奇華小廚

營業中

休息中

小人向來都以為奇華只是一家餅家，卻原來在餅店旁開有一家食店。這天的午餐，就在同事引領之下到了他的飯堂。本乾炒牛河控去到任何餐廳都最喜歡試它們的牛河。這碟牛河炒得有鑊氣，油份不算多，卻還是滑潤不乾。河粉條條分明，調味恰好。牛肉塊軟嫩，而爽口的芽菜及散發著清香的韮王亦配合得和諧。同事說這裡的燒味值得一試，所以要了切雞飯。雞肉果然細滑，雞皮緊致，而且雞味甚濃。蔥油不會過鹹，用來蘸點雞件更加惹味！飯的質數亦不差，夠熱帶飯香。這兒不難成為小人的新飯堂之一！

唔係講笑，剛好經過先知原來奇華有茶餐廳，但由於係工廈內既餐廳，都會貼有「只係招待本大廈員工」，當你大搖大擺咁行入去，通常啲員工都會問你：「幾位？食啲咩？」🤣 絕對唔會問你：「係咪大廈員工？」回歸正題，黎到呢間茶餐廳，剛好到下午茶時段，款式種類都算多，有中式炒粉麵飯餐、燒味麵餐、茶餐廳麵餐同西式下午茶，而我今次叫左個「蜜汁燒雞脾米粉（雞湯）」＋ 熱杏霜。雞髀好食，上碟時係室溫溫度，所以要浸落熱辣辣既雞湯上，可惜個湯味道不濃，但以$42個餐連埋飲品，確實對得住個價錢。至於店員方面，整體都算唔錯，茶餐廳都好難見到個個員工對你笑笑口，但大部分都好有禮貌，有個好醒目見我想去拎水，好快咁即刻問我要乜，服務算係唔錯。

平時多數嚟食佢嘅午餐，今日早咗就第一次試吓佢哋嘅早餐，早餐$33起係荔枝角，應該唔係最平，不過係合理價⋯我叫咗雪菜肉絲米粉，湯真係有D淡，最緊要係唔熱，呢個真係扣分；米粉亦都有小小煮得唔太熟，但如果好鐘意有趙口，可能會喜歡，不過就唔係我杯茶，雪菜好凍，應該都係因為煮得唔夠所致⋯唯一可取反而係件多士，因為感覺到有熱力，檸檬茶都唔差，好有茶味⋯ #荔枝角 #奇華小廚

黎到一間茶餐廳style的餐廳，咪叫茶餐廳一定有既豉椒火腩飯黎到變左豆腐火腩飯，同侍應講黎錯左個女侍應指住張餐牌，態度奇差地話冇架wor冇豉椒火腩飯，得豆腐火腩飯我就話可唔可以同廚房講，都係d汁林落去，應該做到之後女侍應更串地話”唔洗問架啦，冇架！我地跟餐牌做野架咋，甘點呀依家？冇架啦，你想點呀？”再轉過頭，真係有碟豉椒火腩飯出黎個侍應係咪有事，同佢講返話廚房比到佢就繼續態度差甘改返張單

其實幫襯過不少，由未裝潢前到裝潢後，從疫症前到疫症後，沒堂食到再開返堂食。近來是不少人都喜歡外賣，但問題出在堂食出餐速度，或說他們廚房不夠主廚應付炒煮類，1個小時午膳時間，步行點餐到有飯到得返20至15分鐘，試問叫人怎倒飯落口?還有出餐不快，以至外面待應也受氣。更有待應玩客，本身點了餐出了餐纸，遲遲未出到餐找資深女待應追餐，結果有同事看到她拿餐單同收銀吹水眼超超?再過一會問她追單，她竟作狀重新落單。見勢色不對，找另一男待應追餐，之後先有另一女待應拿點餐單放在枱頭!?試問上班已多辦公室政治，沒人願意在午休午飯時再受這些女待應的小擺戲，基本上以後都不會幫襯。關於午市堂食點餐，若只有1小時，午餐炒麵炒飯可以不選，出餐最慢，要40分鐘，其他午餐類有即炒也可能費時間，最快只有燒味類，是唯一選擇。不過有同事看過燒味斬料師傅在疫情時抹過鼻再斬料。說返食物，燒味確是可推介，粵菜炒麵炒飯也不錯，午餐時的例湯也算足料，算這區中餐除酒家外不錯選擇。若有足夠時間，是可慢慢享用的地方。

When one thinks of Kee Wah, one thinks of the bakery. But did you know they have a restaurant? Located in Lai Chi Kok, they have a restaurant that mostly caters for their staff but it also open to the public.The place is huge! Plenty of space and very spacious.Menu is in Chinese only. There is no 10% service charge. What they serve is typical cha chan teng food.We arrived for tea time and they had an afternoon tea menu. This came with a drink. I ordered the char siu sandwich ($41). This was deli

奇華小廚我覺得佢係荔枝角黎講都幾高質味道方面拍得著酒樓質素上次係度堂食左個魚香茄子炆米咸咸香香超野味食左半碟已經超級飽 用料充足份量超多今次就試下燒味飯外賣自取37蚊呢個價錢非常吸引同堂食差十蚊真係食幾次就慳到個飯我食嘅係雙拼 蜜汁叉燒拼燒肉飯姜蓉要另外同師傅講先會有叉燒唔會太肥食而且都會食到甜甜嘅蜜味燒肉都夠晒味 外皮都好脆份量方面我認為37蚊有咁多肉係物超所值飯量就冇堂食咁多 但係對我黎講都夠食堂食的話餐廳環境都好大好舒適亦非常乾淨

經常行過都唔留意到有間餐廳.報紙檔係正奇華門口，所以門口變相唔特出！餐廳入面都好大空間.外賣燒味飯（單/雙拼）$37，燒鴨飯$46基本嘅叉燒同雞外，仲有燒排骨、燒雞脾都有.比完錢就去燒味部排隊比飛仔員.員工仲好好人提醒記得拎筷子.叉燒油雞飯叉燒半肥瘦，外面甜甜地入面好嫩滑！一啲都唔會柴.油雞少少咸甜地地，雞皮唔會好油膩！雞肉都好嫩，但雞肉位置略微唔夠入味.個飯仲要送多一條菜.如果要薑蔥油記得要自己開聲同職員講！原來餐廳仲有得食煲仔飯，仲要大大煲，下次可以試下.

