321
107
39
港鐵深水埗站 D2 出口, 步行約2分鐘
所有分店 (3)
電話號碼
2386 3533
營業時間
星期一至日: 12:00-22:00
付款方式
現金
座位數目
25
其他資料
電話訂座
外賣服務
提及此餐廳的食評 (486)
卓越食家 2016-06-15
1102 瀏覽
六月天 - 未正式放暑假, 天氣已經又熱又翳焗, 人都無晒胃口, 一到食午飯時間大家你眼望我眼: [又...又...食飯嗱?!  食咩?]...無人回應即係無興趣?  正所謂辛苦搵來至在食。   無計呢, 身處頹得很的鰂魚涌 幾十蚊午餐budget有咩好食?!  有時大家只係好簡單想食碗靚雲吞或者魚蛋河, 講真, 呢區又真係- - -唉!   華昌有雲吞食, 但絕對唔稱得上'靚', 鰂魚涌上班族的日子就是如此'乏'呀~ 其實無胃口的日子, 如果是休息日, 我們間中會走去食碗雲吞當午餐, 深水埗劉森記絕對是一個好選擇, 第一: 食物可口, 食完唔口渴; 第二: 地點超方便; 第三: 價錢實惠!    本來早前寫開深水埗尋寶 想寫埋劉森記, 但找不著相片, 不知在哪部手機定已save在電腦, 又想盡快完成5月份那些同時令有關的幾篇所以暫停, 端午節休幾天整理一下存檔, 又給我找回相片, 真好! 去深水埗如果不去街市那方向'搵食', 其實我頗喜歡去劉森記的, 快 / 靚 / 正~  無失手勢, 食完再可以去'掃街'同行街, 超方便!   如果大家唔嫌環境差少少同迫少少, 去老鋪呢邊感覺上好似係好食啲... 都好幾個月無去劉森記, 一路寫來一路想食 。來到劉森記, 有很多大家喜歡點的食物: 蝦子黑栢葉撈麵、鵝腸、牛腩牛筋麵、蝦子撈各式竹昇麵等等, 但我本身不太喜歡吃蛋麵, 是我個人口味問題, 並不是店家做得好不好的緣故。  所以通常都是我淨雲吞/他水餃或水餃麵咁又可繼續行程。今天一到埗雖說是非繁忙時間但已有條十多人的小隊, 店小但流量快, 等了一會就入得, 所以即使見到有條隊都不用被嚇怕。 首先: 湯頭好正真材實料飲了都不會口渴, 大地魚加蝦頭煮湯的香真是與別不同, 伴著韭黃及粒雲吞, 很容易叫人一口一口喝了差不多小半碗 ; 肥瘦豬肉及蝦比例剛好, 裡頭的蝦子夠香, 而枱面那瓶醃蘿蔔真是很好的開胃前菜, 酸而微辣蘿蔔爽脆, 有時真不好意思要再添吃, 但真的很美味啊~   水餃的口感就更豐富, 有筍絲及木耳絲。 價錢方面: 淨食或跟麵大概都是$34元一碗, 我覺得仍是吃得過的。尤其是附近還有好些店有好吃的, 或者去買件糕點邊行邊食...一場來到深水埗有這麼多選擇, 不妨留個肚樣樣食吓 。 服務方面: 別看小店空間小, 無服務可言, 其實阿姐們都算好, 雖未至於笑笑口, 但好妥貼, 有低調哋睇住我哋呢啲抱住一、二件嘅關心吓我哋坐唔坐到, 落單、食物上枱快快手, 咁其實都算唔錯呢~說起雲吞麵, 早前的頒獎禮風波後看報導見到有人說:「如果我話畀你聽,有一間雲吞麵舖係全香港最好嘅餐廳,你會唔會服氣吖?一個新導演第一部戲,係咪好過啲最佳導演呀? 係咪好過佢哋拍嘅戲呢? 對我嚟講,我唔承認呢樣嘢。」 意思大概為: 平民美食雲吞麵賣三幾十蚊上唔到大枱~我就唔係咁睇喇~ 作為一位香港為食市民, 我認為香港人其實好有口福, 美食一大籮, 本土傑作咖喱魚蛋/雞蛋仔/菠蘿包/蛋撻...或集各國家大成的大作都比比皆是, 其中, 點數都好, 雲吞麵想必會在大家票選十大內佔一席位, 無可置疑!   相信你我當中, 應聽過差不多的一番話: [一落機, 淨係想即刻食番碗 雲・ 吞・ 麵!!!]  你有幾何聽到人講: [一落機, 淨係想即刻整番隻鮑魚呀!!!]  哈-哈-哈~ 雲吞麵的支持者好似比魚翅鮑魚更甚,好吃就可以拿最佳餐廳啦,啱唔啱先?  做得好, 就無分貴賤自有人欣賞。雲吞麵這廣州美食在香港已落地生根百花齊放, 各家爭鳴, 麥記、 池咩記、永記、沾記、好記、 何記...各有各好, 各有各fans, 相信~ 阿劉記亦必在十大之中!欠你一個好評, 應該早些寫好的, 不好意思呢 - 劉森記, 笑面! 繼續閱讀
見習食家 2016-06-05
910 瀏覽
上次來已經是數年前了。今天到高登買charger,順道來吃。雲吞蝦子撈一碟只有三粒及格水準的雲吞。麵彈牙但鹼水味道非常重,苦苦的。是否出了名就不用再注意水準呢? 繼續閱讀
新晉食家 2016-05-25
1051 瀏覽
一間擁有歷史悠久的麵鋪,系香港越來越少,大多都比大集團壟斷,能憑雲吞麵維持到而家,殊不簡單,還有幾間分店,一碗看似平平無奇,麵條入口彈牙和爽滑,唔系一般機器製成的麵條。麵條係用人手竹昇打成,麵條質感爽滑及有麵香,沒有太大鹼水味,鮮蝦雲吞,蝦味鮮甜美爽口,內有些筍絲,肉碎,咬落雲吞沒有鬆散,湯底用上大地魚熬成,絕無加添味精,再配上少許清香韮黃,隨便都可以食上幾碗。 繼續閱讀