241
82
38
港鐵石硤尾站 B1 出口, 步行約5分鐘
電話號碼
2778 8791
開飯介紹
餐廳提供中西菜餚,午餐時段主要供應快餐,晚餐時段則有新式中菜。 繼續閱讀
獎項殊榮
最優秀開飯廣東菜館 (2016)
營業時間
星期一至日: 06:45-00:00
付款方式
現金
其他資料
酒精飲品
電話訂座
室外座位
提及此餐廳的食評 (381)
可以翻叮 (焦點食評)
入門食家 2016-07-23
398 瀏覽
第二round慶生飯局~朋友揀咗呢間飯店,第一次嚟,因為晏咗收工,自己過嚟~好彩朋友電話教路,唔係的話可能要兜幾個圈先搵到。。。由地鐵站行過去,路程好短,不過要知點行。。。由B1出口向前行,直至見到彩龍大酒樓,沿大坑東街行,見到南山商場類似塔嘅建築,就經橋底行上斜坡,喺右手邊會見到寫住『南山商場』嘅牌坊,入面有好多排檔,一直行到尾轉右,門口有勁多人排隊果間就係喇~朋友們點菜,侍應大哥話要等好耐,叫我哋一次過落單,我哋就好乖一次過落單,結果啲餸上得好快,5-10分鐘就上一味,超出我哋預期 幾個女仔叫咗支青島share,因為大家都唔係好飲得,志在開心吓~斟到杯啤酒咁多泡都知唔係飲開啦!哈哈哈哈!南乳炸豬手幾得意!細細塊,雖然係炸,食落又唔會覺得好油,小妹幾鍾意!另外小妹好喜歡食椒鹽九肚魚,好味!其他餸普通啦!好味嘅,不過冇咩特別位去寫~因為我係負責食,所以唔知每味餸幾錢~過咗幾日連每人俾幾多錢都唔記得咗成晚同班朋友傾偈好開心,時間過得好快,我哋5個人坐4人檯搭張櫈,同隔離大檯嘅食客好親密,但仍有我哋檯嘅私人空間,好喜歡呢種同人咁close又互相尊重嘅感覺,好似寫多了,哈哈! 繼續閱讀
家的味道 :) (焦點食評)
入門食家 2016-06-08
3540 瀏覽
好耐都沒跟朋友一起去食東西了~ 今次朋友睇完食評SEND左D相比我地睇, 見到都好想食,  所以一直都好期待呢次既晚餐, 一來可以見下朋友, 二來又可以食下好野一去到石硤尾, 跟住GOOGLE MAP去行, 其實都幾難搵, 要行到石硤尾的街市再上一層先搵到, 終於黎到, 已經嫻多人係門口排緊隊啦, 好彩我們有BOOK刑位, 所以一陣就入得去啦~ 餐廳入面既裝潢都好有以前茶樓既特色, 好有古代香港既情懷~一黎, 朋友推薦一定要飲凍朱古力, 果然好飲, 好濃郁既朱古力味, 再配上擠係杯上既CREAM好FULL好滿足呀我們再叫了一些比較出名既菜式, 風沙雞, 外皮好香脆, 雞肉好嫩滑, 再夾埋放係雞上的香酥蒜泥, 真不能不配上一碗白飯, 所以我們都叫了3個白飯4人一齊SHARE我地好彩有點到呢個明太子炒飯, 因而真係好好味, 有好香既明太子味, 另外, 因為係明火炒既, 好有爐氣 仲加上蟹柳粒, 蛋粒一齊炒, 配上蔥香, 香氣四溢YUMMY YUMMY另外, 我們都點了一個金銀蛋蒜子浸白菜仔同肥牛粉絲煲, 碟白菜仔既味道唔錯, 因為白菜仔同金銀蛋一齊煮, D味都入晒D菜度, 係幾好, 但個人認為白菜仔略為可以唸多一點點. 而個粉絲煲, 我同朋友都覺得一般般, 味道比較起來啖了一點, 沒了一個煲應有既香味同濃度 4個女仔黎講的地都算大食啦, HAHA 我地仲叫左個菜埔煎蛋餅, 呢個真心好有媽媽既感覺同味道~ 簡單而令人回味既一道菜, 贊呀仲未夠, 我地多點了一個會著火既火焰蜜味牛柳粒, 呢個一黎即刻成為全桌既焦點, 我們每人都影相拍片, HAHA.. 絕對可以打下卡~ 講番個味道, 牛柳有甜甜既蜜香味, 牛柳肉質軟滑, 係不差既菜式最後, 黎個大合照係大滿足既一個晚餐, 本來打算食個飯後甜品, 但都好飽啦, 食唔落LU~~~ 繼續閱讀
