47
41
11
港鐵尖沙咀站 A1 出口, 步行約7分鐘
電話號碼
3520 4343
付款方式
現金 銀聯 JCB
食評 (102)
入門食家 2015-07-02
339 瀏覽
有日行街發現流尚坊原來有為數不少既餐廳,上開飯就搵到呢間越南菜。睇評價好似幾好,就決心去試。首先要描述一下個first impression,上到去並非寫住味佳居,而係「新西貢」,大堂好多雜物,出面望入去係得2個客,第一個印象係佢未開舖,之後就係覺得「不如走啦」。但係望下店出面個餐牌又真係寫住味佳居,咁就算啦。店面唔大,最多坐到20幾人,已經講左裡面有2位客人,但係有7,8個員工。。。我地就揀左窗口位,對係海港城。我地叫左香茅豬扒金邊粉同埋蟹肉湯檬,可惜蟹肉未有,轉左蝦餅。豬扒係ok既,但係蝦餅個質感有d奇怪,唔係平時食開果d。整體都合格,不過坊間有間越南連鎖店會更好,相信佢地應該只係做附近返工既客為主。 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-02-06
1028 瀏覽
原想到8樓的吃上海菜,但到了才發現是日休息,故到9樓吃越菜~點了生牛肉湯粉絲(大),兩人share~ 生牛肉上桌時已9成半熟,將配料拌勻後已迅速變成全熟,雖有鮮肉味,但吃進口已靭麻麻的  不過湯底清而濃香鮮甜,粉絲爽滑,拌著湯和芽菜等同吃,份外滋味,可惜粉絲吃到最後已浸得過腍,吃得慢的就不宜選配粉絲~另外點了烤牛肉米紙卷,配微酸辣的魚露同吃,鮮甜可口,烤牛肉亦剛好熟,這個不會靭,且有香烤味,可惜米紙皮又是靭靭的,較難一口將米紙卷連同內餡咬斷來吃~雖美中有不足,但食品整體不俗,價錢亦相宜~ 只是桌椅擺放較擠迫,環境及衛生一般而已~ 繼續閱讀
(以上食評乃用戶個人意見 , 並不代表OpenRice之觀點。)
卓越食家 2015-01-01
979 瀏覽
今晚同朋友們一齊去睇Sammi 演唱會過除夕, 真係諗起都興奮!晚上等齊人到尖咀開餐, 呢D咁既大時大節都預計到成條街都係人架喇, 所以搵食都甚為艱難.最後得朋友介紹到上樓食店碰個運氣吧!原來都有唔同分店既~~~其實店舖裝修唔算好華麗, 地方亦唔算大, 就係放置十多張大大少少的餐桌吧.可能我地上去既時間尚早, 就只有我地一檯客人.越晏就見到其他客人光顧.好, 開始介紹食物吧~~拼盤內包括:春卷, 粉卷, 扎肉, 薰蹄, 蝦片豬肉, 烤豬肉濱海款式都算多, 味道也很好, 因為我地有五人的原故, 未能盡試所有, 有食既, 再可品評.粉卷: 入口還真的夠暖, 所以粉皮好嫰滑, 入面亦包上不同餡料, 有蝦仔,少許肉碎, 葱, 上面有兩條扎肉等~烤豬肉濱海: 肉味好夠, 所謂濱海即用粉絲墊住~~扎肉: 從來都唔識點形容扎肉味, 哈哈, 總之就好食啦!芥蘭清甜爽脆!!! 咸魚味其實唔重, 反正自己唔好, 所以冇乜所謂.估唔到雞翼係有全翼咁大隻架!!上面舖滿蒜茸, 好香, 好脆, 熱辣辣, 而且肉質好嫰滑, 一D都唔乾! 好味!好穩陣既一款菜式, 而且份量好夠, 但個人認為味道偏淡~~咖喱煲除左有牛腩外, 煲內原來仲有粉絲添, 索晒D咖喱汁勁入味!隨咖喱煲附送蒜茸包, 點餐時, 曾經問過有幾多件包, 職員答4件,但後來上菜時, 就見有6件, 大家當然喜出望外啦!可能見我地5個人唔夠分, 所以多加2塊包俾我地, 嘿嘿, 好貼心!!飲品有買一送一, 原本我叫左一杯龍眼冰, 可能唔係我預計既味道啦, 我諗住係黃色一杯, 甜甜地好清的味道 (即在泰菜館飲開既味道), 呢杯卻係用梳打水加入龍眼肉, 同一D酸酸地既料O係入面 (可能係梅子), UM....最後我還是同朋友換左一杯椰汁紅豆冰吧. 紅豆冰加入好多紅豆, 好飲得多!!整體黎講, 食物質素比想像中好味, 價錢亦大眾化!!!  繼續閱讀
(以上食評乃用戶個人意見 , 並不代表OpenRice之觀點。)