富久保手打烏冬 (已結業)

位於海港城美食廣場 cookedDeli, 因租約期滿, 在2024年2月20日結業, 膠粉特意去拍下作為最後記錄. 片中出現食物為: 富久保 咖哩吉烈豬扒飯 $85 Youtube: Kevin膠玩膠食         

我知道同以前間富久保唔同，但係都唔係咁甩皮甩骨㗎？一開頭想叫個滑蛋烏冬，嘗試懷緬吓以前嘅味道可惜餐牌已經面目全非，咁我唯有叫咗日本大蜆烏冬同6粒章魚燒第一啖飲個湯，勁淡，最基本嘅蜆味都冇，湯味單調，冇層次。啲烏冬淋到好火鍋鋪，唔洗雪唔啲咁嘅口感，一夾就斷，慘。蜆又咬唔開，又冇味發生咩事？點解難食到咁我老婆話我太耿耿於懷，太大期望。其實唔係囉，嗰個質素真係完全唔值咁嘅價錢。茶餐廳都好食過佢，非常失望

堂食要求飯另上，因為之前試過佢汁多過飯，食得好辛苦；職員個腦話飯唔可以另上，我解釋唔想咁多汁，好聲好氣問佢走汁得唔得；又唔俾人走汁，要求飯另上/走汁，好似殺左佢全家咁！已決定永不光顧，不知所謂！

到咗晚餐時間，但又唔係好肚餓，行咗個food court 一圈，最尾揀咗呢間餐廳，點知一食佢個烏東，驚為天人❗️，能夠將烏冬整到咁難食都真係好難，❗️仲要話係手打烏冬，真係要寫返個食評記錄下。-💔💔💔蜆肉烏冬烏冬完全唔Q彈，好粉，一咬一斷，毫冇口感可言，係超市、759是但買款烏冬都好食過佢，咁大個人第一次食到咁難食嘅烏冬。個湯底好淡，完全唔夠味，好似食緊病人餐咁。😵‍💫啲蜆肉都唔算好食，但要食到個麵就要靠啲蜆肉，雖然最尾都係食唔晒碗麵。

Ordered the pork and egg katsu rice even though they recommend their udon. The udon was not good at all the last time I tried it so decided to try their rice. It actually tasted better than their udons. The egg was slightly sweet and the pork katsu was still a bit crispy.

Food court udon,but tastes very bad. Probably better if you just. Uy instant ones from the super market. The soup base is also very salty, and the chicken was very tough. Do not think it was worth $6x dollars at all. They also do not give you hot water in place of hot tea

Lunch time食飯叫咗個青花魚飯外賣67$ 一打開個外賣盒，見到得一舊細過手板的魚仔之後再打開個湯，得半碗咁嘅餐廳 咁嘅份量 咁嘅性價比值唔值得幫襯 真係大家自己考慮

今天出開尖沙咀中午突然想食日式吉列豬扒飯，咁啱經過海港城food court有間叫富久保手打烏東有得食，咁就試吓啦，我order左個和風吉列豬扒定食，我都有D奇怪剛落完單都未夠兩分鐘就可以攞餐，睇個賣相都正正常常，點知真的非常難食，佢D吉列豬扒又凍肉質又霉外層炸漿死實實，感覺好像是急凍炸豬扒仲要放雪櫃好耐差不多過期嗰隻咁，D飯又硬又乾好似唔識煲飯咁，成個餐食咗兩啖已經冇食，雖然價錢不是太貴，但這樣的質素比人，怎會有回頭客，總之不可一不可再。

個烏冬完全無咬口，只不過係比較粗嘅麵條，衰過超市賣果啲幾蚊包嘅烏冬仲話讚岐，簡直就係笑話。牛肉似豬肉片多啲，番茄濃湯淡到死比譚仔茄湯仲淡，$75不如去食譚仔。是食過最爛食嘅烏冬仲睇到廚房姨姨無戴口罩

