啟眾美食快餐廳 (已結業)

啟眾美食快餐廳 - 街坊茶記  -  大件夾抵食👍🏻今日食咗啟眾嘅揚州炒飯，先賣$43，仲要送埋外賣，真係好抵。食物方面，分量都幾多下，夠飽。材料都幾豐富，有生菜🥬，蝦🦐，火腿粒等。雖然蝦比較細粒，但咁嘅價錢都唔可以要求太多啦。味道方面，飯炒得好有鑊氣，啲飯又好乾身同埋都粒粒分明，軟硬都適中，係好食嘅炒飯☺️下次會再食🤣味道😋：8/10價錢💰：8.5/10服務💁🏻‍♂️：8.5/10環境🪑：N/A

尋日食tea，樓下無乜野好食，行遠少少，見到啟眾入去食個餐蛋治，食完個餐蛋治，細個既感覺返左黎，正！仲會再黎，好彩係呢頭返工，唔駛行好遠。極力推薦俾所有朋友黎食。

傳統好味道服務到位服務大眾支持 x 10000Food taste good. Owner is kind and friendly, well run business. Excellent experience with good value for money.Been around and serving the community in kowloon bay.Good vibe - breakfast, lunch and dinner peak periods are packed with people enjoying with family and friendsDelivery service good.

午飯時間盲中中入左依間快餐店，店內兩旁牆壁上既餐牌多到好似牆紙一樣😲套餐包羅萬有😱避風塘式的套餐，椒鹽煮法又有套餐，又有湯飯又有焗飯🤩種類多到花多眼亂。點左三份套餐，每個都係40幾＄50蚊仲要包野飲，樣樣都材料十足，叫凍飲都係加$1蚊😳（依個世界原來仲有溫暖😭）蟲草花燉雞湯飯，雖然湯底甜左少少，不過大家睇下幾多雞，好入味，大大碗！避風塘豬頸肉炒公仔麵，一樣材料十足，即叫即炒，又夠辣，真係好野味👍🏻椒鹽沙鯭飯，好多魚呀！一人套餐點食得晒😅鍋氣十足！極有大排擋風味。淨係辣椒蔥花都夠撈碗白飯😋

今晚又一人晚餐, 簡簡單單去買個外賣這間茶餐廳以前只有一個廚房, 只做外賣但後來伸延到隔離舖, 成為了今天的茶餐廳每次來到都花多眼亂, 基本上食物選擇多得像牆紙但今日不二之選, 很久沒吃過滑蛋牛河了‼️每次都會望一望個是日晚餐, 但滑蛋牛河是永遠不會上板,好可憐..還想有碗例湯飲下, 因為單點也不便宜呀滑蛋牛河 $44即叫即炒, 拿到手又夠重又感到一股鑊氣一打開, 滑蛋的顏色真是令我滿心歡喜, 好香蛋味牛肉薄片得來, 很稔, 但也有爽的位置, 口感也不錯河粉有部分會有點鑊燶, 特別香這個滑蛋茨 是絕對足夠直至食完整兜河粉河粉是比較油, 又易肥但真是沒辦法了, 太好味

好耐無去過九龍灣,突然心血來潮想去番以前成日去既地方。而心入面不期然咁諗起呢個野既椒鹽豬扒飯,即使已經不再住係九龍區,但依舊為左呢碟野由港島搭車去九龍灣,再轉小巴到呢間令人懷念既地方!!!去到個時,裝修無太大既改變,依然算係乾淨企理入到去2話不說,即刻叫左個我一直期待同久違既椒鹽豬扒飯!等左唔係好耐,一碟香噴噴既即叫即整既椒鹽豬扒飯就已經係我眼前!豬扒依然係有D脆口,椒鹽味亦都心足!!!!! 少少辣,好開胃 岩哂中意食辣既我!唯一不足既應該只有飯唔夠一粒粒,有少少濕。不過,整理黎講,我仍然係不得不讚既,因為我都已經差唔多成3年幾無黎過呢度啦!總之無叫我失望而回!!!

平時真係好少來這個屋苑附近搵食, 地點真係唔方便.不過昨日咁岩坐巴士回公司, 早一個站落車順便買個飯盒回公司解決.叫左個芝士焗肉醬意粉, 估唔到這間細細餐廳都係即叫即焗等左20分鐘先有得取.回到公司打開時都帶微暖加上面層芝士夠多焗完後好香濃既芝士味道, 肉醬份量都算多, 不過味道偏甜無咩蕃茄味道.意粉軟硬適中, 只可惜內裡加入大量我最唔喜歡既青豆, 攪到我食時十分唔方便.整體個意粉都焗得出色味道都唔錯.

