30
7
2
食評 (39)
殿堂食家 2016-06-18
745 瀏覽
盛夏,天氣酷熱,外遊,絕非明智之舉!星期五,決定放假,相約摰友去大澳兩天一日hea遊。早上出門,下起傾盆大雨。幸而,去到梅窩,天氣轉晴,天空更藍更清!藍藍天空高掛我的夢,Let's go.....搭車搭船再搭車,大澳,真的頗為偏遠!飢腸轆轆的,先去前舖後居的「其記」吃早餐,由中年兩夫婦打理。對小妹而言,離島最誘人的早餐,非餐蛋一丁$25配凍檸茶$17莫屬了!即叫即煮即煎,新鮮好味道。凍檸茶茶色深褐,不見檸檬,只浮著絲絲檸檬果肉,並沒有加入冰粒。原來,店主以鮮搾檸檬汁混合結茶,預先冷凍而成,故果味十足。呷一口,凍檸茶冰凍透心涼,入口味道既濃又苦,繼而回甘。餐蛋一丁麵有兩塊煎餐肉和一隻煎蛋,麵選用出前一丁麵,淥得剛好,挺有咬口嚼勁。喜歡老闆的煎蛋,蛋白香脆,蛋黃則只有半熟,咬下去十分滋味好吃。這個貼有「常滿」的古老木箱,是小店的錢箱,佈滿了歲月的痕跡,是代代相傳嗎? 繼續閱讀
(以上食評乃用戶個人意見 , 並不代表OpenRice之觀點。)
新晉食家 2016-06-10
467 瀏覽
大澳地方少少,但好飲好食既野絕對唔少!先黎介紹呢間茶記大澳既第一站我黎呢度主要係因為想檸茶先,要精神一下嘛。其實呢度既檸茶都幾出名架!呀大人就飲華田,我試飲左啖,唔甜,都ok。今次仲叫左餐蛋麵,好懷舊既味道!個麵係出前一丁黎架添!$25算平喎!!再要個咸牛肉蛋治烘底,識食一定食烘底!!估唔到咁好食喎!!! 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-03-30
473 瀏覽
最後一日嘅復活節假去大澳遊, 朋友住屯門, 大澳有船來往, 佢熟哂地頭, 首推就叫我地去其記, 當然跟住去囉。地方係傳统嘅茶餐廳feel! 有親切姨姨叔叔招呼我地入去, 嗰日假日又吾係話太多人排隊, 排一轉就入得, 朋友話反而平日假期係排到爆。當然聽朋友講食名物喇, 我叫咗餐腸丁! 麵係一碗一碗上, 我估計係逐個煮! 有兩大塊午餐肉同兩條腸, 足料到呢, 而且堅聞到丁麵招牌麻油香~ 兩款餸都係$25蚊! 正我地仲叫咗奶醬多, 多士脆, 醬又足料! 無拍照! 必試!!仲有啲檸茶同奶茶都係無冰雪櫃拎出嚟~ 我無叫到, 因為有帶水, 但飲咗朋友嘅冰奶茶一啖! 夠濃~去大澳朋友可一試~ 繼續閱讀
(以上食評乃用戶個人意見 , 並不代表OpenRice之觀點。)