15
7
6
港鐵上環站 B 出口, 步行約1分鐘
所有分店 (10)
電話號碼
2850 6722
營業時間
星期一至星期日: 07:30-23:00
付款方式
Visa Master AE 現金
其他資料
酒精飲品
加一服務費
提及此餐廳的食評 (30)
殿堂食家 2014-09-15
4258 瀏覽
XO仔身患食物敏感症,由細到大都唔多食海鮮,不過長輩請食飯,無論係素菜或海鮮宴,小弟有空必定賞面出席 。今次Auntie N所揀選o既「好彩海鮮酒家」,以海鮮聞名,感覺亦較舊,起初都有少少驚自己會唔慣,勢估唔到海鮮宴中亦有多款菜式啱小肥口味,食完餐飯仲足足重咗一公斤 !上環「好彩」地點都幾就腳,乜車都到,唯一問題係放工時候路面頗為擠塞,所以最方便都係搭附近都有站o既地鐡同電車。酒樓樓面低,裝修唔算係好陳舊,不過室內有幾件較潮o既擺設就好似有少少格格不入咁。此外,盡管當晚只有兩、三枱散客,一出升降機已經覺得幾嘈,好在Auntie N係熟客,請客一早安排咗間廂房,我地一圍十二人都坐得好鬆動舒適。「好彩」o既餐具款式其實有少少過時,當中雖然未有崩裂碗碟,但就開始有退色現象,同新淨金黃o既餐巾好似唔多夾,所以輕輕扣咗分衛生分。房入面有位叔叔負責分餸,不時亦有位姐姐為客人加添茶水,斟酒方面就稍為慢咗少少啦,好多時都要我地自己黎。經理哥哥都有入過黎跟進食物,問及auntie對各方面o既滿意程度,當XO仔要求印出菜單,佢都好有效率地辦妥,態度友善認真 。 堂剪乳豬全體:「好彩」貴為海鮮酒家,居然能夠燒出如此鬆化脆嫩o既乳豬,小肥真係愕咗然 !意料之外o既仲有伴豬o既麵包,可以話係細佬食過最鬆軟熱辣、最香甜美味o既一家,難怪當晚碟乳豬同麵包一出,短短十五分鐘就已經掃清,一件都冇得剩 ! 白灼游水蝦:游水蝦新鮮爽口,簡單白灼已經好夠鮮甜,果然真材實料! 杏汁燉白肺:白肺湯好足料,白雪雪、滑嘟嘟o既豬肺洗得又夠乾淨,加咗杏汁一啲都唔粉,飲落清甜潤口,舒暢暖胃。 酥炸美國蠔:嘩,啲蠔真係好巨型,上枱時已經夠震撼,入埋口簡直係不得了!蠔本身肥美,師傅酥炸時間掌握得好,所以做出黎層炸皮薄脆o既同時,蠔o既質感仍能保持嫩滑,效果非常好 ! 蒜茸粉絲蒸元貝:帶子連殼原隻上,每人一隻,好有睇頭!大大隻o既帶子好厚肉,有少少嚡亦屬正常,不過最美味o既就係底層入哂蒜茸味o既粉絲。 上湯焗龍蝦伊麵:據經理哥哥所講,龍蝦從澳洲入口,味道比波士頓龍蝦更為濃郁清甜,肉質豐厚得黎亦較為爽口,XO仔唔係好識比較 ,不過都覺得當晚個味龍蝦真係幾香甜爽脆,咁唔知價錢又係咪相對地比波士頓龍蝦貴呢 ?! 粥水浸蕃薯葉:蕃薯就見得多,小肥真係唔知蕃薯啲葉都可以煮黎食,仲要用米湯煮浸,真係好特別!蕃薯葉貌似莧菜,食落就似菠菜,口感軟腍,食完條脷又唔會嚡,比起莧菜及菠菜略勝一籌。 環球鮮果盆:唔知同Auntie N係熟客有冇關係呢 ,啲菠蘿同西瓜都超甜。 美點雙輝之芝麻糕:新鮮滾熱辣蒸出黎o既芝麻糕屬微甜,清滑煙韌,幾得意。 雙皮奶:食完咁多味餸菜及甜點大家都已經飽到攬住個肚,點知auntie居然仲有一款壓軸甜品「雙皮奶」,一人一大碗,勁量級過勁量級 !雙皮奶香嫩幼滑,甜度恰到好處,auntie真係冇介紹錯,嘻嘻,小肥亦老實不客氣,食埋媽咪嗰碗 。今次真係非常感激Auntie N安排咗依頓豐富o既「七彩海鮮宴」,令XO仔認識到出名食海鮮o既「好彩」,環境雖然並不出眾,但卻原來燒得一手好乳豬,師傅用材上盛,就連配菜o既麵包及甜品o既雙皮奶都同樣高質美味,實屬驚喜 !當晚始終係auntie請客,小弟亦不好意思詳問價錢,所以對是否抵食一項,不能作出評論,還望大家見諒。 繼續閱讀
卓越食家 2013-02-17
2551 瀏覽
年初八,三叔一家來拜年,我提議一家人到上環好彩海鮮酒家。這天我們被安排在三樓,三樓全層均是間隔,私隱度高。我們點了很多點心,其中一款是腸粉,皮很厚,幸好叉燒夠味又不會太老。再來是馬拉糕,好香好鬆軟,好味!農曆新年必叫的'橫財就手' (豬手)。我不愛吃豬手,所以沒有品嚐,親戚說不夠入味。雞腳,中規中矩。鮑魚雞粒炒飯,想不到雖然只是 $88 但味道相當不錯。其他還有流沙包、叉燒包。流沙包能夠做到真正流沙效果,但反而招牌叉燒包包底太厚身、叉燒太少、汁也不太足夠。有一事一定要提出是,今天差不多所有人的碗都很污穢,上手留下的飯物污穢仍未清除,有點恐怖。 繼續閱讀
入門食家 2012-04-20
1667 瀏覽
4人晚飯叫野個陣個員工俾我地睇D海鮮都真係好細吃到有點沙粉絲多點會更好太細小了再煎金黃D會好好吃菜5夠熱這個很好吃服務很好我們吃到很晚last table 佢地都冇吹我地走 繼續閱讀