331
20
15
開飯介紹
川菜,嗜辣人士至愛,必點水煮魚、四川涼麵。
繼續閱讀
營業時間
今日營業
18:30 - 22:30
星期一至六
11:30 - 14:30
18:30 - 22:30
星期日
18:30 - 22:30
公眾假期
18:30 - 22:30
以上資料只供參考, 請與餐廳確認詳情
招牌菜
食家推介
相關文章
今次我地去左銅鑼灣食川菜,坐位闊落,坐得舒服,枱面又有我要讚既紙巾,仲有壺茶飲呢間川菜既晚市好特別,收費係按人數收費,每位($360),餸菜就跟人數而定有幾多款涼菜同幾多款熱菜,我地兩位就可以叫2樣涼菜同3樣熱菜,都好豐富下😍涼菜:招牌四川涼麵我自己就好鐘意食呢款涼麵,佢酸酸地又有辣醬按自己喜好去撈,麵夠曬爽口👍🏻重慶口水雞呢個可以話川菜必食既餸之一,佢都冇令我失望,辣度適中,唔會過辣,雞既份量前菜黎講都算多熱菜:酸菜魚份酸菜魚既魚肉好大件,啖啖肉咁,冇骨而且夠滑,裡面仲有好多粉絲,索曬d湯食勁正,個湯唔會好油,飲番1-2碗都係必需😛泡椒嫩牛肉佢同我心目中既泡椒有d出入,我以為係綠色既泡椒,不過整到出黎又幾正喎,呢種椒都有綠泡椒既味道,牛肉又夠嫩同香,仲有d芹菜岩曬我呢d要食菜既人🤣家常豆腐呢碟豆腐既口味同牛肉差唔多,有菇有豆腐,豆腐整得唔錯,咁多肉叫番個素菜類平衡下就岩曬呢度既收費雖然特別,但係一定夠食,2個人食5樣野直頭係多,佢餸菜選擇都好多,我地食到飽一飽咁走✌🏻
繼續閱讀
今日約左朋友喺銅鑼灣行街同晚飯,一早上網搵到呢間食川菜的樓上店,睇相好靚,加上好奈冇食川菜,就黎過下口癮。職員遞上熱茶,我地開始點菜,呢度價錢好特別,用人頭價收費(@360),我地2個人,可以點2款涼食,3款熱食,有辣有唔辣,咁樣設計我覺得幾好,兩個人都可以試到5款菜。 涼菜: 香油涼瓜:食辣野,係咪可以用涼瓜下下火?加上本身都鍾意食涼瓜,呢度嘅涼瓜唔苦,但保留了甘味,口感很清爽,雖然係香油涼瓜,但有油嘅香氣而唔會覺得油膩。 蒜泥白肉:呢款同平時其他餐廳的煮法有唔同,應該係廚師自己調配,蒜味之餘食到淡淡的花生醬味,幾特別。肉質配上蒜泥非常香口。 熱菜: 招牌重慶水煮魚:其實水煮魚同酸菜魚我都好鍾意,要揀一款真係有困難,不過見呢度水煮魚寫招牌,所以就決定點佢。呢度水煮魚份量都唔少,魚片非常嫩滑,辣度剛好,而且麻味很香,配有芽菜及寬粉,寬粉索哂辣汁很惹味,而且口感煙韌。 鍋粑回鍋肉:鍋粑其實幾好味,但同時都好講技巧,呢度嘅鍋粑夠哂脆口同輕盈,有4片。回鍋肉好入味,配上青椒同蔥煮成,很香口,而且肉又唔會肥。川式椒鹽蝦:呢個蝦好好味,一向都好鍾意食蝦,而且都唔細隻,連殼食埋炸得好脆好香,蝦肉新鮮彈牙,外脆內嫩,而且配上椒鹽,咸度適中,更加滋味。
繼續閱讀