呢間位置係奇華工業大廈地下既「奇華小廚」就唔係太近港鐵站，係荔枝角站行去都有段距離，唔熟路既都好易會搞錯行左定行右，行到黎呢又會俾佢間奇華餅店影響左視線，搵唔到個門口，其實餐廳夾住間奇華餅店係中間，左右兩邊各有一個出入口架😅😅唔好睇佢寫住奇華又正正係奇華工廈，要奇華既員工先可以行入黎食呀！佢地係無任歡迎，行得入去就自己乖乖跟住阿姐既指示坐定定，睇好食咩就叫阿姐埋黎落單。又咪睇佢地係工廈餐廳呀，佢地既阿姐係用app落單架！呢度除左日常既碟頭飯、小菜、小炒，仲有燒咪飯食架！呢次就order左佢既「蜜汁雞脾併叉燒飯」，已經叫左少飯，都仲係勁多飯，下次要試下叫半飯😅唔怕肥膩既可以order肥叉，肥叉真係肥美香口好多架！呢飯蜜汁雞脾真係飽到食唔落碟飯，呢款真係好抵食，細食既真係可以叫呢個set加多杯drink兩份share食，咁就唔使浪費食物la😃

今日同幾個同事去左附近嘅奇華小廚食lunch😊 12點幾入到去已經滿哂人, 等左一陣終於有位, 一坐底就即刻叫野食☺️紫菜蠔仔肉碎泡飯, 大大碗而且蠔仔亦唔少又唔腥,紫菜亦多, 湯嘅味道都夠😋 如果食量少嘅朋友仔可以叫一大窩share😄琵琶鴨配紅腸牛展, 燒味唔錯, 唔會太乾, 油分適中👍🏻台式肉燥牛展飯, 飯量多, 牛展微辣上海粗炒椒鹽風沙豬扒, 乾蔥豆豉爆雞所有套餐嘅餸都ok多而且有埋湯, 飯量都ok, 價錢合理, cp值高😋👍🏻

奇華不嬲賣開曲奇同喜餅，今日發現咗原來有茶！餐！廳！🧐同一般茶餐廳一樣早餐就開門，不過今日去咗買午餐外賣。見到餐牌燒味雙拼飯都只係35蚊，身為小資女即刻要試一試佢👍🏽👍🏽今日揀咗叉雞飯，落完單行去斬燒味既叔叔度，同佢講低要多汁，驚d飯好dry🙊外賣盒飯都好多飯，而且叉燒好林，雞都似係鹽焗咗係有味雞，份量好足，嗌咗多汁都好夠味。唔食薑蓉既朋友仔可以同叔叔講走薑蓉，佢地都好nice🤗真係好平好抵食，而且好好味，以後都會再食，推薦比大家😋😋😋

呢間隱身係工廠大廈地下既奇華茶餐廳，佢既入口有少少隱蔽，係奇華餅店左右兩邊，各有一個玻璃門小入口。原本應該只係俾奇華內部員工食既，咁打開門做生意，你行入去佢都照樣做你生意既。呢度價錢無一般工廈飯堂咁會平dd，佢既價錢同一般茶餐廳差唔多，無平到又無特別貴。黎得呢度就係貪佢搭枱實即時有位，唔使又攞飛又排長龍。次次黎呢間都係食佢既燒味雙併飯，夠晒大份，建議女仔可以叫少飯，雖然唔會平左，但食唔晒就好嘥野lor。同埋就咁叫雙併飯加飲品就夠，一人餐收夠$6只係多碗例湯同埋多幾條菜芯，唔著數🤪

平日晏就五點半左右去到買外賣拎走，收銀態度極差，一直黑面，問問題hea答，仲點個客幫手放好張menu！其他職員懶懶散散。晚市未到好似乜都無準備好，連飯都係凍嘅。

今日同同事係奇華小廚食晏,一入去已經見到人山人海。環境都係一般，店員都忙到踢哂腳。有幾台客側邊都有人企係度等位😢 本身想走，但又係呢個時候俾我見到一個空位。我快快手就叫左個墨丸貢丸公仔面。因為出前一丁面要加五蚊，我就問有無普通既公仔面啦，點知原來係無既不過無所謂啦都係$39啫。最後等左20分鐘先黎我問佢點解咁耐，佢話因爲今日多客，同埋個公仔面係要過水淥兩次架食落面質的確係幾彈牙，係同其他茶記係有少少唔同雖然環境麻麻，但絕對有機會會再黎幫襯

肉燥豆腐叉燒飯唔好以為奇華得餅店其實係有飯堂的叫左個地盤飯基本上我覺得奇華出品全都是地盤飯大大碟分量多又好味飯軟綿綿 喜歡食軟飯就岩曬肉燥較乾身帶孜然味叉燒是剛出爐的 瘦叉，岩我豆腐雖然係炸，不過皮薄，質感係可以的