104
40
29
港鐵柯士甸站 F 出口, 步行約7分鐘
電話號碼
2378 7673
開飯介紹
每日供應豐富的早、午、晚自助餐,周末設有下午茶,另有中西菜式供選擇。 繼續閱讀
營業時間
星期一至日: 06:30-23:00
付款方式
Visa Master 現金
座位數目
130
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
網上訂座
加一服務費
網上訂座日日有賞
招牌菜
日本刺身 長腳蟹 燒海鮮 鐵板燒
食評 (184)
不過不失 焦點食評
殿堂食家 2016-09-28
434 瀏覽
位處佐敦的龍堡酒店,有著地利因素,若果從地鐵站信步而行,沿柯士甸道往廣東道走,大概是5至10分鐘路程,相當方便。以往慣例,都是以Seafood Station行先,今次反行其道,想先介紹即煮意大利粉。而最值得推介的是龍蝦Pasta,Penne依然有嚼口,配上忌廉黑松露汁,的確是幾惹味。北京片皮鴨每隻都是熱辣辣即片,可說是皮脆肉香,略嫌師傅切得太厚,影響了口感。Seafood Station生蠔選用了半開美國蠔,夠大隻,非常creamy,但蠔味好淡。畢竟是將貨就價,蟹腳、凍蝦、蜆及青口都算合格,要求不能太高。刺身位處較遠位置,三文魚、鮑片、甜蝦,客人可以任取,其實幾方便,只可惜有部分客人亂摷,一係就狂挾,吃不完就放棄,做成浪費,未免有點可惜。CarvingStation火腿扒只切了一小片,有嚼口及肉味,不錯。熱葷在場中間位,是熱葷位置,美式焗蜆太乾身;啤酒辣根燴牛肉丸淡淡的酒香,不錯;刴椒蒸桂花魚不會太辣而魚肉幾嫩。 其實幾喜歡蘿蔔花螺煲,花螺煮得太耐,肉質有點韌,反而蘿蔔炆得入味又夠稔,少許辛辣就更惹味。另外還有意大利燉羊肉、意大利黑醋焗雞槌、紐奧良雜錦飯、玉桂燒南瓜、蕃茄魚頭煲及澳洲芝味魚柳。湯在Buffet中有三款湯算多了,在蟲草花老鴨湯、鮮蝦粟米周打湯及青紅蘿蔔魚尾湯中,個人偏好老鴨湯,夠火喉,又有鴨香,很清潤的感覺;青紅蘿蔔魚尾湯在家中偶爾都有煲,所以興趣不大。甜品亮點一定是Dreyer's雪糕,有American Pistachio、Belgian Triple Chocolate與及New York StyleBlueberry Cheesecake,先來每款一杯,口感大滿足。其他甜品有士多啤梨卷、意大利車厘子奶凍、鮮果乳酪、芒果巴巴來士、楊枝金露、紐約芝士餅、雲石芝士餅、士多啤梨拿破崙、麵包布甸、朱古力胡桃批及紅豆沙。飲品有汽水、橙汁及咖啡,大人小朋友都啱飲。穩陣一點,只取了芒果巴巴來士、楊枝金露及拿破崙,不會過甜,而且水準平均,可以一試。 公道一點,雖然網上有不少負評,但以Buy One Get One 而言,算起來不過是 $250左右,在現今上快餐店都要六七十蚊位,畢竟這裡選擇多,仲要有Dreyer's雪糕,所以整晚都是人頭湧湧,唯一要考慮的,當買一送一優惠完結後,生意未必能維持到。 繼續閱讀
(以上食評乃用戶個人意見 , 並不代表OpenRice之觀點。)
回味生日派對 焦點食評
見習食家 2016-09-25
581 瀏覽
生日要約人gathering,有人提議龍堡,呢期自助晚餐做緊5折,即刻睇一睇食評,2百幾蚊ok 啦。因為十幾人,安排坐魚生櫃附近,空間感ok。先嚟掃一輪蠔,夠大隻白雪雪,蠔味淡淡哋,廚師又添得快,終於食到一枱蠔殼。魚生任攞,夠厚幾甜龍蝦意粉,即炒,夠香香濃肉醬配脆玉米餅,唔heavy,小朋友小食我個人最喜歡片皮鴨,皮香啖啖厚肉,最啱我心意雪白西瓜冰配自選紅豆、枝裝汽水,完美配搭 繼續閱讀
(以上食評乃用戶個人意見 , 並不代表OpenRice之觀點。)
見習食家 2016-08-31
3119 瀏覽
因為科大校友有半價優惠,揀咗龍堡食自助晚餐,趁暑假去開心吓。安排咗望大堂位置,夠開揚 食物款式都算多,最開心係見班廚師不停加嘢,所以唔駛急住同人爭,慢慢嘆。沙律:種類多,菜夠新鮮,綠油油主打海鮮吧:必食大大隻蠔,入口有層次,好creamy蟹腳唔鹹,自助餐有蜆比較特別,其他重有凍蝦同青口。必食2號:羊肶 - soso哋,唔老,連食3件;鐵板燒 - 一排排蝦不停煎,時間煎得剛好,用少少鹽調味,啱哂食得淡嘅我。其他款式有魚同牛肉,食到冇冷場 隔離重有串燒,以蔬菜為主,夠健康。片皮鴨 - 味道適中,片薄肉厚,足足排咗幾轉。魚生:一貫酒店自助餐質素,夠新鮮,呢到唔須要等廚師切,食得夠豪。熱盤:香橙鴨 - 橙汁令肉質鬆化,唔錯;最愛辣花螺,大大隻都唔老,辣辣地,夠醒胃。其他熱盤:一樣係酒店自助餐水準甜品:拿破輪、藍莓芝士蛋糕、麵包布甸,重有其他細細件甜品,一啖一件,滿足哂貪心嘅我有經典汽水任飲、雪糕有3款Dreyer's任揀Candy Corner :俾小朋友玩嘅遊戲一路以揾經濟扺食自助餐為主,呢到食物味道同款式都ok,加埋自助餐冇分開2個時段,等我可以一氣呵成食到9:30pm,所以覺得物有所值。 繼續閱讀
(以上食評乃用戶個人意見 , 並不代表OpenRice之觀點。)