#fafafoodblog四川菜 #fafafoodblog灣仔<360 蚊一位既高質川菜>涼菜點2 款熱菜點3 款1.涼菜點左招牌四川涼麵🌶️🍜同五香鹵牛肉🐂涼麵個麵質好彈牙 幼身帶 d蛋香 有葱花同炒過好香既辣椒子調味 醬汁帶 d醋 豉油 配埋辣椒一流 好正既涼麵前菜, 五香牛肉有 d似九展 切得厚度適中 口感彈牙 佢個五香粉 帶 d辣 夠咸香 好惹味 2.熱菜點左辣子肥腸🐷招牌重慶水煮魚🐟🌶️糖醋里脊🐷辣子肥腸個肥腸好正好乾身出面香脆。入面帶 d肥膏 辣椒同葱花炒得好香好入味 送啤酒正🐷水煮魚魚肉冇骨軟林 湯底辣汁好入味 有芽菜 爽口既薯粉 盡吸辣汁 魚肉軟熟 同配菜一齊放落白飯度食好正糖醋里脊 脊肉彈牙得黎帶 d豬肉汁 juicy出面炸得香脆 配香濃既甜酸汁 好味🐷#里脊 #糖醋 #辣子肥腸 #豬大腸 #水煮魚 #涼麵 #牛肉Score 平均分< 7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻~~~~~~~~~~~~~ #四姐川菜銅鑼灣耀華街3 號百樂中心10 樓~~~~~~~~~~~~#fafafoodblog #為食花太郎 #fafafoodblog銅鑼灣====================
繼續閱讀
餐廳:四姐川菜地點:銅鑼灣耀華街菜式:川菜餐牌:呢度晚市做套餐,每位$360,只收現金,根據人數選指定涼菜熱菜數目,熱菜有水煮類,泡椒類,辣子類,干煸類,家常類,不辣類同湯類。兩個人可選兩款涼菜同三款熱菜。涼拌木耳涼拌木耳好大兜,一上枱就聞到好香蒜蓉味。份量唔少,加左好多蒜蓉,少少辣椒同蔥。味道少辣多酸,木耳爽脆,個汁好開胃,好食。五香滷牛肉將牛肉同五香粉分開上,牛肉凍凍一共十幾塊薄片,肉質都可以,牛味唔錯,沾五香粉食好惹味。川式宮保雞丁川式宮保雞丁有好多嫩滑連皮雞粒,香口花生,蔥段,薑片,辣椒同花椒,味道甜中帶麻辣,幾好味道,餸飯一流!紅燒牛肉紅燒牛肉一共有十舊牛肉,味道辣辣地,好惹味,口感都幾好,唔會太硬。伴有萵苣片,爽口清新,面頭灑上蔥花。糖醋里脊糖醋里脊大概有20條,炸得皮脆有咬口,個糖醋汁好開胃,面頭灑上蔥花。個餐跟有白飯。總括而言,食物質素唔錯,有辣又唔辣選擇。裝修格局似私房菜,星期五晚好熱鬧。
繼續閱讀
四川風味盛宴·辣味滿載✨讓你舌頭上嘅味蕾大開‼️😍🔥裝潢設計大方得體 風格似中式酒樓咁地方都幾大幾闊落 坐得舒服唔逼最緊要乾淨唔會周圍油淰淰呢間川菜落單幾特別 佢會分唔同人數再分配涼菜+熱菜數量 每位都係$360我哋2位用 有2涼菜+3熱菜 夠晒飽肚👍🏻🍜招牌四川涼麵涼麵真係清新爽口 麵條彈牙有嚼勁配上特製的醬汁和豐富的配料攪拌均勻後就食得㗎喇👍🏻😁香味不嗆喉而且係溫潤嘅麻感真係齒頰留香 啖啖都帶來涼爽口感❄️🫑虎皮青椒虎皮青椒的辣勁絕對不容小覷外層酥脆 青椒卻保持著清脆口感辣辣嘅惹味口感讓你愛不釋手氣味清香 綿而不爛辣味與香脆的結合恰到好處🌶️🔥🐮水煮牛肉一道四川經典菜肴 絕對係辣味代表數一數二有名嘅川菜牛肉片煮得鮮嫩多汁😆😆搭配濃郁的辣椒湯底麻辣味厚 滑嫩適口香味濃烈 辣中帶麻真係又爽又刺激‼️😉🐓重慶辣子雞將雞塊炸至外焦內軟與花椒+乾辣椒+指天椒一齊拌炒成菜色澤紅潤 麻辣鮮香 酥香爽脆雞肉鮮嫩多汁😋😋😋每一口都充滿了辣椒+香料嘅香氣辣椒嘅炸香加埋雞肉嘅鮮美相互融合真係忍唔住流口水🤤🤤🐟西芹炒鱔絲鱔絲鮮嫩 西芹脆爽 口感相互呼應麻辣味厚 滑嫩適口‼️香味濃烈 色香味俱全不僅沒有腥味 而且超級美味好撈飯😌🤤
繼續閱讀