新晉食家 2016-05-21
3600 瀏覽
有朋自遠方來,大夥人覓地相聚,暢飲一番,友人提意往南山邨的著名街坊中菜一試,既然大夥兒都躍躍欲試,而友人亦可一嘗少吃的“香港味”,難得高興當然同嘗佳餚去也。來到南山邨,一片老香港的痕跡,經典的冬菇亭小食,舊式屋邨人情味老舖,一一映入眼簾。在一片古舊風包圍着的,是一間時尚裝修,但不算華麗的食市,見到此店門庭若市,等位的客人一批接一批,相信質素應該不俗,熱切期待中。雖然有預先訂位,來到仍要輪候約十五分鐘,到人齊後才可入座。店内座位不算寬闊,甚至有點兒擠迫,但見客人們都各自遷就,相信早已習慣了這種街坊店的“親切”。我們一行八人,個個都是食得之人,叫了十多道餸才滿足。窩貼芝麻蝦,蝦多士也,將蝦肉釀在麵包塊上,沾上芝麻炸香,上菜時還灑上豬肉鬆增加口感。蝦多士炸得很乾身脆口,一點也不覺油膩;蝦肉的爽口配上炸麵包的酥脆,還有芝麻香和肉鬆的惹味,相互配合出香脆滋味。沙薑豬手,豬手以白鹵水鹵得入味,皮爽肉脆,撈上沙薑醬汁,清爽惹味,是一道不錯的冷盤。芝士琵琶豆腐伊麵底,琵琶豆腐炸得鬆軟,惜不夠魚肉,粉也太多影響口感,加上芝士汁味淡似白汁,配上伊麵欠濃郁口感,質素不似預期。梅菜肉崧蒸豆腐,梅菜肉崧味道偏淡,配上豆腐未能帶起整道菜的主味,使之味道淡口乏味,有點失準。風沙雞,據聞是這裡的名菜,原隻雞醃得入味,炸焗後斬件上枱,面頭灑上大量金蒜,望落就像是撒滿風沙似的。風沙雞做得皮脆肉嫩,蒜香十足,肉香惹味。蜜桃沙拉骨,沙拉骨賣相呈深啡色不甚討好,驟眼看以為炸過火,誰知食落一點也沒有燶,肉質鬆化,還會有肉汁滲出,沾上自家調製的沙律醬,配上蜜桃同吃,酸酸甜甜,滿是桃香,中和了炸排骨的油膩感,果香味美。啫啫大腸煲,大腸不會太肥,以乾葱葱段醬汁爆香炆煮後放入燒紅鐵煲,上枱時唧唧作響,香氣四溢,聞到已口水流。大腸入口鬆軟,吸收了配料的味道,酥香味濃。漁香小炒,以蝦乾,炸魷魚鬚,韮菜花切段炒香,用料豐富;蝦乾鹹香,炸魷魚鬚香口,韮菜花爽脆,配合成漁家風味小炒。鍋貼小塘菜,將小棠菜切粒混入墨魚膠中沾上脆漿炸脆,入口外脆内綿,鬆軟Q彈,墨魚香撲鼻,爽口不膩。金銀蛋蒜子浸白菜仔,白菜仔翠綠鮮嫩,與上湯及金銀蛋燴煮,鮮甜入味,清淡中帶點蛋香,唯獨欠了鹹蛋黄,缺了點邪惡感覺。XO醬炒蘿蔔糕,蘿蔔糕切方丁炸得酥脆,再以葱段、椒絲、銀芽和XO醬回鑊炒香。蘿蔔糕入口外脆内軟,濃香惹味,配上銀芽帶來點點的清爽,減輕了油膩感。明太子炒飯,其實是蟹子菜粒蟹柳炒飯,當中不太覺有明太子,尤幸味道尚算O K,炒飯粒粒分明爽口,顯出功架。雪菜肉絲炆米,肉絲夠多足料,米粉爽口,雪菜加上醬汁煮出了傳統口味。最後一提是這中餐廳居然有售凍朱古力,更特別的是這凍朱古力放上厚厚的忌廉,賣相經典美觀。朱古力香濃不太甜,加上忌廉的香滑,難怪每隔幾枱就見到有其踪影。整頓飯質素O K,很有街邊小炒,街坊飯店風味,加上價錢合理,這麼多道菜每位都只是百多元消費,可以說是超值,難怪這小店能客似雲來,讓我都想下次跟屋企人來試一趟。 繼續閱讀