18
7
1
提及此餐廳的食評 (28)
新晉食家 2016-07-19
172 瀏覽
我同媽常係報章經常見老闆明哥愛心派飯,特別遠道而黎以消費支持,是日天時暑熱達32度,店內只有較弱o既冷氣開放,另開左多部風扇,雖未至於汗流夾背開餐,真係幾辛苦係咁熱o既環境咬住啖飯 。我同媽都明白呢間係愛心飯堂,我地唔會受炎熱天氣同店內冇裝修o既環境影響我地黎支持明哥o既熱誠 。我地一坐低,好快有個阿姐黎招呼我地,仲話坐近門口較熱,因近蒸爐,建議我地坐入啲會涼啲,如此燒臘店侍應竟然會有咁好嘅服務  。後黎先見到原來明哥都係坐左係隔幾張枱同食客一齊開餐。此店選擇繁多,除左一般燒味外,仲有蒸飯、點心、三餸飯,甚至唔同種類o既即炒飯麵 ,而即炒飯麵包例湯、咖啡或茶。我媽揀左班腩炒麵 (食晏1點咁快冇晒河粉了) $35同例湯,,以呢個價錢包埋例湯,份量都唔少 ,班腩雖炸過但唔脆,炒麵油左少少 。反而大熱天時,呢個消暑黃瓜例湯真大派用場 ,黃瓜肉有好多件, 湯飲落啖啖清涼冇油 好消暑氣 ,仲中和左咁油o既麵。我自己就揀左蒸排骨飯附時菜,仲有二款點心包括: 蒸豬肉燒賣同蒸魚翅餃。蒸排骨調味尚算入味,蒸飯較濕且軟,反而時菜好味,雖係清炒,唔會太油,惟已經放涼左了。點心真係好一般,以14蚊一款點心黎講,算了 。蒸豬肉燒賣食落好似蒸左好耐好粉,豬肉唔新鮮。蒸魚翅餃我當然唔會期望有魚翅係餃入面,有少少粉絲,有啲爽口。用餐完左一個鐘後,勁口渴,應該放左唔少味精。下次我同媽會移師去北河同行再支持下明哥。 繼續閱讀
入門食家 2016-07-12
155 瀏覽
去呢度唔多唔少係想支持明哥,佢哋一個盅頭飯加一款菜,堂食嘅話先廿蚊,外賣只係十八蚊,平得過份.我哋分別買咗北菇滑雞盅頭飯配西蘭花 同 鳳爪排骨盅頭飯配椰菜,排骨同鳳爪都總算仲有肉味,冇醃過頭,飯就幾濕同腍,應該係因為附近比較多老人家,始終佢哋牙力唔好,煮腍啲就易食啲.我份椰菜都唔少,食落爽脆甜香,有啲菜個感覺都好似均衡啲,不過就多油咗少少.平時晌網上唔同途徑睇到有關明哥嘅報導,當日見到佢真人坐鎮晌度,有啲小fans睇偶像嘅感覺,haha… 繼續閱讀
卓越食家 2016-06-04
1395 瀏覽
黎到明哥呢排門口好多人係度買三餸飯,睇評語食燒臘飯最穩陣,黎到買完飯卷就試下品質,雖然說不想好好食但係我食過最廉宜的燒臘飯,燒鴨味不錯,加色豉油味不算濃,飯夠熱之餘,份量亦好多。充滿良心和愛的味道! 繼續閱讀