厚福海鮮酒家 (已結業)

食到一肚氣3日前留兩圍套餐，沒有回電話確認，7點半取位8點起第一個菜，直至9點3先再上第二個菜，我地由好耐性到發火，個經理竟然走嚟話，個大廚今日整親腳，但最嬲係另外兩間房（每間兩圍）就不停上菜，而晚飯散枱又不停上菜，佢地食完埋單，再轉另班客，真係嬲到火燒山。D餸菜味道差差差，淡而無味，龍蝦走油走過火，乾身到硬，條魚過火，瑤柱節瓜圃粒瑤柱竟然（可以無味）。仲有D餐具污糟到不得了。以後就算唔使錢都唔會再嚟食，真係食到一肚火。

4月26日晚來到厚福旺角店吃晚飯，宣傳又話龍蝦128一斤任叫，都有少少懷疑，來到叫兩斤，他們說要兩斤半，會多少少，來到發覺根本不足兩斤，又不拿出來枰給我們看，完全任佢講，真係有少少搵笨，問其中中一位戴眼鏡的男待應，仲發難渣，話你唔信就叫老板來啦。海蝦都係少，埋單四個餸共八百幾，三個人每人二百七。

一去到D waiter 已經態度勁差!坐低覺得涷,想換位,但佢地死都唔肯換,又唔肯較細D冷氣。叫野食的時侯,又冇人黎！又冇人加水！我地四人叫左個芝士焗龍蝦伊麵,片皮鴨,生炒骨。芝士焗龍蝦伊麵的芝士太鹼,不過龍蝦都幾大隻同多肉。片皮鴨D肉好老,皮又燒黑哂。D生炒骨仲離譜，應改名做"炸粉包住骨"，一D肉都冇，仲要收人$58!總括而言，差！

最近要清年假, 故我這不孝子能與兩老歎早茶. 早上七時許已見有人派傳單, 知有此新茶樓, 所以去試試.茶樓在二樓, 可惜無電梯. 進內, 環境清潔, 亦不會擠迫, 職員熱情招待. 見點心紙, 全部價錢都頗廉宜. 我們三人都吃得較少, 點了:-馬拉糕: 母親最欣賞這創新造型, 味道也不錯-鹹水角: 很香脆-炸芋絲卷: 也是香脆, 入面很足料-牛肉腸粉: 皮及肉比例做得好-金錢肚: 父親至愛. 很大碟, 有黑椒, 很香-皮蛋瘦肉粥: 粥身香滑, 唯較少肉全部點心都上得很快, 亦很熱, 故如不想點心在你面前變涼, 要吃再點吧. 員工亦有禮貌及有熱誠. 希望快點再來呢!