辣麵，就咁睇個樣唔知邊到似重慶酸辣麵，我平時只係食開小辣，但個麵一d 辣味都冇，口水雞個樣又係好辣咁，其實一d 都唔辣，茄子都係..而且一入口過林之餘成口油....對lee 間野真係好失望，食左咁多次川菜，我覺得佢唔係一間川菜館

和朋友逛完大埔超級城，突然很想吃辣辣的川菜，在商場找不到合適的餐廳，便上網找到這間像家庭式的川菜，很不起眼的小店，而且地點不是太好找。看看餐牌，十分親民的價錢，真心希望這小店能一直經營下去。口水雞飯快餐連清湯都只是$35 ，我們是晚飯時間去，這個年代竟然還有$35一個晚餐，加凍檸茶都只不過是$5，真在太經濟實惠了。別以為這麼便宜就是低檔次，這口水雞分量非常足，雞肉嫩滑，味道不會過份濃，但可能對喜歡大辣的人會覺得不夠辣，因為我和朋友平時都只能吃中小辣。口水雞的辣汁配白飯完全是一流，實在是價廉物美！另外還點了兩個小吃，涼拌野生雲耳（$28）和涼拌土豆絲（$35），又是價錢很相宜的。吃川菜最愛吃這些涼拌的小吃，酸酸辣辣非常開胃，爽口脆身，拌飯也很棒，而且有淡淡的麻油和花椒油的香味，真是一頓很美味的晚餐。我們看見旁邊的客人在吃火鍋，滿枱都是配料，看起來十分豐盛，再看看餐牌，任食雞煲火鍋竟然是$148而且不設加一還送甜品，我們決定下次要大伙兒來試試看，支持這間大埔小店！

大埔川妹子餃子 平均消費每人$50舖內位子算寬敞 兩邊卡位可以坐四個人 當日兩個人4點幾去舖內無乜人 環境唔算太乾淨一坐低就叫咗一碟豬肉餃子同一碗生菜牛丸湯 野食好快就到: )熱辣辣一碟餃子12隻 皮薄多餡 味道意料之外鮮 兩個女仔食其實食唔哂一碟牛丸湯賣相似清湯無乜特別 但飲落至知味好濃 味精就少不免 不過牛丸就超彈牙！！唔飲啲湯食下牛丸都ok 生菜入哂味 味精太多-__-最後埋單每人32蚊 不過可能唔係最旺時候 舖面得一位女士看舖 收錢地方又唔清唔楚咁 不過餃子係好食嘅 價錢合理 有機會行過都會幫襯

第一次入去大埔食川菜，經朋友介紹，order了口水雞($68) ，餃子湯麵。我一心最想試係口水雞。口水雞到先，咬左幾口，發現d 雞有血，同鋪頭阿姐講，阿姐拎左碟雞再蒸8分鐘，d 肉蒸得太熟，食唔到。完全好失望。無晒心機！！68蚊一碟半隻雞都無，又唔熟，又唔辣。下次唔會再幫襯。

this restaurant is easily one of my favorite restaurants in Tai Po. my mom and I love this place. their portions are pretty big and satisfying, and the texture of their noodles is what it's supposed to be -smooth, dense and firm, yet not too stiff. we ordered Ja Jiang noodles (炸醬麵, $35 [?]), and the combination of the minced meat sauce and the noodles is so delicious! we also had noodles with cabbage pork dumplings (白菜豬肉餃子麵, $30). the skins of the dumplings weren't too thick and the ratio betwee