富久保💚野菜雜菌烏冬 $62咖喱炸雞飯配麵豉湯 $68牛肉烏冬 $656粒八爪魚球 $36-野菜雜菌烏冬本身仲以為會係蕃茄湯🥺因為見到佢Menu相張相係咁不過後尾睇返原來係要加$15先可以轉蕃茄湯🍅🤣不過好彩佢個湯底唔係豬骨湯佢個湯底有啲似清清地嘅醬油湯底😚熱辣辣 好適合冬天👻佢真係俾咗好多菜同菇佢有娃娃菜 同埋🌸型嘅紅蘿蔔🥕仲有秀珍菇同埋香菇🍄再加埋啲蔥 好香呀😚啲烏冬煙韌適中👻．6粒八爪魚球好搞笑 我仲以為佢係章魚燒添🤣睇返張單 先知道原來佢叫做八爪魚球佢入邊好多粉漿粒八爪魚有啲細粒🐙入邊有啲蔥點綴即叫即做熱辣辣🤤．其實唔係好記得有乜嘢想講🤭基於太耐先寫有特別 或者我記得有咩想講 我先寫👆🏽-13/11 eat唔寫得好詳細㗎啦💁🏻‍♀️-好味程度：🌕🌕🌕🌑🌑抵食程度：🌕🌕🌑🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑👆🏽咖喱炸雞飯配麵豉湯 👆🏽牛肉烏冬

聖誕夜周圍都多人，我地來個快食food court 😌 全個場睇來最旺場這間，就食這間吧🎅🏼🎅🏼。「牛肉烏冬」其實佢有特濃蕃茄湯底，但我想試下佢既原味湯底先🤪 烏冬手打造成，因為每條粗幼不同，有咬口😙 牛肉列名為日本貨，但無咩特別😅 一般般感😏「追加- 吉列炸蠔」感覺新鮮炸起，吉列鬆脆👍🏻👍🏻 蠔肉肥美備註：🔺可以全場叫哂，一次過拎單去櫃位埋單🤭🔺咁忙碌店員，仍然可保持禮貌👍🏻

見到少人又肚餓，走咗入food court食，之前淨係喺度食過墨魚丸，都ok的，今次想食咖哩，諗住啲咖喱應該冇問題，點知啲咖喱好似湯咁樣，完全未見過咖喱煮到好似水咁......塊吉列豬排得半份，仲要好薄，我第一次見到日式料理個實物同食物模型分別咁大......真係大家樂都好過佢十倍😓food court果然係叫難食廣場唔係美食廣場。

返工食Lunch食到唔知食咩好，打開個外賣平台app睇下，見到呢個set好似幾吸引，就一於試試。途中有少少插曲，餐廳職員打黎話唔小心倒瀉咗我個外賣，需要時間重新整過。.個set黎到仲好熱，我都估唔到一百蚊可以咁多野食。有6粒正常size章魚小丸子，入面真係有章魚。個咖喱鳥冬有d紅蘿蔔、薯仔同蛋卷(?)等做配菜，咖哩湯底無我想像中濃，但都夠味。個烏冬食得出唔係普通烏東。至於吉列豬扒就正正常常。跟餐仲有一罐汽水，但我實在太飽，食唔晒。. 以海港城外賣黎講，間野都算性價比高。

同朋友放工飯都唔食走去海港城睇手袋，睇完已經九點幾🙈要堂食10:00死線，就求其喺city’super food court搵啲嘢食醫肚。為咗趕及喺啲食店last order之前嗌嘢食，冇得慢慢揀食咩，就揀咗一入門口就見到嘅富久保手打烏冬。揀咗個比較貴嘅和牛烏冬（$108），轉咗做豆乳湯底。烏冬好細碗，啲烏冬煮到好淋，完全無咬口🙁兩塊和牛相對都幾大塊，不過無乜牛味，和牛嘅油脂香就更加無啦🥲豆乳湯好濃厚，直頭覺得有啲膩，除咗有啲豆味之外，一啲鹹味都冇，加埋杰杰哋嘅湯底，同烏冬好唔夾🙈真係好少食到咁唔好味嘅烏冬🙈仲要過百蚊咁貴💸💸💸下次喺food court都係唔好有咁大期望，揀啲經濟啲嘅野食，唔好味都冇咁心痛💔💔💔

可能今日紅日個FOOD COURT FULL左行左一個圈又一個人先有個單丁位呀都係諗住一個人食個快飯就諗住簡單D去FOOD COURT點知都爭D無位........................一眼就望到呢個日式烏冬幾吸引咁點左:咖哩豬扒烏冬個咖哩湯幾香唔會好水好稀果隻唔覺得好味精飲左幾啖忍唔住烏冬算幾滑幾有口感份量亦都正常食完係夠飽的豬扒呢係略嫌個炸粉少少厚唔係的話都OK豬扒肉質都係正路整體黎講呢間烏冬係可以ENCORE既下次可以試下其他配料