31
12
11
以上資料只供參考, 請與餐廳確認詳情
招牌菜
食家推介
相關文章
俾錢食嘢，仲要受氣，態度很差，好似欠左佢咁咩都冇，寫住有咁多餸可以揀，其實好多都係冇，冇都唔係問題，可以食其他餸，講嘢又串，如果唔係叫佐烏冬，見佢整緊，真係唔想要，態度好差第一次食，都唔會再食，真係不知所謂覺得好似老馮受佢氣呀，俾錢仲要受佢氣，仲聽到格離個女人，同人講，話係做熟客生意，咁嘅態度，都有熟客，不過熟客就唔係咁態度，，係對生客，恰得就恰！呢個呀姐真係以為好巴閉，第一次食，真係唔知會咩都冇，問多一句，好似欠左佢咁，9唔搭8！
繼續閱讀
辣魚蛋 HK$9 （6粒）之前一直見過呢間鋪，但係一直都冇試過。直到上次有一個住喺葵青區嘅朋友話嚟葵廣一定係要食呢間嘅魚蛋，我先第一次食呢間野。之後每次口痕想食小食嘅時候，都會諗起呢個令人念念不忘嘅魚蛋。呢度嘅魚蛋有原味、辣味同埋咖喱味。而我最中意就係辣魚蛋，佢嘅魚蛋細細粒好彈牙，重點係佢個秘制辣醬汁好特別，係其他地方食唔到的😋再加埋辣辣地，令人好開胃，係嚟葵廣掃街嘅必食美食之一😗
繼續閱讀
店名: 回味無窮地址: 葵芳葵富路7號葵涌廣場2樓C83號舖葵芳站E出口，行2分鐘環境: 外賣價錢: 4.5/5味道: 3.5/5繼續介紹葵廣呢個掃街天堂，港式，台式，日式，咩國家嘅美食都無金牌牛雜(小份/大份)❤️❤️❤️$18/$32牛雜算平，$32蚊份量都唔少，煮得入味亦夠淋，但就無話好出色，一分錢一分貨，蘿蔔有驚喜，索哂汁，清甜🤩#stitchfoodie葵芳#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜
繼續閱讀
呢間葵廣小食店相信大家都唔陌生，開喺章魚燒附近嘅佢生意都不錯，之前有試過佢嘅糕點，私心推薦椰汁糕同椰汁紫米糕，放喺雪櫃一陣會更好食😆好喇回歸主題先，今次我就無買到糕點，叫左一份炸燒賣撈面 $19 +雞翼兩隻 $13，價錢嚟講唔算平又唔算太貴，試下個味道如何先。老實講拎上手個賣相係有啲失望嘅，個面望落就好硬身，雞翼都有啲黑😥果然，個面仲生過我自己烚，硬到哽頸🥲個雞翼就正正常常無乜特別，唯一有啲野講下嘅就係個燒賣。即叫即炸嘅關係，拎到手仲係熱辣辣🔥，外層灑左椒鹽，好惹味，外面脆卜卜之余仲保持到內軟少少彈牙嘅口感，作為一粒炸燒賣，佢係出色嘅🤣Overall嚟講，炸燒賣同埋啲糕點都真心試得過，其他就~😌
繼續閱讀
見到有人排隊，我又走去排吓，聽前面的人講這裏的魚蛋很出名，被報道過！本來也不知道買什麼，諗住隨便買一點小食，聽到人這麼說，就決定買魚蛋吧！買了三吋魚蛋，有碗裝，$27有21粒還買了一條芝麻卷魚蛋真的很好吃， 魚蛋幾彈牙， 10分入味，偏甜，咖喱汁好味，覺得咖喱汁可以用嚟撈麵應該也很好吃至於芝麻卷皮太厚，芝麻味唔夠，味道覺得麻麻地，至於口感就好軟滑，食完個口唔酸！不魚蛋個阿姐好惡，落咗單之後，我過咗隔離買章魚燒，返轉頭問佢我Number到未？俾阿姐鬧，佢叫我自己聽住嗌😠 我就係聽唔到先問你麻！
繼續閱讀