是日朋友介紹他返工那區的飯堂, 據聞又平又好食, 所以特意放工就搭車到啟業了.這間小小的茶餐廳真的不太起眼, 看起似普通貨色吧. 但食物是很難用餐廳的外表來介定的.我們叫了兩個小菜, 西檸雞和芙蓉蛋, 一個小菜set 約$35, 不太貴. 有飯有飲品.叫了杯黑白淡奶熱奶茶, 香茶味, 有張力, 但不太夠滑.西檸雞可說是我至愛之一, 這裡的是新鮮做好的, 上台是熱辣辣, 還有炸脆的雞皮! 檸檬都好好味! 個汁不會偏甜, 仍保留檸檬味.芙蓉蛋好滑! 其他店的芙蓉蛋都是用叉燒, 但這裡以蝦代叉燒, 蝦好爽, 配合芽菜和苟菜的味很芬香撲鼻.果然是不錯的推介! 如果我那個屋村有這樣又平又抵食的店就好了...

每 日 既 12:25呢 到 就 會 聚 集 左 一 班 又 一 班 既 st joe 仔 離 開 餐而 最 受 歡 迎 既 就 當 然 係 貼 晒 起 牆 上 面 日 日 一 樣 既 快 餐貪 佢 唔 洗 等 呀 嘛我 地 成 日 會 叫 佢 做 頹 飯因 為 佢 d 餸 大 部 份 都 係 冇 骨 既好 似 栗 揚 洲 炒 飯 呀 沙 爹 牛 肉 飯 呀 吉 列 雞 扒 呀 午 餐 肉 腸 仔 火 腿 蛋 呀 等 等 等 等每 次 當 我 煩 惱 緊 食 咩 諗 爆 頭 都 諗 唔 到而 又 被 周 圍 同 學 催 我 快 D 落 單 既 時 候 就 會 好 無 奈 咁 揀 左 揚 炒唔 係 因 為 佢 整 得 難 食而 係 因 為 . . 呢到 既 揚 炒 係 冇 叉 燒 既 佢 用 左 火 腿 離 代 替不 過 都 唔 緊 要學 生 仔 lunch 都 係 志 在 平 平 地 填 得 飽 個 肚 姐熱 氣 之 選 就 當 然 係 吉 列 系 列 啦有 雞 扒 有 豬 扒岩 晒 咁 多 位 鐘 意 食 肉 既 學 生 仔 不 過 略 嫌 粉 有 小 小

下午跟同事在此快餐店解決五臟, 趕時間...個個也叫快餐, 鴨腿湯飯, 雞扒飯, 粟米雞絲飯, 以色香味計....鴨腿一點也不吸引, 乾得很, 雞扒, 豬扒...鬆肉粉的作用下...好腍, 我既粟米雞絲飯, $23, 雞絲一舊舊, 粟米汁好稀, 同事既雞扒飯仲要遲遲都未黎....唉...沒有環境, 沒有味道, 連服務也沒有!

無心之下去到此店買左個滑蛋蝦仁炒河做lunch...估唔到又唔錯幾好味.份量都幾多下..以係工業區附近既食店來講又真係叫做抵食又味道唔錯.起碼平過又好味過係酒樓既炒粉麵呀.以後都有一個lunch之選

從九龍灣運動場出來, 又一大班人去搵食, 本想在附近大排檔開餐, 誰知已十分滿座, 於是來到了這間不甚起眼的快餐廳裡。環境就是麻麻了, 原本只打算吃飽, 沒有甚麼期望, 但想不到食物竟然有驚喜!我們點了:茄汁豬扒 及 菜心炒牛肉: 不錯豬扒不會硬蹦蹦, 牛肉不會老, 味道亦有媽媽煮的感覺。西檸雞: 正檸汁調配得好, 甜酸適中, 雞亦炸得不錯。沙嗲肥牛粉絲煲: 正同樣做出水準來, 牛肉靚, 調味好。 蠔仔粥: 正做出正宗潮色味道, 但太足料, 太多蠔仔及泡飯, 略嫌不夠湯。椒鹽鮮魷: 正粉不會太厚, 不錯的炸物。o者o者雞煲: 出色!全晚最好的菜色, 雞十分入味, 充滿蔥蒜及豉油香, 熱呼呼的上檯, 飯都多扒兩啖!加上每人一個白飯及凍飲, 如此質數, 如此價錢, 抵過大排檔!