71
29
12
港鐵尖沙咀站 A1/ L5 出口, 港鐵柯士甸站 F 出口
所有分店 (2)
電話號碼
2376 3322
開飯介紹
以用心和層出不窮的技巧烹調著名上海菜,使菜式能夠完美和平衡各種味道。餐廳裝潢的靈感同樣來自舊上海。 繼續閱讀
獎項殊榮
米芝蓮一星餐廳 (2015-2016), 米芝蓮二星餐廳 (2012-13)
營業時間
星期一至日: 11:30-15:00,18:00-23:30
付款方式
Visa Master 現金
座位數目
50
其他資料
Wi-Fi
酒精飲品
自帶酒水 詳細介紹
切餅費 詳細介紹
電話訂座
加一服務費
食評 (125)
卓越食家 2016-07-11
4047 瀏覽
朋友仔稱工作關係所以要遲一點才到呢,那我先行一步啦。為免要等位或無位,所以一早已訂好檯了。侍應姐姐帶路,點解不是海景位?依家係無景位,勁失望呀 ﹗又係二人迷你位,迫迫夾夾最憎,您地又當我食只食碟頭飯或每人一碗麵呀?激氣 ﹗而且被幾檯操國語既家庭包圍,有老有嫩有細路,好嘈啊 ﹗幸好不到 15 分鐘就埋單走人,即時回歸寧靜,好采啫。米芝連上海菜館,我就睇睇您隻米芝連有幾連先!由侍應阿嬏、阿姐、阿哥到後生仔都同樣乎欠周到、欠熱情、欠笑容、欠主動,機械冷冰冰,老闆對您地不好嗎?待遇好差嗎?夜上海菜色都係包羅萬有,還有很多很多特色菜、自家菜,另我非常好奇,好想全部都試試呢。已經過了約定時間差不多 30 分鐘了,但朋友仔依家在途中,我唯有先 order 前菜及小食,那朋友仔一到就步就有得食啦。上海泡菜,甜甜又爽爽脆脆,微弱幾乎食不到既辣味而甜味較強,幾得意。燻蛋,煙燻味濃濃而香口,蛋白已被燻得淺啡帶光澤,橙色閃令令蛋黃非常耀眼奪目。室溫糖心蛋黃半溶黏黏軟棉棉,黃味十足又甘甜 ﹗整粒啪入口跟滑彈蛋白混為一體,美味可口呢。涼拌海蔘,還以為會係麻辣來的,甜酸汁撈上彈滑海蔘片十分醒神醒腦又開胃,配上白飯應該都好好食。醉鵝肝,試試個罕有料埋先,鵝肝勁棉勁滑,跟一般滷水店既硬實鵝肝有著天淵之別。鵝肝散發著咸香,期間夾雜花雕香甜,既有趣又特別,美味可口 ﹗比沙田 18 滷水鵝肝出色多倍,非常不可。煙燻黃花魚仔,看似微不足度的雜魚菜色居然勁好味勁可口,越食越起勁 ﹗黃花魚肉質嫩滑多汁,外皮燻得油潤,燻得香噴噴,鮮味出眾亦非凡香甜,實在太好食 ﹗朋友仔太慢喇,遲到 45 分鐘終於到達。見一身性感低胸裝赴會,花姿招展,我就原諒您啦 ﹗前菜、小食及朋友仔都已經到齊,可以起動喇 ﹗順便討論一下主菜食什麼好,朋友仔稱自己食量也不少,都是大食妹一名,可以放心 order 多幾道菜呢。松茸螺頭燉雞湯,特濃雞湯底,清徹眼底但泛著極濃雞味,湯汁黏黏厚厚的,真材實料無欺場。螺頭海味味道非凡脫俗,佔據整個空間。全部清晒,一滴不漏,好飲到震。灌湯小籠包,浸在黑醋上半響,讓她稍為降溫就立即完粒掉入口中,大滿足 ﹗勁多湯汁,香甜無比,豬肉味鮮。皮薄餡靚充滿彈性,外皮嚥嚥韌韌較張力不易夾破,如果溫度再熱一點就更加好食。香煎餃子,good good good ﹗就算普通菜色亦一點都不馬虎,即叫即煎熱騰騰送上。香噴噴氣味直擊大腦,禁不住立即伸手將整隻餃子塞入口中,一咬爆汁 ﹗好好食啊,餃面濕潤嚥韌、餃底煎得金黃香脆,豬肉彈牙又極為甜美,堅好味呢 ﹗發現有雙餃子外皮爛左喎,賣相要扣一點點分喇。獅子頭,製作複雜、工序繁鎖既上海傳統手功菜。先炸後炆,味道極之香濃,出色地味道剛剛好,不咸不嗆還泛著肉甜味,豬肉鮮味濃厚,配上清甜白菜同吃,如虎添翼。如果能手剁的話,質感就更好啦,依家只食到一粒粒既豬肉鬆,始終較為遜色。蟹粉釀蟹蓋,非常特別的配搭及烹調,讚 ﹗蛋白熱燙燙混有洋蔥既味道,蟹肉蟹粉跟蛋白已混為一體,嫩滑蛋白佔大部份,不過還能食得出一絲絲甘香蟹粉。味道認真不錯,值得一試,好味道。龍鬚桂魚絲,驚見功夫菜,梗係即刻 order 試試啦。有頭有尾賣相出眾。魚香處處,勁香噴噴!桂魚絲撈埋木耳絲、甘筍絲、銀芽統統掃落口,配搭得宜,味道混得異常合襯 ﹗多重味道跟口感,滑彈棉爽脆乾濕共冶一爐,滋味非常。擔擔麵,所有佳餚都已清晒,似乎我都未夠飽呢,食多個麵隱陣喇。麵條有點過腍,彈力不足。湯汁厚厚滑滑,味道偏向清淡,泛著微弱花生醬味,但係完全食唔到香辣味道。唯有使出必殺技,撈上大量 XO 醬,即時好食左 ﹗不過麵質有待改善,要嚥韌彈牙先好食。 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-09-14
388 瀏覽
最鐘意食甜甜酸酸呢條菘子魚真係岩哂魚肉又滑又去哂骨 小朋友都識得 唔怕有骨酸酸甜甜真係好開胃加埋魚既表層本身炸過更添口感層次師傅仲好細心咁幫我地分左咁多人既份量唔駛爭呀各位 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-09-04
405 瀏覽
昨晚晚飯令我失望,今日午飯令我拾回心情。又到找好食好環境的時候,像我沒有計劃隨心而行的人,在尖沙咀周圍打電找位……欣圖軒、嘉麟樓、唐閣,天寶閣,唐人館通通無位,起碼要2時半後,靈機一觸-夜上海,多數有位,因地方大,在接待處等约3分鐘(接侍處好寬敞,好舒服),待應就帶我倆在窗邊2人枱,给我小椅放手袋,枱大過昨晚3份1,可望藍色天空及遠景。前菜咸炸菜,好咸,以前泡菜好味的,首先蒜泥白肉,肥肉唔夠爽,待應遞上來面帶笑容及介绍枱上醬料,葱油麵比較細碗,味道及麵質都ok,但本人不喜歡咁大隻乾蝦,我在上海食過是用豬油炒香葱撈麵,是簡單又,上海排骨麵,好彩唔係豬扒,是剪開炸豬肉條,都但都是細碗。像我喜歡中國文化及傳統,播放鄧麗君的小調歌曲,牆上的畫,室内中式的佈置是令我享受 繼續閱讀
(以上食評乃用戶個人意見 , 並不代表OpenRice之觀點。)