其實已不是第一次來。今日等野食的時候順便check openrice. 覺得要為呢間小店平反下。之前食過餃子，係北方餃子style，我吃的是煮餃（即不是煎餃）清清地，記憶中是不錯的，皮不是特別厚的；但當然比水餃皮厚。如之前的review說，人家賣的是東北水餃啊，皮是該這樣的！最喜歡的是他們的酸辣粉，夠酸也夠辣，但沒有像其他地方的有一層厚厚的油。我要求走肉碎，碗粉依然好香。另一推介是手拍黃瓜和麻辣木耳（可雙拼的）。手拍黃瓜不是刀切的，真是手拍的。分別可大了：手拍是令汁入味到黃瓜裡，黃瓜好清甜，讚！今天也點了凍檸賓，我想他們現在有lemon飲品了。 友人叫了口水雞酸辣粉，我試了一塊雞，有點硬，但一碗粉加一碟雞才35元，這樣的質素是收貨了。又點了菜心。菜心算甜，也不是一般店的一大「碌」的菜心，細細條，不錯！（但菜心上加有一些肉碎，我反而不喜歡）總的來說，川妹子並不是一間好到要你撘車入大埔食野的餐廳，但不失為有心機水準不錯的街坊小店。

今日特然好想食餃子，想食既係北方蒸餃而唔係Ｘ仔碼頭果Ｄ湯餃。　即刻上ＯＰＥＮ　ＲＩＣＥ搵。。。大大大埔有無得食。。！！！點知真係有。即睇食評點講先。。。。依而，個個都話ＢＡＤ　ＴＡＳＴＥ，心裡歉一歉。再睇真Ｄ，餃子皮太厚，猪肉太硬，炸醬面太醬。　按字面解，都唔係味道唔好！皮厚係北方餃子既特色，猪肉硬係因為肉夠瘦，唔似Ｄ酒樓燒賈甘９０％肥肉。不過如果食慣左Ｘ仔碼頭水餃既朋友一定食唔慣真正北方蒸餃。　晚上都係胆粗粗去試，字面解釋係合情合理，不過都真係驚唔好食。入到去餐廳，環境都ＯＫ干淨。　有好多撚手川菜，夫妻肺片，口水雞，水煮牛，水煮魚，涼皮，炒手。。都係賣飛佛。不過今次先食餃子。　　　果然俾我估中，你真正既北方蒸餃。特別係皮厚但具質感，皮乾水，肉質豐厚，肉汁小但香濃。　可惜，我未及試其他菜式已經飽左。　不過好想試涼皮，我諗應該會好食。如果你食得慣大陸既東北餃子，東北菜，四川菜，做應該會鍾意食呢間川妹子餃子。不過如果你好少係大陸食野，未試過大陸既東北，四川菜，甘你可能食唔慣。另外，有任女待應係都推我食果個樣似豆腐花既咩。。。椰汁涼Ｘ百花。。。。，係四川傳統甜品。　１２蚊碗，初初睇冰唔似冰，

住係大埔墟，好多好出名的食店，但好多都是太過譽的，我就成日上OPENRICE CHECK吓有咩新開餐廳，同家人走去試吓~知道有依間川妹子餃店，就走去試吓LA~ 反正最近迷上了薯粉下午三點幾去到，店內得一枱客，我就成為了第二枱了~ HAHA，好似包場咁呢~叫左$ 25的下午茶，一碗牛丸薯粉，另一碗係粟米豬肉餃子薯粉~飲品就叫了華田同好立克`~~ 想叫檸檬茶，但係店子無供應檸檬類飲品~1. 飲品: 華田同好立克正常，無乜特別~2. 牛丸薯粉牛丸都正常，無話好唔好食，都係D行貨野~但係湯底非常之咸，好味精，唔該唔好落咁多師傅LA~而薯粉都夠煙UN，不過我都係鐘意霸王山莊的呢~3.粟米豬肉餃子薯粉吃了同行朋友的粟米豬肉餃子，搞咩D豬肉咁搞鬼既，入邊有好多硬肉，餃子又無肉汁，去超市買包灣仔碼頭OR公仔點心都好味過佢LOR~個名仲要叫川妹子餃子，點知D餃子咁不濟架~係大埔用 $25 吃個TEA可以有好多的選擇呢，我不會回頭了~ HAHA，我是不會再中計的